1 NAGAWAN NAGAWAN-NEN KWARIDNAK WENE 17:6 - Nanduk Ngget Tul Pidnak Wene

⁶ Woralar-e, Elia na-ge yi iri na nok tenak worasoma-ge, kuplila-nen keyama-nen towe ijamu ereba na-nen oroti min uno min wok til lobok yosola, nasolat woragij-o.

1 NAGAWAN NAGAWAN-NEN KWARIDNAK WENE 17:6 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:5

Yak tosoloma-ge, Elia na-ge Nagawan Indo-nen yak tid iri na-t kwarosolar-e, yi waru Kerit iri na arem mberarik iri na me woragij-o.

1 NAGAWAN NAGAWAN-NEN KWARIDNAK WENE 17:7

Iri kwat tenak worasoma-ge, talme mbigit lak-nen ndowaga yi iri na-ge eberek yij-o.

1 NAGAWAN NAGAWAN-NEN KWARIDNAK WENE 19:6

Yosoloma, men yosolat eralu ereba na mbenarosoma-ge, anggul ndug-e oroti wora misik min yimbe yi kenanggo misik min worasoma, kagaij-o. Karug-e, oroti min yi min ereya na nurug-e, tuguruk mbiring yij-o.

1 NAGAWAN NAGAWAN-NEN KWARIDNAK WENE 19:8

Yosoloma, Elia iri na men yosolar-e, yi min nunggwi mende min ninggij-o. Nuruk, amawi rak purug-e, Mbal Pem Nagawan ondomok-nen nam yaga mirik inpid Ndobo Sinai iri na me mborosolar-e, empat pulu (40) tarem irit mbirij-o.

NDAWI ENGGA 33:18

Nagawan Indo-nen-e at indi aye worak woragwi nap, ”Nenabuwa-t yuwa-o” luk inndi ebem mbung mbung tak woragwi nab-et kwara yik eneyarok woraso-o.

NDAWI ENGGA 37:19

Angin worak mende enpem lobok yuwa tarem-e ir-e andi bandi kujwa bug-o. Nogoro ennggendumu mbud ma tarem-e mondok ndak irit wolma-o.

NDAWI ENGGA 37:3

Kir-e kinndi-ge Nagawan Indo ebem wat tak puruk, konak nak kwarogolat wolmer-o. Kir-e o nggweyak iri na me woragolat, tugup lak irit wolmer-o.

MBIRIGA WENE 16:35

Nde, Isarael nap mborogolar-e, olengen empat pulu iri arem-e mana iri na-t nil nil it-nen pem wolmomtak wi Kanaan iri na me wok yiga-o.

YESAYA 33:16

Kit-nen nde iri kwarogola-ge, kinmiri mbarak, konak irit woragub-o. Pak arem ngenwama woragwi nggal woragolat, nunggwi mende min yi min abu lud tak ma nak woragub-o.

YEREMIA 37:21

Yosolakmu, Nagawan Sendekia-nen yosolar-e: ”At yu-ge an woraso sa nuwi mborom yu me o kubu me purag-o” luk yak indij-o. Yak endamu, at-nen yid sa iri na me worala-ge, oroti-ge oroti konugwi sa iri na me-nen pempa mak norogolat worakmu, o siri ereba na me oroti oboksa lak yij-o.

WONARIDNAK WENE 11:23

Yosoloma, Nagawan Indo-nen erep nggarosolar-e: ”An namawi-ge marig-et kasu-a? Kerengen wolmin-o. An yak kirigi iri-ge kwat yigit lak yosola kagun, lak?” yij-o.

MATIUS 19:26

Yogolikma-ge, Yesus na it yik eneyasolat-nen yak ondosolar-e: ”Ki nap-nen iri kwarurag-e meya-t nde, Mbal Pem Nagawan-nen-e yi mende ndi mende kwarurag-e ndak-net yusu-o” luk yij-o.

LUKAS 22:35

Iri luk, Yesus-nen it yak ondosolar-e: ”An-e nanduk wirik konposolar-e: ’Kot manik min sum min kunuwok sum min waruk mbururak pug-o’ luk yak kundukmu, waruk mbirigit lak yigepndig-e, kir-e ndak nigep, lak? Are, meya-a?” luk yak ondosoloma-ge, ”Lag-o. Mondok ndak nige-o” luk yiga-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

WENE MBENARUGWI NAP-NEN KWARIDNAK WENE 14:14

”Naso iri na bem-nen-e nunggwi mende nam yij-o. Nde, amawi worak iri na bem-nen-e undu konak mende nam yij-o” luk yak indij-o. Yak endamu o kenan pem-et kore yogolat woraiga-t nde, ombol mbarak wene iri na-ge ebe para yurak meya yij-o.