1 NAGAWAN NAGAWAN-NEN KWARIDNAK WENE 8:9 - Nanduk Ngget Tul Pidnak Wene

⁹ Nde, urul pidnak wene labu mbarak iri arem-e mondok nin nan-e yarak pigit lag-o. Are, imiri mbarak pidnak wene mbarak kerep mberen Isarael nap Mesira wi-nen Kanaan wi mborogola, Nagawan Indo-nen inmin kondosolat urul yak indidnak wene mbarak kerep mberen Musa-nen Sinai Ndobo bem-nen yarak pid ereya na nak yarag-o.

1 NAGAWAN NAGAWAN-NEN KWARIDNAK WENE 8:9 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:21

Nde, nanduk Nagawan Indo-nen nonmborak Mesira-nen wesera wok unpuruk lobok yosolat, it inmin kondosolat-nen urul pidnak wene iri na mbarak kerep iri na yarak labu mbarak iri na ondoro lid lud tak pigi-o” luk yij-o.

MBIRIGA WENE 13:21

Mborogola-ge, Nagawan Indo-ge lengge ala-ge it enabuwog-e nggan nggan arem mborosolat, nde, kubu ala-ge tu mirik enpeyekluk kan mare nggal luk lit iniyuruk mbirij-o. Iri kwarosola ir-e kubu-nen lengge-nen mborogolat nak woraiga-o.

MBIRIGA WENE 14:24

O kil posola-ge, Nagawan Indo-ge nggan nggan min kanduk min iri na arem-nen Mesira nap ap kere ereba na mbel eneyagaidnggal-e, Mesira nap yeba na-ge mondok nari wari irit mbiga-o.

MBIRIGA WENE 16:10

Yamu, Arun-nen wene na yak ondosolat, nde, ir-e oboksa enlengen-e o lid ereba na nggwe yik karok worakmu-ge, mimo ereya na-net Nagawan Indo eyaya-ge nggan nggan arem-nen nam agaij-o.

MBIRIGA WENE 16:33

Yuruk, Musa-nen Arun yak tosolar-e: ”Togolwak mbi wanugundik mana iri embe mberen pem nggal yasa togolwak arem puruk, nit-nen wigarak-nen abok kujwakluk Nagawan Indo eram iri me ndok wosa pi-o” yak tij-o.

MBIRIGA WENE 40:20

Iri rak purug-e, urul pidnak wene labu mbarak iri na arem-e kerep imiri mbarak pidnak wene mbarak ya na yarak puruk, usurup puruk, labu mbarak iri na bem manggo yaga uru bela pidnak iri na arem tenaburuk kud turak e pil nggwij-o.

TEPAN OMBO-NEN KWARURAK WENE 16:2

”Wene yu kowe Arun iri yak ti-o. At nde o sum-nen kuri worak mondok marak iri me nggosolar-e, ’Iri tarem nggurag-o’ luk ludtak pidnak tarem nak nggurag-o. Nde, iri me-ge an-e urul pidnak labu mbarak iri na usurup pem nggan nggan arem-nen nam yoso sa-nen yusu-o. Arun-nen nde wene yu kwid tosolar-e, mondok abu wat ma-o.

WONARIDNAK WENE 9:15

Nagawan Indo uwi iri na abu worak piga tarem iri-ge nggan nggan-nen Nagawan Indo uwi na-ge muruk tak pij-o. Nde, muruk tak pid nggan nggan iri na-ge kubu-nen-e mondok kanduk nggal irit kaiga-o.

TUGURUK YIDNAK WENE 31:26

”Mbal Pem Nagawan-nen idnak imiri mbarak pidnak engga yu-ge wanugupndik, kinndi yenggerak posolat wolmakluk, Nagawan Indo Kenmbal Pem Nagawan-nen idnak urul pidnak labu mbarak iri na eralu per-o.

TUGURUK YIDNAK WENE 4:13

At-nen kinmin urul pid wene iri na ndak ndak tak pogolar-e, mondok kit-nen kwarurak kenaru rak posolar-e: ’Imiri mbarak pidnak wene sepulu kerep abak mberen ereya bem mbarak iri na-ge kir e mondok ndak ndag-et kwarurag-o’ luk yak kindid nar-o.

IBERANI 9:4

Nde, o ma iri me-ge emben worak mende kan pugwi sa emas-nen konidnak iri min emas-nen mbeyoksa keya bidnak labu mbarak iri min woragaij-o. Nde, Mbal Pem Nagawan-nen urul pidnak wene labu mbarak na arem-e no mende mburu yarak emas-nen konidnak yimbe na min Arun owangun isit mbiridnak iri na min Mbal Pem Nagawan-nen imiri mbarak pidnak wene sepulu mbaridnak kerep abak mberen iri na min-e labu mbarak iri arem yarak woragaij-o.

NAM PARA WENE 15:8

Nde, Mbal Pem Nagawan abinal min at amawi min-nen idnak kule iri-nen-e Mbal Pem Nagawan wi iri me yebet yij-o. Nde, aid nap tuju-nen waruk lobok yidnak andi bandi mende iri na awo lak yigit lak worala-ge, ap misiger-o luk tet Mbal Pem Nagawan ama ngguwa bug-o.