1 KORINTUS 1:30 - Nanduk Ngget Tul Pidnak Wene

³⁰ Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 1:30 ပူးပေါင်းရင်းမြစ်များ

NGGOMO WENE 1:20

Koler-o! Tula tula min ap ndok worak sa min-e inndi nggat nggat elem-nen wene mbo inpil nusu-o.

NGGOMO WENE 8:5

Inndi tenggerak elem tena woragwi buk nab-e inndi tenggerak woragwi elem-e kenaru yer-o. Kit wid kinndi worak nab-e kwara yebet karuk-nen kenaru mer-o.

YESAYA 11:2

Nagawan Indo indi-ge at ebem woralat, indi ngarak, indi nggat nggat worak tak ubuwa-o. ”Yu nggal kwarurag-o” luk kwaroso abam irit kwarak puwa-o. Mbal Pem Nagawan indi-n pidnak aru yosolat, at indi aye worak irit wolma-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

NDANIEL 2:20

”Mbal Pem Nagawan iri-ge indi tenggerak, amawi worak-nen yusu-o! Pem irit woragolat nagolat at nak irit erembel wanogolat wolmomtag-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

OSEA 13:14

It enlem yu-ge wat yugwi elem ininggiyapma-nen inmiri yimin pug-o. Wat yugwi elem wa-e. Kat-nen idnak wat momtak kugwi-ge wigari-o! Kat keyabu yigisa lak tak poso iri na mondok wanosolat wolmin-o! An-e it enlem yu-ge tuguruk enabuwa yimin pug-o.

MATIUS 1:21

La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.

LUKAS 11:49

Iri bem-e, Mbal Pem Nagawan Indi Kwid Pidnak-nen yosolar-e: ’Mbal Pem Nagawan ene lomboksa yugwi nap min wirik inpidnak nap min it endamwirik inpil lobok yimin-o. Nde, it-nen-e ereb-e ondogolat, ereb-e lel mberel onpogolat ma-o’ luk yij-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

YOANES 17:8

Nde, kat-nen nebem pigen wene-ge an-nen it yak ondosola, waniga-o. Wanogolar-e, an-e ndemeret kat keram-nen lobok yidnak irit enaru yogolat, an-e kat wirik nibil lobok yigen-o luk neberali-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

OROMA 12:5

Iri nggal, nir-e ap kwarar-et nde, Kerisut imin kundik worali me, nenpe misiget nak-nen yusu-o. Nit na nit-net kundik woragolar-e, ebe misiget inggi ijok-nen yili-o.

OROMA 16:11

An nelem nap Erorion min Narikitus ama woragwi Nagawan Indo ene wanidnak nap min inmin-e ”Wa yak kindij-o” luk yak undurag-o.

OROMA 16:7

An nelem nap an totno o kubu me ninpil nggwidnak nap Andoronikus min Yunias min inmin-e ”Wa yak kindij-o” luk yak undurag-o. Mberen nap iri-ge wirik inpidnak nap ennggenggerak-nen unnu kek tak pidnak nap-nen yili-o. An-e awo Kerisut ebem nindi angin tubu yigit lak ma-net it nanduk inndi angin tubu yidnag-o.

OROMA 4:25

Yesus na-ge nit meya yidnak pem wat makluk, weserak uburuk, nit lud tak nak nunpuwakluk uruk tak pij-o.

OROMA 4:6

At-nen kwaroso mende bem-e lag-et nde, Mbal Pem Nagawan-nen-e lud tak nak ibidnak nab-e alen kasu-o luk, Ndaud-nen alen kaso nap na imin yosolar-e:

OROMA 5:19

Nde, ap misik-nen yidnak yidnak kwarigit lak pem-e, ap kwarat meya kwarugwi nap tak inpid iri nggal-et ap misik-nen yidnak yidnak kwaridnak pem-e ap kwarat lud tak nak unpuwa-o.

OROMA 5:21

Iri ala-ge, meya kwarugwi elem urugwe nggwe woragolar-e, wat yugwi nap woraige nggal, iri nggal-et we wok ondoso elem urugwe nggwe woragolar-e, lud tak nak nunpuruk, Nenagawan Indo Yesus Kerisut ebem-e nunlug-et woralik nalik momtak elem wok nundusu-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

OROMA 8:23

Alat nde, ndak worak inpidnak mende it nak yane witli-ge lag-o. Nit-nen na ninndi arem-nen yane witli-o. Nde, Mbal Pem Nagawan-nen nandug-et we wok nindid Konak Indi wanige nap nir-e nenpe ebis-et weserak nunpuruk, Mbal Pem Nagawan ilirak tak nunpuwakluk yik karok woragolar-e, yane witli-o.

OROMA 8:9

Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 1:24

Yawuri nap na irit, enlem nin nap na irit, Mbal Pem Nagawan yonggo inpidnak nap enmanggim-e wene yu-ge Kerisut Mbal Pem Nagawan amawi min Mbal Pem Nagawan indi lid tak elem min at-net yusu-o.

1 KORINTUS 12:18

Alat nde, Mbal Pem Nagawan-nen at indi-n pidnak pem ininggi unuwog-e enpe bem arik tak posolar-e, un lombog-et pamu-o.

1 KORINTUS 12:27

Yawo-ge kit oboksa-ge Kerisut ebe-nen yili-o. Nde, kit kenarik tag-e at inggi ujok-nen yili-o.

1 KORINTUS 12:8

Konak Indi-nen-e ap misik wok tosolar-e, indi nggat nggat pem wene yoso iri wok tosolat, nde, Konak Indi misiget iri na-net nin nap wok tosolar-e, indi tenggerak pem wene yoso wok tosolat yusu-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

2 KORINTUS 12:2

An naru nap, Kerisut ene wanidnak nap misig-e lengen empat belas woraige ombol nggwe-ge aid arem tap kenan ombol nggwe mondok teram iri me lek karuk lagaij-o. (Nde, iri-ge ndemeret at ebe lek karuk laidnak min yid, lak? Are, engena nak nde yij-a? An-e naru bug-o. Mbal Pem Nagawan nak aru-o.)

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

EPESUS 1:14

Konak Indi iri-ge Mbal Pem Nagawan-nen-e yi mende ndi mende at ilirak nit wok nundurak urul pidnak mende nanduk nanduk waga tena wolmakluk wok nindidnak Konak Indi-nen yusu-o. Nde, nonnggo puruk, Mbal Pem Nagawan arengge rak ninpid iri-ge at unu kek tak pidnak iri nak erembel wanuwakluk kwat ninpij-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

KOLOSE 1:14

At Ambara ebem-nen nit nonnggo posolar-e, nit meya yidnak amberam tak pij-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 9:12

Nde, Kerisut na-ge sum-nen wiridnak wi O Mondok Marak Sa iri me nggosolar-e, pem-et woralik nalik momtak pem misik pem na nggwij-o. Iri me nggosolar-e, kambing wam eyabi nde sapi wam kusi marik eyabi nde Mbal Pem Nagawan amanggim peyekluk waruk nggwigit lag-o. Are, at ondomok eyabi waruk nggosolar-e, nit nunlug-et pem-et woralik nalik wolmakluk, weserak ninpij-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

1 YOANES 5:6

Yesus Kerisut lobok yid iri-ge at yi ma purak yi min at wat momtak eyabi min imin lobok yij-o. Yi nak waruk lobok yigit lag-o. Are, yi min eyabi min-et waruk lobok yij-o. Konak Indi iri-ge lud tak nak yoso me, at-nen-e ”Wene yu-ge ndemerer-o” luk kunggurusu-o.

NAM PARA WENE 14:4

It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.