1 KORINTUS 10:1 - Nanduk Ngget Tul Pidnak Wene

¹ Nanggamirak wa-e. Nenlawingga-nen kwaridnak iri-ge kir-e yebet yebet tak wolmomtag-e nindingen-o. Nggan nggan iri-nen it nggetlel unpuruk mborosola, ir-e ob-et yi koma na mbara ndil laiga-o.

1 KORINTUS 10:1 ပူးပေါင်းရင်းမြစ်များ

NEMIA 9:19

Iri kwarogola-t nde, kar-e unpud kaso elem me, kat-nen-e ir-e mondok nembaga ereba me keya inpigit lag-o. Kat-nen kubu bat lengge bat lit unpuruk mborosolar-e, kubu-nen lengge-nen it tu lit unpuruk mbururak nggan nggan laring tak min kanduk min iri na-ge kat-nen-e lak tak pigit lak irit keya bigen-o.

NDAWI ENGGA 105:39

Mbal Pem Nagawan-nen-e at ilirak kura onposolar-e, nggan nggan muruk tak pij-o. Nde, it kubu yaya bem mburuwaklug-e kanduk pij-o.

MBIRIGA WENE 14:29

Alat nde, Isarael nap na ndilagolar-e, yi koma na-ge ogorak nderak nggwe ndiliga-o. Ndilagola-ge, yi na-ge ponok ponok pak nggal nggaserak worala ndiliga-o.

MBIRIGA WENE 40:34

Iri rak posoloma-ge, nggan nggan mbuwasolat, Mbal Pem Nagawan uwi na-ge muruk tak posolat, Mbal Pem Nagawan-e o iri na me woralat at abinal-e o iri na me eyaya-nen kobong yij-o.

WONARIDNAK WENE 14:14

it-nen o yu me nap yak ondogolar-e, Nagawan Indo kar-e nit ninmin woralat, kat nit lit neneyaruk lobok yosolat-nen ninmbiri bem nam yosolar-e, lengge-ge nggan nggan nggal, nde, kubu-ge kanduk nggal kwasa lobok yusu wene iri yak indikma, kuliga-o.

YOANES 4:20

”Nit nenlawingga-nen-e ndobo yu bem-nen Mbal Pem Nagawan erembel wanugwi-t nde, kit Yawuri nap-nen-e ’Mbal Pem Nagawan erembel wanugwi sa-ge Yerusalem nag-o’ luk yili-o” luk yij-o.

OROMA 1:13

Nanggamirak wa-e. An-e pempa kit kendam lobok yurak perasu-t nde, yawo yu kuri-nen an-e pempa nari wari rak nubusu iri-ge kit kenaru yurag-e nindingen-o. Enlem nin nap ennggendumu-nen an neyabu ebe kwat yid iri nggal-et kit kennggendumu-nen na ebe kwat yidnak kayekluk-nen yigi-o.

OROMA 11:21

Nde, Mbal Pem Nagawan-nen Yawuri nap ndemeret e at inggi nggal-et nde, indi angin lak mbo inpidnak me, kit mbo kunpurag-e indi angin ma-o luk peragub-o.

OROMA 4:11

At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

1 KORINTUS 12:1

Nanggamirak wa-e. Konak Indi-nen we tembet ondoso wene iri-ge kir-e ndemeret kenaru yurag-e an nindingen-o.

1 KORINTUS 14:38

Alat nde, at-nen-e wene yu nde te rak posola-ge, iri yidnak nab-e te rak eber-o.

NGGALATIA 3:29

Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

IBERANI 11:29

Nde, it Isarael nap na inndi angin tubu yidnak pem-net Yi Koma Mimi na mbarogolar-e, yi na eberek yamu, nggweyak tu mbiridnak nggal ndil laiga-o. Nde, it Mesira nap-nen-e: ”Nit na iri nggal-et ndil lujwog-o” luk ndil lakmu-ge, yi-nen tebel inpid nar-o.

YOSUA 4:23

Kit ndegera eyak ponok nggwe ndil womakluk, Nagawan Indo Kenmbal Pem Nagawan-nen kit kenmanggim Yi Yareren yu eberek tak pamu-o. Iri kwarid iri-ge nit nenmanggim Telaga Koma eberek tak pid iri na nggal-et kwarij-o luk yak undurag-o.