1 KORINTUS 1:20 - Nanduk Ngget Tul Pidnak Wene

²⁰ Inndi tenggerak nab-e ngge me-o? Engga enaru nab-e ngge me-o? Nggweyak ma yu me-nen eyak wat wat kwarugwi nab-e ngge me-o? Nggweyak ma yu me-nen inndi lid tak elem iri-ge Mbal Pem Nagawan-nen wid tak pid na kali bug-a?

1 KORINTUS 1:20 ပူးပေါင်းရင်းမြစ်များ

2 SEMUEL 15:31

Nde, ap-nen yak togolar-e: ”Agitopel min-et Apsalom ambigit mbirij-o” yogola karuk, Ndaut-nen tepan yosolar-e: ”Nagawan Indo wa-e. Agitopel-nen nggomo yak tuwa ereba-ge ebe lak yaga keya bi-o” luk yij-o.

2 SEMUEL 16:23

Nde, ereya tarem-e Agitopel-nen yidnak wene oboksa-ge Ndaut-nen na irit Apsalom-nen na irit Mbal Pem Nagawan-nen yosola nggal kologoluk kwarogolat woraiga-o.

2 SEMUEL 17:14

Wene iri na kulurug-e, Apsalom min Isarael nap oboksa min nen yogolar-e: ”Yawo Usai-nen yid wene iri perak konag-o. Nde, Agitopel-nen yij-e meya nggal-o” luk yiga-o. Nde iri yiga iri-ge Nagawan Indo-nen Agitopel-nen wene konak nak ngarusu iri na ebe lak tak puruk, lak tak unpurak mende Apsalom ebem mbuwakluk-nen kwarij-o.

2 SEMUEL 17:23

Nde, Agitopel na-nen yik kagaidnggal-e, at-nen yidnak wene-ge mondok nggarugwi buk ala karug-e, kelerai wam ombolwak pem kore yogolat-nen puruk kore yugwi ondoro iri na kelerai wam ombol pem puruk ebem kore luk, at ambik ama mberarig-e, at-nen kwarurak mururak ereba na ndegera kwatlug-e, ambikpebe urusuwak ngonoksa tiong yamu, at owe owot yapma unpugwi sa iri na me yapma ibiga-o.

YESAYA 33:18

Pemerinta enmanggim kenpem tol nggi yugwi nap kit-nen enaye kagwi min enlem nin nap-nen yidnak yidnak kwaruwakluk yik keneyarok woragwi enlem nin nap ereba enaye kagwi min ereba na-ge lak yosolat, obok nak yeberak woragub-o.

YESAYA 44:25

’Iri kwat ma-o’ luk, urul pugwi nap-nen urul pugwi iri-ge an-nen ebe lak mende rak poso-o. Nde, ’Iri nggal kwat ma-o’ luk, kugwi tu mbarugwi nap ereba na-ge an-nen nerengenma nggal tak onposo-o. It-nen indi worak elem pem wene yugwi na an-nen eyak worosolat, it inndi nggat nggat elem na an-nen wid inndi rak onposo-o.

YESAYA 53:1

Ap enlem iri na-nen onggo yogolar-e: ”Ta-nen nit-nen kulidnak ereba na bem indi angin tubu yamu-o? Tarak inmbiri bem Nagawan Indo amawi-ge nam tak pij-o?

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

OROMA 1:20

Mbal Pem Nagawan-nen nggweyak yu ndak wirid kuri-nen yawo kuri-ge Mbal Pem Nagawan abage kagwi buk abage iri-ge at woralik nalik yoso amawi min abage Mbal Pem Nagawan woraso min iri-ge ab-e nam-et kagolar-e, at-nen ndak worak pidnak tengge bem-nen ap-nen-e at yenggerak kali me-ge, it innggiri worosola, it-nen-e onggo yurag-e meya-o.

OROMA 1:22

Nir-e ninndi-ge anggat ponok tag-o luk perali-t nde, wid inndi nde worali-o.

1 KORINTUS 1:19

Mbal Pem Nagawan engga mbarak pem-nen yosolar-e: ”Inndi tenggerak nap-nen idnak inndi lid tak elem iri-ge an-nen lak tak pimin-o. Elem kwarat enaru nap-nen enaru yidnag-e mbereksa lak tak pimin-o” yij-o.

1 KORINTUS 1:26

Nanggamirak wa-e. Mbal Pem Nagawan-nen yonggo kinpid tarem kit nanduk woraigep na kinndi yebet ker-o. Nggweyak ma nap-nen yik kagwi mende bem-e kit kennggendumu-ge inndi nggat nggat worak nab-e kwarat woragit lag-o. It enne nak kulugwi na kwarat woragit lag-o. Ap unnu kek tak na kwarat woragit lak irir-o.

1 KORINTUS 1:27

Alat nde, inndi tenggerak nap na innggiri wuruwaklug-e, Mbal Pem Nagawan-nen nggweyak ma yu me wid woragwi irit len inpij-o. Nde, enarong worak nap innggiri wuruwaklug-e, Mbal Pem Nagawan-nen nggweyak ma yu me ndeyak woragwi irit len inpij-o.

1 KORINTUS 1:28

Nggweyak ma yu-ner ebe worak yik kagwi mende na lak takpuwaklug-e, Mbal Pem Nagawan-nen unnu teberak mende min ap-nen no mende nggal yik kagwi min ebe lak mende min irit len inpij-o.

1 KORINTUS 11:32

Alat nde, nggweyak ma nap enpem wene mbarosolar-e, it inmin lambuksa nenpem wene mbaruwa naru, Nagawan Indo-nen-e angin worak mende nenpem pusu iri-ge mul nondosolat-nen yusu-o.

1 KORINTUS 2:6

Irit nde, nir-e indi tenggerak wene iri inndi amburu mbarak nap yak indili-t nde, nggweyak ma nap inndi tenggerak elem pem na yak indigit lag-et, o tena worali nagawan nagawan iri-ge lak tak unpuwa nap iri na inndi tenggerak elem pem na yak indili bug-o.

1 KORINTUS 2:8

Nde, iri-ge, indi tenggerak elem iri-ge nggweyak ma nagawan nagawan misiger-o luk tet enaru buk woraikma-o. Enaru woralep nggal-nen-e Unu Kek tak Woraso Nagawan Indo na e lang pang tak pem wirigit lak yeleb-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

1 KORINTUS 3:19

Nggweyak ma nap inndi tenggerak elem yili na-ge Mbal Pem Nagawan erengen pem-e wid-nen yugwi nggal-nen yusu-o. Mbal Pem Nagawan engga mbarak pem-nen yosolar-e: ”Nagawan Indo-nen-e ap indi nggat nggat worak na ngonok tak obosolar-e, at ondomok indi nggat nggat iri na-net ngonok tak ubusu-o” luk,

1 KORINTUS 6:2

Marak nap-nen-e nggweyak ma nap pidsa enpem wene mbaruwa-o yidnak iri-ge kir-e kenaru buk, lak? Iri ala-ge, nggweyak ma nap pidsa enpem wene mbarurag-e kit kinggem worasola-t nde, wene te nggal iri-ge kit-nen mbarurag-e meya kali-a?

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.