1 NAGAWAN NAGAWAN-NEN KWARIDNAK WENE 8:6 - Nanduk Ngget Tul Pidnak Wene

⁶ Iri rak purug-e, tepan ombo-nen-e urul pidnak wene labu mbarak iri na-ge Nagawan Indo uwi iri na arem waruk nggwigarik, O Mondok Marak Sa iri na me aid nap kerup ndak worak indipma parosa piga-o.

1 NAGAWAN NAGAWAN-NEN KWARIDNAK WENE 8:6 ပူးပေါင်းရင်းမြစ်များ

2 SEMUEL 6:17

Urul pidnak wene labu mbarak iri na-ge Ndaut-nen urul pidnak wene labu mbarak iri purak ondoro sum wi wiridnak iri na me-t pil nggwiga-o. Iri luk, Ndaut-nen-e wam wosa Nagawan Indo amanggim kan posolat, at imin kundurak pem wam wosa kan posolat irit kwarij-o.

2 SEMUEL 6:2

Ndok wutlug-e, urul pidnak wene labu mbarak unu yarogolar-e, Nagawan Indo Mondok Amawi Worak aid nap ereya na bem koreyak woroso ondoro iri-ge o Mbaal-e Yewura nggweyak pem worasu iri na wil mbururak lit unpuruk mbirij-o.

1 NAGAWAN NAGAWAN-NEN KWARIDNAK WENE 6:16

Nde, o iri na arem-e o kuri worak pogolar-e, e Libanon-nen waruk lobok yidnak ereba na-nen nggweyakma-nen panggara pil laruk, o iri na kuri wosa mberen tak pij-o. Nde, o kuri worak pidnak arem misik iri na unu-ge o kuri worak Mondok Marak Sa irit yarij-o. Nde, o iri-ge mot nggwe ndak worag-e 9 meter irir-o.

1 NAGAWAN NAGAWAN-NEN KWARIDNAK WENE 6:19

Nde, Nagawan Indo uwi O Mondok Marak Sa kuri worak iri na me-ge Nagawan Indo-nen idnak urul pidnak wene labu mbarak iri na purak ondoro lid lud tak piga-o.

1 NAGAWAN NAGAWAN-NEN KWARIDNAK WENE 6:27

Nde, aid nap kerup ndak worak mberen ereya na-ge unlugwe misik nggwe nak O Mondok Marak Sa iri na me piga-o. Nde, insiyamu ereb-e kebet pem ndurum tag-o. Nde, insiyamu ponok nggwe-ge misik isiyamu abi min kundij-o.

1 NAGAWAN NAGAWAN-NEN KWARIDNAK WENE 8:3

Nde, Isarael nap enlem lombok-nen enne kulugwi nap ereba na ndok worogola karug-e, it tepan ombo-nen-e urul pidnak wene labu mbarak iri na-ge kud tiga-o.

1 NAGAWAN NAGAWAN-NEN KWARIDNAK WENE 8:4

Kud turuk mbirigarik, Nagawan Indo uwi iri na me waruk mbiriga-o. Iri yogolar-e, Nagawan Indo uwi sum-nen wiridnak o lije iri na min-et iri me-nen kwarugwi murugwi oboksa min-et tepan omborak min Lewi nap min-nen-e Nagawan Indo uwi iri na me pil mbiriga-o.

1 NAGAWAN NAGAWAN-NEN KWARIDNAK WENE 8:7

Nde, aid nap kerup ndak worak isiyamu ereya na-nen-e urul pidnak wene labu mbarak iri na min tena buruk kud turuk mburugwi e iri na min anggul pem lumusa wosarak woragij-o.

NDAWI ENGGA 80:1

Kolomba Isarael nap Yik Eneyarok Woraso wa-e. Nenne kwara kuli-o. Yusup-nen wigarak lombo oro nggal ligik iri-ge kat-nen lit unpuruk mburusu-o. Aid nap kerup ombol pem koreyak woraso kar-e keyaya bem

NDAWI ENGGA 80:2

Eperaim min Mbenyamin min Manase min endam irit wasug-o. Kat kamawi elem iri-ge nit nenlengen pem nuk kasolat, lobok yugundik, nit ninmiri yi-o.

1 SEMUEL 4:4

Iri lug-e, Nagawan Indo-nen idnak urul pidnak wene labu mbarak iri na-ge Silo iri me wil mbururak ap enpem pikma, Nagawan Indo Kek tak Amawi Worak iri na koreyak woraso ondoro nggal kwasa o Silo-nen waruk lobok yogola-ge, Eli elirak Opni min Pineas min-e urul pidnak wene labu mbarak waruk lobok yili iri na inmin-et waruk lobok yiga-o.