1 KORINTUS 1:27 - Nanduk Ngget Tul Pidnak Wene

²⁷ Alat nde, inndi tenggerak nap na innggiri wuruwaklug-e, Mbal Pem Nagawan-nen nggweyak ma yu me wid woragwi irit len inpij-o. Nde, enarong worak nap innggiri wuruwaklug-e, Mbal Pem Nagawan-nen nggweyak ma yu me ndeyak woragwi irit len inpij-o.

1 KORINTUS 1:27 ပူးပေါင်းရင်းမြစ်များ

NDAWI ENGGA 8:2

Iri kwarusu-ge li marik marik min li nggisiya min-nen ndawi kebem ngatli-o. Wim nap min sirid nap min enemnde nggutlurak pem-e kat-nen o tena woraso kamawi-ge tugup lak sil kudtak puk-nen yusu-o.

YESAYA 44:25

’Iri kwat ma-o’ luk, urul pugwi nap-nen urul pugwi iri-ge an-nen ebe lak mende rak poso-o. Nde, ’Iri nggal kwat ma-o’ luk, kugwi tu mbarugwi nap ereba na-ge an-nen nerengenma nggal tak onposo-o. It-nen indi worak elem pem wene yugwi na an-nen eyak worosolat, it inndi nggat nggat elem na an-nen wid inndi rak onposo-o.

WONARIDNAK WENE 22:30

Yosoloma, kelerai iri na-nen yosolar-e: ”An-e nombo kat-nen pempa nebem koreluk noso kegelerai nar-o. Nde, an-e yu nggal mbi kwat koboso-a?” yosoloma, Mbileyam-nen yosolar-e: ”Iri nggal-e kwat noboso bug-er-o” luk yij-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 21:16

Yuruk, it-nen Yesus yak togolar-e: ”Li yu-nen yili yu-ge kar-e kulusu, lak?” luk yak togolikma-ge, Yesus-nen wene erep nggarosolar-e ”Eyo. Kulusu-o. Nde, engga mbarak pem-nen mbaridnak wene yu-ge: ’Li marik marik nde, kamo nunggwi nggisiya nde, enemendam-nen-e kat kerembel kwara wanuwakluk mul indigen-o’ luk mbaridnak wene iri-ge kir-e wonarugwi bug-a?” luk yij-o.

MATIUS 9:9

Iri luk, Yesus-nen o iri na me keya buruk mborosoma-ge, pemerinta enmanggim tol ndok woroso nap unu-ge Matius iri na-ge at tol ndok woroso o ma koreyak worasoma kagaij-o. Karuk yarig-e, at-nen ap iri na yak tosolar-e: ”An nimin ni-o” luk yak tosoloma-ge, Matius iri na men lug-e, Yesus imin mbirij-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 7:35

It onmbol-e Musa na wok turuk-nen yak togolar-e: ’Kar-e nit nennggendumu nagawan woralat nit nenpem wene mbaroso nap yonokluk ta-nen mendak kibij-o?’ luk yak tiga nap iri na-t e sugwe ndumu-nen nam agaid aid nap ebem-nen Mbal Pem Nagawan-nen wirik posolar-e, it ennggendumu nagawan woralat it inmiri yoso nap yuwakluk irit wirik pij-o.

YIDNAK YIDNAK WENE 7:54

Wene iri na yosola, it wene mbarugwi nap-nen kuluruk yigarig-e, insilepma kwarat luk, eneyak nggirit matluk mbiriga-o.

1 KORINTUS 1:20

Inndi tenggerak nab-e ngge me-o? Engga enaru nab-e ngge me-o? Nggweyak ma yu me-nen eyak wat wat kwarugwi nab-e ngge me-o? Nggweyak ma yu me-nen inndi lid tak elem iri-ge Mbal Pem Nagawan-nen wid tak pid na kali bug-a?

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 2:12

Mbal Pem Nagawan-nen we wok ondoso mende nenaru moklug-e, nir-e nggweyak ma nap inndi-ge wanigit lag-o. Are, Mbal Pem Nagawan-nen wok nindidnak Konak Indi irit wanige-o.

2 KORINTUS 10:10

Ap misik-nen yosolar-e: ”Paulus-nen engga mbaridnag-e kwiye worak, andi le worak mbaroso-t nde, nit nendam-nen-e abage-ge ndeyak, ene na ebe lak wene yoso-o” luk yusu-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.