1 NAGAWAN NAGAWAN-NEN KWARIDNAK WENE 3:5 - Nanduk Ngget Tul Pidnak Wene

⁵ Mberarik pem kubu iri na-ge Nagawan Indo-nen nabi bem at eram nam luk-nen yak tosolar-e: ”Salomo wa-e. Kat-nen kindi perasu-ge an nebem nggi yi-o. Iri yosola-ge, an-e wog-et kirimin-o” yak tij-o.

1 NAGAWAN NAGAWAN-NEN KWARIDNAK WENE 3:5 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 11:9

Nde, Nagawan Indo Isarael nap Enmbal Pem Nagawan-nen-e mberen pem-et Salomo imbiri bem nam yosolat-nen indi yeberak obosolar-e: ”Kugwiwak nin nan-e mondok erembel wanurak pug-o” yak tij-et nde, Salomo-ge Nagawan Indo-nen yidnak yidnag-e kwarigit lak, Nagawan Indo nde keya bosola, Nagawan Indo isilepma-ge Salomo iri na ebem pij-o.

1 NAGAWAN NAGAWAN-NEN KWARIDNAK WENE 9:2

nanduk Nggibeon-nen imbiri bem nam yid iri na nggal-et Nagawan Indo-ge tuguruk Salomo imbiri bem nam yij-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

MATIUS 1:20

Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 2:13

It na mborogolikma-ge, nabi bem Nagawan Indo-nen idnak aid nap na Yusup eram nam luk-nen yak tosolar-e: ”Erores na-nen-e la marik iri na wereyekluk ogore yuwa me, men luk yugundik, kela marik min ija min wok unpuruk, Mesira uwi mburugundik wolmer-o. Worakmu, an-nen tuguruk yak korosola-nen lobok yurag-o” luk yak tij-o.

MATIUS 2:19

Erores na wat yosoloma-ge, Nagawan Indo-nen idnak aid nap mbi nabi nggwe Yusup eram nam luk-nen yak tosolar-e:

MARAKUS 10:36

Yak togolikma-ge, Yesus-nen it yak ondosolar-e: ”An-nen kwat kunpurag-e no mende nde yigeb-o?” luk yak indij-o.

MARAKUS 11:24

Iri bem-e, an-nen yak kendeyeg-o: Kit-nen tepan pem nggi yugup tengge-ge ’Mbal Pem Nagawan-nen abu wok nendamu-o’ peraruk, kinndi angin tubu yugup pem-e, wok kunduwar-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.