1 KORINTUS 1:21 - Nanduk Ngget Tul Pidnak Wene

²¹ Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 1:21 ပူးပေါင်းရင်းမြစ်များ

NDANIEL 2:20

”Mbal Pem Nagawan iri-ge indi tenggerak, amawi worak-nen yusu-o! Pem irit woragolat nagolat at nak irit erembel wanogolat wolmomtag-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

LUKAS 10:21

Iri tarem na-net Konak Indi at ebem mbosola-ge, Yesus na alen kasolat-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Iri mende pidsa-ge enaru nap min inndi nggat nggat worak nap min enambigir-e lumurak posolat, it enaru buk nap enambigir-e nam tak pigen iri bem-e wa yak kurusu-o. Eyo, Neid wa-e. Kat kindi-n peraidnak ndak ndag-et kwarij-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 11:33

Mbal Pem Nagawan-e yi mende ndi mende winde iri-ge wir-o! At indi nggat nggat min at aru yidnak min iri-ge nggok ija lombog-o! At-nen mbaridnak wene iri-ge ta nggal-nen nde lumbunuwa-o? At-nen kwaroso iri-ge ta nggal-nen yebet kujwa-o?

1 KORINTUS 1:18

Kerisut e lang pang tak pem wiridnak wene na-ge it lak momtak tula mbitli nap-nen-e wid-nen yugwi wene nggal tak pili-t nde, nit ninmiri yurak tula mbitli nap-nen-e wene iri-ge Mbal Pem Nagawan amawi kwat yusu-o.

1 KORINTUS 1:23

nit-nen-e Kerisut e lang pang tak pem wiridnak wene nak yili-o. Nde, nit-nen yili wene iri-ge Yawuri nap enambigir-e unuwok abis pijaksa mberak onposo kerep nggal yosolat, enlem nin nap enambigir-e wid-nen yugwi nggal yosolat yusu-t nde,

1 KORINTUS 1:24

Yawuri nap na irit, enlem nin nap na irit, Mbal Pem Nagawan yonggo inpidnak nap enmanggim-e wene yu-ge Kerisut Mbal Pem Nagawan amawi min Mbal Pem Nagawan indi lid tak elem min at-net yusu-o.

1 KORINTUS 1:25

Nggweyak ma nap inndi lid tak elem iri-ge teberag-o. Alat nde, Mbal Pem Nagawan wid nggal tak pili iri-ge at indi lid tak elem-e terak minik kek tak-nen yusu-o. Nggweyak ma nap enmawi-ge teberag-o. Alat nde, Mbal Pem Nagawan ndeyak woraso mende iri-ge terak minik amawi-nen yusu-o.

1 KORINTUS 1:27

Alat nde, inndi tenggerak nap na innggiri wuruwaklug-e, Mbal Pem Nagawan-nen nggweyak ma yu me wid woragwi irit len inpij-o. Nde, enarong worak nap innggiri wuruwaklug-e, Mbal Pem Nagawan-nen nggweyak ma yu me ndeyak woragwi irit len inpij-o.

1 KORINTUS 11:32

Alat nde, nggweyak ma nap enpem wene mbarosolar-e, it inmin lambuksa nenpem wene mbaruwa naru, Nagawan Indo-nen-e angin worak mende nenpem pusu iri-ge mul nondosolat-nen yusu-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

1 KORINTUS 6:2

Marak nap-nen-e nggweyak ma nap pidsa enpem wene mbaruwa-o yidnak iri-ge kir-e kenaru buk, lak? Iri ala-ge, nggweyak ma nap pidsa enpem wene mbarurag-e kit kinggem worasola-t nde, wene te nggal iri-ge kit-nen mbarurag-e meya kali-a?

NGGALATIA 1:15

Alat nde, at indi-n pidnak pem an niya arem-net Mbal Pem Nagawan-nen len nuburuk, at-nen we wok ondoso elem pem-net wene mbo nibij-o.

NGGALATIA 4:8

Nanduk kir-e Mbal Pem Nagawan kenaru buk woragolar-e, Mbal Pem Nagawan nggal-e lag-et nde, ebe lak kugi iri na ndegel ubugwi nap woraigeb-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

KOLOSE 1:19

Nde, Mbal Pem Nagawan indi-n pidnak pem-e Mbal Pem Nagawan abage iminep mbarak iri-ge at Ambara arem worasu-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

YAKOBUS 5:15

Nde, inndi angin tubu yogolat-nen tepan yogola-ge, kugi worak nap iri kugi lak tak puruk, Nagawan Indo-nen ki rak puwa-o. Nde, at-nen meya kwaridnak mbi worala-ge, amberam tak puwa-o.

YAKOBUS 5:20

engga wene yu kinndi yebet yebet tak wolmer-o: Ta-nen nde meya yoso nap iri na meya tulabiyem-nen nden yaga ibil lobok yosolar-e, meya yoso nap iri na-ge at wat momtak sa-nen indi imiri yosolar-e, at meya yidnak kwarar-et nde, lak tak ubuwa-o.