1 NAGAWAN NAGAWAN-NEN KWARIDNAK WENE 8:34 - Nanduk Ngget Tul Pidnak Wene

³⁴ kat-nen-e aid arem-nen enne kulurag-o. Kat kilirak-nen meya yidnag-e kamberam tak purug-e, kat-nen wok unpuruk, kat-nen onmborak wok indigen o yu tuguruk wok unpuruk lobok yi-o.

1 NAGAWAN NAGAWAN-NEN KWARIDNAK WENE 8:34 ပူးပေါင်းရင်းမြစ်များ

NDAK WIRIDNAK WENE 13:15

Nde, o nggweyak kat-nen kaigen ereba oboksa-ge an-nen kat min kat-nen wigarak min-et wok kindimin-o. Iri yumu, mondok pem kat karengge irit wolma-o.

1 NAGAWAN NAGAWAN-NEN KWARIDNAK WENE 8:33

Kat kilirak Iserael nap nde it-nen meya kwaridnak pem wim nap-nen urugwe nggwe rak onpogola, tuguruk kat keram lobok yogolat: ’Kar-e nit-nen idnak Nagawan Indo-nen yusu-o’ luk kat kek tak kuburuk, kat kerembel wanugwi o yu me lobok luk, ’Nit meya yidnak kamberam tak pi-o’ luk kemengen mbarogola-ge,

1 NAGAWAN NAGAWAN-NEN KWARIDNAK WENE 8:35

Nde, kat kilirak-nen nde kat kimin meya yogola, kat-nen angin worak enpem posolat, talme mberak pigit lak yosola, it nde kondok yogola-t nde, ’Kar-e nit-nen idnak Nagawan Indo-nen yusu-o’ luk kat kek tak kobogolat, kat kerembel wanugwi o yu ambigit enanggul ndimirik puruk tepan yogola-ge,

MBIRIGA WENE 6:8

An-nen Abarakam min Isak min Yakup min nggweyak yu wok kindimin-o luk owak mbara urul yak indigi nggweyak iri-ge kit wok kundumu pem mondok kit kunuwi nggweyak irit wolma-o. An-e Nagawan Indo-nen yusu-o’ yak ender-o” yij-o.

YEREMIA 31:27

Nagawan Indo an-nen yusu-o. O Yewura min Isarael min-e ap min wam min an-nen kobong tak pimin tarem-e wok ma-o.

NDANIEL 9:12

Kat-nen-e nit-nen idnak nagawan min nit min ’Kwat kinpimin-o’ luk urul yak nindigen ereba na ndak ndag-et kwat ninpigen-o. Iri kwat nonposolar-e, nggweyakma yu me-nen mbi o siri misik mbi yu nggal-e kwat inpigit lag-et nde, Yerusalem nenpem-e mondok angin worak irit mberak pigen-o.

NDANIEL 9:19

Nagawan Indo wa-e. Nenne kuli-o. Nagawan Indo wa-e. Nit meya yidnak kamberam tak pi-o. Nagawan Indo wa-e. Kwara lombot nunpuruk, ndag-et nak kwat ninpi-o! Nde, Yerusalem min kat kilirak min iri-ge kat kondomok karengge me, ap oboksa-nen enaru yogolar-e, kar-e ndemeret Mbal Pem Nagawan-net yusu-o yuwakluk, ndag-et nak yongga nindi-o!” luk tepan yigi-o.

NDANIEL 9:25

Yu-ge kwara karu yosolat, kwara yebet ki-o. O Yerusalem iri na tuguruk wururak wene wirik posola tarem-nen ap lit unpuruk mbururak nap Mbal Pem Nagawan-nen lenak pidnak nap lobok yuwa kuri-ge olengen tuju kali tuju irit wolma-o. Nde, Yerusalem iri me tuguruk worogolar-e, tula ereba na-ge tuguruk yakolat, kurak yil mburugwi ondoro ereba na-ge tuguruk worogolat wolmarik, olengen tuju kali enam pulu dua (62) ereya wolma-t nde, ereya tarem-e mondok angin worak tarem-er-o.

AMOS 7:2

Nde, sil oro ereba na-nen-e nggweyakma-nen yak yoso mende ereba na-ge mondok oboksa nasola kagi-o. Iri yosola karuk, an-nen yosolar-e: ”Nagawan Indo Mondok Kek tak wa-e. Kat kilirag-e it-nen meya yidnag-e kamberam tak pi-o! It iri-ge mondok marik, enmawi lak-nen yili-o. It nggal-e nggesa-nen unluk wolma-o?” luk yigi-o.

TUGURUK YIDNAK WENE 30:1

Musa-nen yosolar-e: ”An-nen yawo yak kindigi ereya na nggal kit-nen nak lombonogolar-e, imbiringgat konak wolmomtak winde yugup, lak? Are, imbiri lamut wolmomtak wanugub-a? Kit nak-nen-o. Kit nde Nagawan Indo Kenmbal Pem Nagawan-nen enlem nin nap ennggendumu ndibi ndi rak kunpuwama woragola, anggun panggun kagolar-e, keneyanggo wat yogolar-e, an-nen kit-nen lumbunurak wene mberen nuk kasu ya kinndi yebet kagub-o.

TUGURUK YIDNAK WENE 30:4

Yi wi ndi wi ndibi ndi rak woragub-et nde, Nagawan Indo Kenmbal Pem Nagawan-nen ndok wat kunpuruk, tuguruk wok kunpuruk lobok yuwa-o.