1 NAGAWAN NAGAWAN-NEN KWARIDNAK WENE 2:5 - Nanduk Ngget Tul Pidnak Wene

⁵ Iri-nen wene misik na worasur-o. Kar-e Yoap-nen an nimin kwarij-e mondok karu irir-o. Yoap-nen kwarosolar-e, Isarael nap wim wari mberen Net ambara Apnet min Yetet ambara Amasa min ereya na-ge wim pem-nen ap indiga-t nde, onggo-ge wim saga keya bidnak ombol nggwe-nen nde Yoap-nen it mberen indid irir-o. Nde, it iri-ge meya kwarigit lag-et nde indij-o. Iri yamu yawo-ge at-nen kwaridnag-e an nebem nde angin mbosola, an andi bandi kasu-o.

1 NAGAWAN NAGAWAN-NEN KWARIDNAK WENE 2:5 ပူးပေါင်းရင်းမြစ်များ

2 SEMUEL 17:25

(Nde, Apsalom-nen-e Yoap ondolma Amasa iri na-ge san ombo onowe irit mendak pij-o. Nde, Amasa iri-ge Ismael nap Yitera iri na ambara-o. Nde, ija unu-ge Abigail. Nde, Abigail iri-ge ap Nagas ara-o. Nde, Abigail iri-ge Seruya iri na ineid iniya misiget-nen nderag-o.)

2 SEMUEL 18:12

Alat nde, ap iri na-nen onggo yosolar-e: ”Perak tol seribu (1.000) wok netleb-et nde, an-e Nagawan ambara iri-ge mondok andi bandi rak ebelep pug-o. Nagawan Ndaut-nen kat min Abisai min Itai min yak kondosolar-e: ’An nebem ala, an nambara ap sujwe Apsalom iri-ge marig-et tet mep tak uburak pug-o’ luk yak kindid wene iri-ge nit oboksa kulige iri nar-o.

2 SEMUEL 18:14

Yosoloma, Yoap-nen yosolar-e: ”Kat kimin nak wene onggo onggo yik tenak mbot o ndamuk tak pusu-o” yak turuk yarig-e, tege kenan wanosolar-e, Apsalom iri na-ge e ondogwalma uruk ngonoksa tiong tak worasoma, imidwak arem pil nggwij-o.

2 SEMUEL 18:5

Mborogola, Ndaut-nen Yoap min Abisai min Itai min wene watsa enpem posolar-e: ”An nebem ala, mondok Apsalom ap sujwe iri-ge mariget tet mep tak purak pug-o” luk yak ondosola-ge, ap kere oboksa ereba na-nen-e wene iri na-ge kuliga-o.

2 SEMUEL 2:13

Nde, kwe Seruya ambara Yoap iri na min Yewura nap Ndaut imin nugwi nap min-e o Nggibeon iri na me-t mbirigarik, Apnet tak inmin lambuk yogolar-e, kuri wat luk woragolar-e, Nggibeon iri me yi mburu iri na koroga Apnet-nen lit karuk iri na-ge yi mburu iri na eyak ponok nggwe woraiga-o. Nde, Yoap-nen lit karuk iri na-ge eyak ponok nggwe woraiga-o.

2 SEMUEL 2:18

Iri yogolar-e, kwe Seruya ambararak kenan Yoap min Abisai min Asael min iri-ge iri me woraiga-o. Nde, Asael iri-ge pong kasolar-e, ijok anggarim-e pabeya nggal mboroso irit woragij-o.

1 NAGAWAN NAGAWAN-NEN KWARIDNAK WENE 1:7

Iri rak purug-e, kwe Seruya ambara Yoap min tepan ombo Abiyatat min inmin wene mbarij-o. Inmin wene mbarosola-ge, Yoap min tepan ombo Abiyatat min-nen-e at-nen tu kore yusu iri na-ge ”Ob-er-o” luk yiga-o.

YEREMIA 2:34

Kit kunsum eyabi ngin yusu-ge yariya wanugwi nap-nen yariya wanukmu, tena inpidnak eneyabi-nen kik yidnag-e lag-o. Are, insilobulo lak nap eneyabi min meya kwarugwi buk nap eneyabi min-nen kik tak pidnak worasu-o. Kunsum-e iri nggal-et nde,

MATIUS 3:4

At Yoanes na usum-e unta wam usu-nen konidnak, nde, usum ngonok tak poso tani are-ge aboro-nen konidnak, nde, at naso mende-ge sil min tamuk amburu min naso-o.