1 NAGAWAN NAGAWAN-NEN KWARIDNAK WENE 17:12 - Nanduk Ngget Tul Pidnak Wene

¹² Yosoloma, kwe togwe iri na-nen yosolar-e: ”Nagawan Indo uruk nak woraso Mbal Pem Nagawan kat-nen kek tak pusu iri owag-o. An-e oroti-ge mondok lag-o. Alat nde, nggandum mbato yigirik ininggi mok misiget pem waga pidnak nggweyak yimbe arem yarak worasu-o. Nde, amburu-ge yi embe marik komosa arem yarak worasu-o. Ereya nak woraga an nambara min norak kan ereme pundugusu yur-o. Nde, marig-et ereya woroksa nurug-e, mondok wat momtak nak yik karok wulmul-o” luk yak tij-o.

1 NAGAWAN NAGAWAN-NEN KWARIDNAK WENE 17:12 ပူးပေါင်းရင်းမြစ်များ

NDAK WIRIDNAK WENE 21:15

Nde, kwe na ereba-t waring tenak worasoma-ge, yi na abu mondok lak yij-o. Lak ala karug-e, la na-ge egere ndumu ereba keya burug-e,

NDAK WIRIDNAK WENE 21:16

kwe na-ge siyak erepma (100 meter) nggal mberarik, koreyak worasolat-nen perasolar-e: ”An nambara yu-ge an nerengen pem-nen wat momtak iri-ge an-e mondok nindi andi-o” perarug-e, yip tosolat woragij-o.

2 SEMUEL 15:21

Yak tij-et nde, Itai-nen onggo yosolar-e: ”Nagawan kek tak wa-e. Nagawan Indo Uruk nak Woraso min nap kat min kenarik konowag-o. Kar-e wat momtak sa mborosola-t nde, ndegel koboso nap an-e mondok keya kibimin pug-o. Kimin-et mbirimin-o” luk yij-o.

1 NAGAWAN NAGAWAN-NEN KWARIDNAK WENE 17:1

O Nggileat nggweyak arem o siri Tismbe nap Mbal Pem Nagawan ene lomboksa yoso nap mbi unu-ge Elia irit woragij-o. Nde, misik tarem-e Elia na-ge Nagawan Agap eram mberarik-nen yak tosolar-e: ”Nagawan Indo uruk nak woraso Mbal Pem Nagawan, Isarael nap-nen kek tak ubugwi an-nen ndegel ubusu owag-o. Mondok nap kat yak kereyeg-o. Abok olengen mberen, lak? Are, kenan lak? woragolar-e, ereya arem-e mondok lilangen ala na talme mariget ala na mondok mbuma bug-o. An-net yosola-nen perak mbuma-o” luk yak tij-o.

1 NAGAWAN NAGAWAN-NEN KWARIDNAK WENE 17:11

Yak tosoloma, kwe iri na yi wil mborosola-ge, Elia-nen ene nggoksa yak til mborosolar-e: ”Oroti marig-et min-et wok niril lobok yi-o” yak tij-o.

1 NAGAWAN NAGAWAN-NEN KWARIDNAK WENE 17:13

Yosoloma-ge, Elia-nen yosolar-e: ”Kar-e kumud kasu-ge meyog-o. Kat-nen-e nggandum mbato yigirik ereya-ge amburu marig-et ereya bem oroti kambara min norak konurag-o. Alat nde, konigit lak ma nandug-er-e nggandum mbato yigirik ereya min amburu ereya min marig-et waga an namanggim oroti marik misik kwasa woraga an wok niril lobok yi-o.

YEREMIA 14:18

Nde, an nde yapmu mborosolar-e, wim pem indidnak nap ontogwak kasu-o. Nde, o silmu-ge ab-e nogoro-nen wat yogolat, yane worogola eneyasu-o. Nde, tepan omborak min Mbal Pem Nagawan ene lomboksa yugwi nap min-e it-nen kwara yebet kagit lak-nen it eneyabu ereba na-ge wok tenak worali-o” luk yigi-o.

MATIUS 26:7

kwe misig-e onggo kwarat pugwi emben konak amburu-ge nggweyak yimbe arem kobongsa kenanggo na waruk lobok yosolar-e, Yesus na mburu nasolat koreyak worasoma, at anggulwak pem kilij-o.

1 SEMUEL 14:39

Iri luk Saul-nen watsa yosolar-e: ”Uruk nak woraso Nagawan Indo, Isarael nap ombol nggwe rak inpid iri na erengen pem yusu-o. Ta-nen nde meya kwaridnak ala-ge, mondok wat ma-o. An nambara Yonatan-nen kwaruwa-t nde, iri na mondok war-et ma-o” luk owak mbarij-o. Alat nde, ap misiger-o luk-nen mbi erep nggarigit lak yiga-o.

1 SEMUEL 14:45

Alat nde Isarael nap oboksa-nen Saul yak togolar-e: ”Yonatan-et wururag-e mondok ndag-a? Yawo-ge at-net ombol nggwe rak ninpid yu-t nde, mondok lag-o. Nagawan Indo Uruk nak Woraso owag-o. Yonatan yu-ge anggulsu misiger-o luk tet mondok punurak pug-o. Nagawan Indo-nen yongga worosola at-net yawo ge ombol nggwe rak ninpid yur-o” luk yiga-o. Nde, Yonatan iri na-ge mondok watleb-et nde, Isarael nap oboksa-nen imiri yiga-o.

1 SEMUEL 20:21

Iri rak puruk an-nen ndegel noboso nap iri na yak tosola-t nde: ’Kar-e mare yu nggwe iri waruk lobok yi-o’ yak tosola-ge, kat-nen perasolar-e: ’Iri-ge wene lag-er-o’ perasoluk, nam yurag-o. Nagawan Indo Uruk nak Woraso owag-o. Mondok kuruwa-ge lag-o.

1 SEMUEL 20:3

Yosoloma, Ndaut-nen Yonatan yak tosolar-e: ”Kat-nen an nebem kindi kundik worasu yu-ge kat keij-e aru me, kat kindi puru yugun naru yak kirigit lak kuragusu-o. Nagawan Indo Uruk nak Woraso owag-o. An-e mondok kan ndamak pem worasu-o” luk yak tij-o.

1 SEMUEL 25:26

Nab-o. Kar-e kat kwat kibidnak onggo posolat, kuwim nap undugun naru Nagawan Indo-nen tena kibij-o. Nde yawo-ge nab-o. Nagawan Indo Uruk nak Woraso owag-o. Kat kuwim nap oboksa min ap-nen kat kururak yugwi nap min it kwat unpurak iri-ge Nabal kwat ubuwa iri nggal-et it na kwat unpuwa-o.