1 KORINTUS 10:11 - Nanduk Ngget Tul Pidnak Wene

¹¹ It enpem mbidnak mende pidsa iri-ge nit na ”Iri nggal kwat nunpuwa-o” luk nit ninndi wanuwakluk-nen wene engga bem mbarak pid irir-o. Worok tak purak tarem nit worali nenmanggim.

1 KORINTUS 10:11 ပူးပေါင်းရင်းမြစ်များ

NDAK WIRIDNAK WENE 19:35

Yak turug-e, iri na nggal-et kubu-ge Lot na indi nden kaso anggut engen amburu mak turug-e, ara owot iri na-ge Lot imin nene luk mbirij-e Lot na-ge mondok abu indi lak yidnak me, kagir-e lag-o.

NDAWI ENGGA 102:18

Ap abok ndesa mbuwa-nen karuk, at erembel wanuwakluk, Nagawan Indo-nen kwaroso-ge ap abok wolma enmanggim engga bem mbarer-o.

MATIUS 13:39

Nde, sirid nap kuri uwi pil kagaid iri na-ge Sere-net yusu-o. Nde, engen mbarurak tarem iri-ge i worok yuwa tarem-er-o. Nde, engen mbarugwi nap na-ge aid nab-er-o.

MATIUS 13:40

Iri ala-ge, kuri na-ge ndok wosa kan pugwi nggal, i worok yuwa tarem-e iri nggal-et kwaruwa-o.

OROMA 13:11

Yawo worali-ge kir-e kali me, wene yu-ge kwara kwarogolat wolmer-o. Nde, iri-ge kit nene yugwi na kunluk momtag-e abu panggo yij-o. Nde, nandug-et ninndi angin tubu yige tarem-e ninmiri yurak panggorag-e lag-et nde, yawo-nen perak nde, ninmiri yurak tarem-e panggo yij-o.

OROMA 13:12

Kubu lak yosolat, o nda yurak panggo yusu-o. Iri bem-e nit-nen-e ndamuk arem-nen kwarugwi mende keya buruk, yaya bem-nen wim mbarugwi san wanuwog-o.

OROMA 15:4

Mbal Pem Nagawan engga bem-nen-e ninndi luruk purak min ninndi tugup lak tak purak min mul nondosola, Mbal Pem Nagawan ebem ninndi mbung mbung tak wolmakluk mul nundusu me, Mbal Pem Nagawan engga bem mbaridnak wene pidsa nit mul nundurak pem mbariga-o.

OROMA 4:23

”Kar-e lud tak nak kwaroso keyagi-o” luk ya tid wene iri-ge Abaram arik nak amanggim mbaridnak wene-ge lag-o.

1 KORINTUS 10:6

Nde, it-nen kwaridnak pidsa iri-ge nit nggomo nindidnak nggal kwarij-o. It-nen meya mende ukwe ukwe yiga na nggal nit-nen ukwe ukwe yuwa naru,

1 KORINTUS 7:29

Nanggamirak wa-e. Yu nggal yosolat-nen yigi-o: worok yurak tarem-e panggo yusu me, yawo kuri-nen-e onkwe worak nab-e onkwe lak nggal wolmag-o.

1 KORINTUS 9:10

Are, nit ninmin nde yij-a? Ye, nit nenmanggim engga bem mbarid irir-o. Nggweyak yaloso nap min ebe mbaroso nap min-nen-e: ”Ebe posola, ereb-e namin-er-o” luk-nen nggweyak yalosolat, ebe mbarosolat mag-o.

NGGALATIA 4:24

Wene yu-ge nden karuk wene-nen yusu-o. Kwami mberen iri-ge ”Iri nggal ma-o” luk yidnak wene mberen-nen yili-o. Kwe misik, Agat iri na-ge, Sinai ndobo bem-nen lobok yidnak me, at-nen ndet inpidnak li-ge ndegel unpugwi nap yurak nap ndet onposo-o.

PILIPI 4:5

Kir-e yangonak nak kwarugwi nab-o luk ap pidsa-nen enaru yuwag-o. Nde, Nagawan Indo lobok yurag-e panggo yij-o.

IBERANI 10:25

Ap erep-nen kwatli nggal, nit-nen-e lambuksa ndok wurugwi tarem ndok wururak pem perari perari rak purak pug-o. Are, Nagawan Indo lobok yurak tarem-e panggo yidnak me, nit na nit-net mondok kwara ninndi eyak wat kerak mbogolat wolmog-o.

IBERANI 10:37

Mbal Pem Nagawan engga mbarak pem-nen yosolar-e: ”We mariget nak worarug-e, Lobok yuwa-o yidnak nab-e lobog-et yuwa-o. Wolma-ge lag-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.