1 NAGAWAN NAGAWAN-NEN KWARIDNAK WENE 2:4 - Nanduk Ngget Tul Pidnak Wene

⁴ Kat-nen nde Nagawan Indo-nen yidnak yidnag-et kwarosola-ge, at-nen an nimin urul posolat: ’Kat-nen wigarak-nen-e Isarael nap tena unpuruk wolma-o. Mbigija-ge it-nen inndi min enpe min ebis-et tugup lak pempa-nen an-nen yidnak yidnak kwat tenak wolma iri nag-o’ luk yid iri na-ge kwaruwar-o.

1 NAGAWAN NAGAWAN-NEN KWARIDNAK WENE 2:4 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

2 SEMUEL 7:25

Nagawan Indo Mbal Pem Nagawan wa-e. An min an-nen wigarak min nonowene-ge kat kemndam nggwe-nen urul pigen iri-ge pem irit wolmakluk kat-nen wat tak purak kindi kwat min-o. Kat-nen kwarurak urul pigen iri-ge mondok kwarurak kindi irit wolmag-o.

1 NAGAWAN NAGAWAN-NEN KWARIDNAK WENE 1:48

tepan yosolar-e: ’Nagawan Indo Isarael nap-nen kek tak kubugwi Mbal Pem Nagawan wa-e. Kat nak kerembel wanurag-o. Nde, yawo-ge an nambara misik an nondolma kat-nen mendak pigen-o. Kat-nen-e an nambara nagawan men yosola, nerengen-nen kujwakluk, an nuruk wolmomtak tena woraigen-o’ luk tepan yij-o” luk yij-o.

1 NAGAWAN NAGAWAN-NEN KWARIDNAK WENE 11:36

Enlem misiget at inggem keya bimin iri-ge an nerembel wanogolat wolmomtak o Yerusalem an-nen lenak pigi iri na me an ndegel noboso nap Ndaut-nen wigarak misig-e nderak pem lud Yerusalem iri me tena wolmakluk-nen enlem misik iri-ge at inggem keya bimin-o.

1 NAGAWAN NAGAWAN-NEN KWARIDNAK WENE 3:14

Kat-nen nde keid Ndaut-nen kwaroso nggal kwarosolat, an-nen yidnak yidnak kwarosolat, an-nen ’Irit kwarurag-o’ yidnak ereba na nde ndak ndag-et kwarosolat worasola-ge, an-nen-e kat kuruk wolmomtag-e mot pem tak kibimin-o” luk yak tij-o.

1 NAGAWAN NAGAWAN-NEN KWARIDNAK WENE 3:3

Nde, Salomo na-ge Nagawan Indo abuwa kasolat, eid-nen kwarurak mul tidnak ereba na-t kwarosolat woragij-o. Iri-ge kwarosolar-et nde, Nagawan Indo amanggim eyabi worak wosa posolar-e, ondoro misik me nag-e pigit lak, nin me nan me irit posolat woragij-o.

1 NAGAWAN NAGAWAN-NEN KWARIDNAK WENE 6:12

”Kat-nen nde an-nen imiri mbarak pidnak wene min an-nen ’Irit kwarurag-o’ luk kebem pidnak wene min oboksa-nen yidnak yidnak kwarosola-ge, an-nen-e kat keid Ndaut urul yak tigi iri na ndak ndag-et kwat kibimin-o.

1 NAGAWAN NAGAWAN-NEN KWARIDNAK WENE 8:23

tepan yosolar-e: ”Nagawan Indo Isarael nap Enmbal Pem Nagawan wa-e. Mbal pem-nen na irit, nggweyakma-nen na irit kat nggal mbi misik worasu bug-o! Kar-e kilirak inndi misiget tak puruk, tugup lak kat-nen yidnak yidnak kwatli nap enabuwa kasolat, kat-nen urul yak indidnag-e ndak ndak nak kwat onposo-o.

1 NAGAWAN NAGAWAN-NEN KWARIDNAK WENE 8:25

Nde, misig-e kat-nen an neid urul yak tosolar-e: ’Kat-nen wigarak-nen nde kat-nen kwaroso nggal ndemeret an-nen yidnak yidnak kwarosola-ge, kat-nen wigarag-e pem irit Isarael nap enanggul pem nagawan men yik tenak wolma-o’ yak tigen-o. Iri yigen iri na-ge Nagawan Indo Isarael nap Enmbal Pem Nagawan wa-e. Kat-nen ndegel koboso nap an neid Ndaut yak tigen iri na yawo ndak ndak tak pi-o.

1 NAGAWAN NAGAWAN-NEN KWARIDNAK WENE 9:5

an-nen keid Ndaut urul yak tosolar-e: ’Kat-nen wigarak lolo nak-nen Isarael nap tena unpuruk wolma-o’ luk yak tigi iri na-ge kwarag-et kinpimin-o.

2 NAGAWAN NAGAWAN-NEN KWARIDNAK WENE 20:3

”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

2 NAGAWAN NAGAWAN-NEN KWARIDNAK WENE 23:25

Nagawan Yosia-nen Nagawan Indo ndegel obosolat, indi misiget tak puruk ndegel ibid iri nggal-e nagawan nagawan erep-nen mbi ndegel ibigit lag-o. At-nen-e at abage bem-nen na at-nen kwaroso bem-nen na Musa-nen mbaridnak engga arem imiri mbarak pidnak wene ereba na oboksa ndak ndag-et kwarosolat woragij-o. Nde, Nagawan Yosia wat yidnak ombol nggwe-nen na mondok nagawan at nggal mbi misik woragit lag-o.

NDAWI ENGGA 37:22

Nagawan Indo-nen imbiringgat tak unpusu nab-e o nggweyak iri winde ma-t nde, at-nen imbiri lamut tak unpusu nab-e iri me-nen sera wirik unpuwa-o.

NDAWI ENGGA 37:9

Meya kwarugwi nab-e lak tak unpuwa-o. Alat nde, Nagawan Indo ebem inndi mbung mbung tak wolma nab-e o nggweyak iri-ge winde ma-o.

MATIUS 22:37

Yosoloma-ge, Yesus-nen wene erep nggarosolar-e: ” ’Nagawan Indo kit Kenmbal Pem Nagawan abuwa kagolar-e, kinndi oboksa min kenpe oboksa min kinndi nggat nggat oboksa min-net at abuwa kudtag-o.’

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

TUGURUK YIDNAK WENE 10:12

Musa-nen yosolar-e: ”Nanggamirak Isarael nap wa-e. Nagawan Indo Kenmbal Pem Nagawan-nen kwarurak wene kenpem pusu yu kwara yebet ker-o. Nagawan Indo Kenmbal Pem Nagawan nak kek tak pogolat, at-nen yidnak yidnak oboksa kwarogolat, ndemeret kinndi-net at nak abuwa karuk, ndegel uburag-o.

TUGURUK YIDNAK WENE 6:5

Kit-nen kinndi ebis-et Nagawan Indo Kenmbal Pem Nagawan abuwa kagolar-e, at abuwa kagwi iri nam tak pogolar-e, kit kenpage bem-nen na irit, kit-nen kwarugwi bem-nen na irit nam tak per-o.

TUGURUK YIDNAK WENE 7:12

Kit-nen nde at-nen kenpem pidnak wene ereba nde kwara yebet karuk mot mor-et kwarogola-ge, Nagawan Indo Kenmbal Pem Nagawan nen na at-nen urul yak kindid ereba na ndak ndag-et kwat kunpuwa-o. At-nen kit konmborak urul yak indid iri na ndak ndag-et at-nen kit kenabuwa kaso iri-ge pem irit kenabuwa kasolat wolma-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,