1 NAGAWAN NAGAWAN-NEN KWARIDNAK WENE 18:18 - Nanduk Ngget Tul Pidnak Wene

¹⁸ Yosoloma-ge, Elia-nen onggo yosolar-e: ”An-e nari wari rak poso nab-e lag-o. Iri kwarugwi-ge nagawan kat min kat keid min perak nde nari wari rak pugwi-o. Iri kwarogolar-e, Nagawan Indo-nen kebem pidnak wene kwid togolat, kugwiwak Mbaal erembel wanogolat kwatli irir-o.

1 NAGAWAN NAGAWAN-NEN KWARIDNAK WENE 18:18 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 16:31

Ar-e Nagawan Yerobeam-nen meya kwat tenak woragid iri na nggal meya kwarosolar-et nde, ereba na-ge ebem lobuk ala, Siron nagawan Etmbaal ara Isebel iri na wanosolug-e, kugwi Mbaal erembel wanosolat woragij-o.

1 NAGAWAN NAGAWAN-NEN KWARIDNAK WENE 16:32

Iri kwarosolar-e, kugwi Mbaal erembel wanurak uwi-ge Samaria iri me wirij-o. Wutluk o iri na arem-e kugwi Mbaal iri na amanggim wam wosa kan purak ondoro misik konij-o.

1 NAGAWAN NAGAWAN-NEN KWARIDNAK WENE 21:25

Nde, Nagawan Indo erengen pem-e Akap-nen indi-net wat tak puruk, mondok yi meya ndi meya kwarid iri na nggal-e ap mbi-nen mondok kwaroso bug-o. Nde at-nen yi meya ndi meya kwaroso ereba-ge ogwe Isebel-nen arem woragosola-net kwaroso-o.

1 NAGAWAN NAGAWAN-NEN KWARIDNAK WENE 21:26

Akap-nen-e yi meya ndi meya, meya mende ereba na nak kwarosolar-e, Isarael nap mondog-et Kanaan wi nggogola, Nagawan Indo-nen Kanaan wi-nen langgara wirik inpid nap Amori nap-nen kugwi erembel wanugwi ereba na nggal-et kugwi erembel wanosolat woragij-o.

1 NAGAWAN NAGAWAN-NEN KWARIDNAK WENE 9:9

Iri yogola, ap-nen onggo yogolar-e: ’Nagawan Indo it Enmbal Pem Nagawan nanduk onmborak Mesira-nen lit unpuruk lobok yid iri na keya buruk, kugwiwak erembel wanogola karuk-nen Nagawan Indo-nen lak tak onposo mende yu-ge it enpem pil lobok yamu-o’ yuwa-o” luk yak tij-o. 9:10-28 Ayat yeba arem-e Salomo-nen Tirus nagawan Iram imin kundik woragid wene min at-nen-e at-nen wirid o kwarat ereba na wuruwakluk at ene amawi bem-nen watsa yabu ereba ap enpem pidnak wene min mbarak worasu-o.

NGGOMO WENE 13:21

Meya kwarugwi nab-e lak tak onposo mende-nen langgal unpuruk waring kasu-o. Alat nde, konak woragwi nab-e pempa enalen pem worali-o.

NGGOMO WENE 5:22

Meya yugwi nap-nen meya kwatli ereba-ge it ondomok enmanggim sabu logo bidnak nggal-nen yusu-o.

YEREMIA 2:13

An nilirak-nen-e meya-ge erem mberen kwatli-o. Iri-ge: ir-e nggweyakma nap unluk wolmakluk, unluk woragwi yi wok ondoso elem an na-ge enmberam tak nuburuk, it ondomok-nen yi kenanggurak nggweyak emnde mbatli-t nde, mbun porok tak me, yi kobong yurak meya iri emnde mbatli-o.”

YEREMIA 2:19

Kondomok-nen meya kwaroso iri na-nen ndowaga angin worak kebem posolat, kat Kembal Pem Nagawan an keya nubusu iri na bem-nen andi bandi rak kubusu-o. Kar-e an kek tak nibigit lak, kamberam tak nibigen iri na-ge yawo-ge kumburugwi ngari rak posola, al ngari ki-o. An-e Nagawan Indo Kembal Pem Nagawan-nen yigi-o. An-e Nagawan Indo Mbal Pem Nagawan Namawi Worak Mondok Kek tak-nen yusu-o” luk yij-o.

YEREMIA 23:13

An nene lomboksa yugwi nap Samaria woragwi-nen meya kwatli ereba-ge an-e kasu-o. Ir-e kugwi Mbaal unu bem yogolar-e, an nilirak Isarael nab-e kabak tak inpili-o.

YEREMIA 38:4

Nde, it yabu winde ereya na nagawan eram mbogorolat-nen yogolar-e: ”Ap yu-ge mondok wururag-o. At yu-nen wene iri nggal yidnak pem san ombo min o siri yu me worali nap erep min oboksa enmawi lak tak pusu-o. At-nen-e ab-e yongga undusu bug-o. Are, lak tak unpurak wene nde yusu-o” luk yiga-o.

YESKIEL 3:8

Nde, yawo-ge an-nen na kar-e it nggal-et keyanggo lak, wene koloso buk elem kwarak kibimin-o.

MATIUS 14:4

Nde, Yoanes-nen at yak tosolar-e: ”Kwe Erorias wanigen yu-ge meya-t kwarigen-o” luk yak tij-o.

YIDNAK YIDNAK WENE 24:13

Nde, yawo an nebem pili wene iri-ge it-nen-e ebe yoroksa yak kuruwa bug-o.

YIDNAK YIDNAK WENE 24:20

Are, wene mbarugwi nap iri na endam mendak worasola, an meya kwaridnak nebem pidnak iri-ge it yu me worali nap-nen yuwag-o.

TUGURUK YIDNAK WENE 31:16

Nagawan Indo-nen Musa yak tosolar-e: ”Yawo kat wat momtag-e mondok panggo yusu-o. Kat nde abu mborosola-ge, Isarael nap-nen an-nen urul yak indigi na keya bogolat, an-nen yidnag-e kwaruwa bug-o. Ir-e o it abok ngguwa sa iri me woragwi nap-nen erembel wanugwi unkugiwak erembel wanogolat, an-e keya nubuwa-o.

1 SEMUEL 14:29

Yosoloma, Yonatan-nen onggo yosolar-e: ”An neid iri-ge nit nenlem nap inmin mondok meya-t kwarij-o. An-e tamuk amburu ningginggal-e yawo-ge namawi yid yu ki-o.