1 NAGAWAN NAGAWAN-NEN KWARIDNAK WENE 17:13 - Nanduk Ngget Tul Pidnak Wene

¹³ Yosoloma-ge, Elia-nen yosolar-e: ”Kar-e kumud kasu-ge meyog-o. Kat-nen-e nggandum mbato yigirik ereya-ge amburu marig-et ereya bem oroti kambara min norak konurag-o. Alat nde, konigit lak ma nandug-er-e nggandum mbato yigirik ereya min amburu ereya min marig-et waga an namanggim oroti marik misik kwasa woraga an wok niril lobok yi-o.

1 NAGAWAN NAGAWAN-NEN KWARIDNAK WENE 17:13 ပူးပေါင်းရင်းမြစ်များ

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

1 NAGAWAN NAGAWAN-NEN KWARIDNAK WENE 17:12

Yosoloma, kwe togwe iri na-nen yosolar-e: ”Nagawan Indo uruk nak woraso Mbal Pem Nagawan kat-nen kek tak pusu iri owag-o. An-e oroti-ge mondok lag-o. Alat nde, nggandum mbato yigirik ininggi mok misiget pem waga pidnak nggweyak yimbe arem yarak worasu-o. Nde, amburu-ge yi embe marik komosa arem yarak worasu-o. Ereya nak woraga an nambara min norak kan ereme pundugusu yur-o. Nde, marig-et ereya woroksa nurug-e, mondok wat momtak nak yik karok wulmul-o” luk yak tij-o.

1 NAGAWAN NAGAWAN-NEN KWARIDNAK WENE 17:14

Nagawan Indo Isarael nap Enmbal Pem Nagawan-nen yosolar-e: ’Nggandum mbato yigirik yarak worasu ondoro iri-ge nggandum mbato na lak yigit lak woraso komo irit wolma-o. Nde, amburu yarak worasu ondoro iri-ge amburu na lak yigit lak woraso komo irit wolma-o. Irit worasoma, an-nen talme nggweyak ma mberak pil mbuwamin tarem-net lak ma-o’ yamu-o” luk yak tij-o.

2 NAGAWAN NAGAWAN-NEN KWARIDNAK WENE 6:16

Yosoloma, Elisa-nen onggo yosolar-e: ”Kwiye kasu-ge meyog-o. Nit nenambigit yidnag-e kwarat worali-o. Nde, it enambigir-e marig-et nak-nen yusu-o” luk yak tij-o.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

NGGOMO WENE 3:9

Kat-nen Nagawan Indo kek tak posolar-e, kat karengge mende kinggem woraso min kab-nen yagidnak min lena mondok konak nak irit Nagawan Indo amanggim purag-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:13

An-e Nagawan Indo Kembal Pem Nagawan me, kinggi kigit nggwe puksa tena kobosolat-nen yak kurusu-o: ’Kar-e kwiye yusu-ge meyog-o. An-net yongga kirimin-o’” yij-o.

MALEAKI 3:10

Nunggwi mende kwarat an nama emben mborosolat wolmakluk, kit kenarengge oboksa enggep lombok karetkwe an nama waruk lobok yer-o. An-nen yak kundusu yu nak mbi wal ker-o. Iri yogola-ge, an-nen mbal tu kuwara konak mende nak nggilara wok kindimin-o.

MATIUS 10:37

Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

MATIUS 28:5

Alat nde, aid nap iri-nen kwami na yak ondosolar-e: ”Kir-e kwiye kali-ge meyog-o. Kir-e e lang pang tak pem panggarak ibiga nap Yesus irit ogore yili iri-ge an-e naru-o.

MATIUS 6:33

Alat nde, kit-nen Mbal Pem Nagawan-nen tenagaidnak wi min at-nen lud tak nak tak onposo elem min nanduk tak pugupndig-e, iri mende oboksa wok kunduwar-o.

YIDNAK YIDNAK WENE 27:24

yak norosolar-e: ’Paulus wa-e. Kar-e kwiye kasu-ge meyog-o. Kar-e mondok Kaisat eram-et wok yugun-o. Mbal Pem Nagawan-nen we wok ondoso bem kat totno mbitli nap iri oboksa kat-nen lesa mondok inmiri yuwa-o’ luk yak nirij-o.

IBERANI 11:17

Nde, Mbal Pem Nagawan-nen-e Abaram na indi kayekluk yosola-ge, Abaram na indi angin tubu yidnak pem-net at ambara Isak na-ge wosa Mbal Pem Nagawan amanggim eyabi wirik peyekluk yij-o. Nde, Mbal Pem Nagawan-nen wene urul paga Abaram yak tij-et nde, at ambara misiget nderak iri-ge indi angin lag-et Mbal Pem Nagawan amanggim wosa peyekluk yij-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.