1 KORINTUS 1:25 - Nanduk Ngget Tul Pidnak Wene

²⁵ Nggweyak ma nap inndi lid tak elem iri-ge teberag-o. Alat nde, Mbal Pem Nagawan wid nggal tak pili iri-ge at indi lid tak elem-e terak minik kek tak-nen yusu-o. Nggweyak ma nap enmawi-ge teberag-o. Alat nde, Mbal Pem Nagawan ndeyak woraso mende iri-ge terak minik amawi-nen yusu-o.

1 KORINTUS 1:25 ပူးပေါင်းရင်းမြစ်များ

MBIRIGA WENE 13:17

Mesira nagawan iri na-nen Isarael nap lerak enpamu-ge tu Pilisin nggwe mburugwi-ge koroga-t nde, tu iri nggwe-ge Mbal Pem Nagawan-nen-e inmin mbirigit lag-o. Nde, iri kwarid iri-ge Mbal Pem Nagawan-nen perasolar-e: ”It nde tu iri nggwe-t mburuwarig-e, mondok wim-et nggurak ala karuk, niri nera-nen yu nggwe lobok yige-o peraruk, tuguruk Mesira mburuwa-o” perasolat-nen kwarij-o.

1 KORINTUS 1:18

Kerisut e lang pang tak pem wiridnak wene na-ge it lak momtak tula mbitli nap-nen-e wid-nen yugwi wene nggal tak pili-t nde, nit ninmiri yurak tula mbitli nap-nen-e wene iri-ge Mbal Pem Nagawan amawi kwat yusu-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.