1 NAGAWAN NAGAWAN-NEN KWARIDNAK WENE 22:16 - Nanduk Ngget Tul Pidnak Wene

¹⁶ Yosoloma, Akap-nen Mika yak tosolar-e: ”Kat-nen nde Nagawan Indo unu bem yak norosolar-e, ndemeret nak yak nururag-o. Wene yu nggal an-e nunggwirik tarem yak korosolat woragi-o?” luk yak tij-o.

1 NAGAWAN NAGAWAN-NEN KWARIDNAK WENE 22:16 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:15

Yosoluk yarik, Mika iri na mberarik, Nagawan Akap eram wok yosola, Nagawan Akap-nen kin wok obosolar-e: ”Mika wa-e. An min Nagawan Yosapat min mburulndik, o Aramot nap enpem kore yurag-e op, lak? Nunggwirik kasu-o?” luk yij-o. Yosoloma, Mika-nen yak tosolar-e: ”Ndemeret Nagawan Indo-nen ombol nggwe rak kobosola, kar-et ombol nggwe yugun-o” yak tij-o.

1 NAGAWAN NAGAWAN-NEN KWARIDNAK WENE 22:17

Yosoloma, Mika-nen onggo yosolar-e: ”An-nen yik kasolar-e, Isarael nap san ombo-ge lomba wam ombo lak nggal ndobo bem ereba ndibi ndi yogola, eneyasu-o. Iri ala karuk, Nagawan Indo-nen yosolar-e: ’It yu-ge onmbo-ge lak me, ndigirig-et enma mburuwag-o’ luk yosola kagi-o” luk yij-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

YEREMIA 37:17

Nde, misik tarem-e Nagawan Sendekia-nen-e an-e at eram wok nuburuk mburuwakluk ap inpil lobok yamu, nibil mbirigarik, at woraso sa iri me-nen Sendekia-nen kuraga an kin wok nobosolar-e: ”Nagawan Indo-nen kebem pidnak wene-ge worasu, lak?” yosoloma, an-nen onggo yosolar-e: ”Worasur-o. Nde, iri-ge nagawan kar-e kegera Mbabel nagawan iri na inggem kubuwa-o” luk yak tigi-o.

YEREMIA 38:14

Nde, misik tarem-e Nagawan Sendekia-nen-e ap enpem pamu, wok nuburuk nimin mborogolar-e, Nagawan Indo ama nggugwi pak tumende mberen keya buruk, kenan tak pogolat iri na me nibil mbirikma-ge, at-nen an yak norosolar-e: ”An-nen nde kat kin wok kobosola-ge, onggo-ge nam-et nak yak nururag-o. Mondok kura burak pug-o” luk yij-o.

WONARIDNAK WENE 22:38

Yosoloma, Mbileyam-nen onggo yosolar-e: ”Yawo an-e lobok yigi-t nde, an-nen nak wene-ge yilik ndilik yimin pug-o. Are, Mbal Pem Nagawan-nen an-nen yurak yak nuruwa iri nak yimin-o” luk yak tij-o.

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

YIDNAK YIDNAK WENE 19:13

Nde, it kugi wirik pil waring kagwi Yawuri nap erep-nen na Nagawan Indo Yesus unu bem kugi enarem nggwidnak nap kugi wirik puwokluk yogolar-e, it-nen kugi na yak togolar-e: ”Paulus-nen yil nusu Yesus unu bem yak kurusu-o” luk yiga-o.

YOSUA 6:26

Iri tarem Yosua-nen owak mbarosolar-e: ”Ta-nen nde o Yeriko siri yu tuguruk wuruwa nab-e Nagawan Indo-nen inmbiri lamut tak onposo mende-ge enpem mbuma-o. Nde, ta-nen nde o yu paro puwa nab-e, ambara manggiya-ge lag-et ma-o. Ta-nen nde tumende ereba na puwa nab-e, ambara labo-ge lag-et ma-o” luk yij-o.

1 SEMUEL 14:24

Nde, iri tarem-e Saul-nen owak mbarosolar-e: ”An-nen kenmepnggo nuwim nap indigit lak ma, o yawo-nen nde yi nilik ndi nilik yuwa nab-e mondok imbiri lamut mag-o” luk owak mbaridnak me, iri tarem-e nunggwi mende ninggit lak me, Isarael nap oboksa nere-nen onowak wil lobok yij-o.