1 NAGAWAN NAGAWAN-NEN KWARIDNAK WENE 13:6 - Nanduk Ngget Tul Pidnak Wene

⁶ Iri ala karuk, Nagawan Yerobeam-nen Mbal Pem Nagawan ene lomboksa yoso nap iri na yak tosolar-e: ”An ninggi konak tak puwakluk kat-nen Nagawan Indo Kembal Pem Nagawan iri emengen mbari-o” luk yak tij-o. Yosoloma, Mbal Pem Nagawan ene lomboksa yoso nap iri na-nen tepan Nagawan Indo nggi yak tosola-ge, nagawan iri na inggi-ge konak yij-o.

1 NAGAWAN NAGAWAN-NEN KWARIDNAK WENE 13:6 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 13:5

Mbal Pem Nagawan-nen ebem pidnak pem Mbal Pem Nagawan ene lomboksa yoso nap iri-nen yid iri na ndak ndag-et kwarosolar-e, wam wosa pugwi ondoro iri na mimo mijara mbosolar-e, mabe na-ge nggilara nggweyakma mbij-o.

MBIRIGA WENE 10:17

Iri ala-ge, an kwarigi iri-ge yawo-net kenmberam tak per-o. An nebem angin worak mende pamu, nundusu yu lak tak puwak-nen Nagawan Indo Kenmbal Pem Nagawan eram tepan yer-o” luk yak indij-o.

MBIRIGA WENE 12:32

Konowam sapi min lomba min kambing min oboksa waruk mberer-o! Iri yogolar-e imbiringgat tak nubuwakluk tepan neber-o” yij-o.

MBIRIGA WENE 8:28

Yosoloma, Pirayon-nen yosolar-e: ”Nagawan Indo Kenmbal Pem Nagawan iri amanggim wam wosa kan pil ap lak ma nggwe mbururak iri-ge ob-er-o. Mbigija-ge kit-nen erepma nggwe mbirigit lak yurak iri nag-o. Nde, tepan an namanggim yurag-o” yij-o.

MBIRIGA WENE 8:4

Nde, mangge ereba-nen-e kat min ndegel kubugwi nap min o bem nap min oboksa kenpem yubu lubu mbuwa-o’ ”

MBIRIGA WENE 8:8

Iri ala, nagawan iri na-nen Musa min Arun min wene mbo unpuruk-nen yak ondosolar-e: ”Mangge yeba lak tak puwak-nen kir-e Nagawan Indo eram tepan yer-o. Iri ala-ge, kit kenlem nab-e wam wosa Nagawan Indo amanggim puwakluk lerak keya inpimin-o” luk yak indij-o.

MBIRIGA WENE 9:28

Nde, nir-e ndemeret o nggu min talme engen min-nen ndak andi bandi rak ninpij-o. Iri bem-e, Nagawan Indo emengen mbarer-o. Kir-e mondok yu me wolmomtag-e lag-o. Lerak kinpimin-o” luk yij-o.

YEREMIA 37:3

Nde, Nagawan Sendekia-nen-e Selemia ambara Yukal min Masea ambara tepan ombo Sepania min-e an-nen it Isarael nap enlem oboksa enmanggim tepan Nagawan Indo Nenmbal Pem Nagawan emengen mbarurak yak nuruwakluk wirik inpil lobok yij-o.

WONARIDNAK WENE 21:7

Iri ala, Isarael nap Musa eram lobok yogolat-nen yak togolar-e: ”Nir-e kat min Nagawan Indo min met kinpige iri-ge, ndemeret meya kwarige-o. Waro yeba nit nenndam-nen lak tak puwak-nen kat-nen Nagawan Indo emengen mbari-o” yogolikma, Musa-nen ap ereba enmanggim Nagawan Indo emengen mbarosoloma,

MATIUS 5:44

Alat nde, an-nen yak kendeyeg-o: Kit kinmin sirid nap iri-ge enabuwa ker-o. Nde, kit lel mberel kunpugwi nap iri enmanggim na tepan yer-o.

LUKAS 23:34

Panggarak pikma, Yesus-nen tepan yosolar-e: ”Neid wa-e. Ir-e enaru buk-nen kwatli me, it-nen meya yili yu-ge kat-nen kembaram tak pi-o” luk yij-o. Nde, it-nen at usum tembesa wanuwoklug-e, engga mbara ligik puruk, enpem mbidnak nap-nen waniga-o.

YIDNAK YIDNAK WENE 7:60

Yurug-e, ar-e endaru yunggusa kore yosolat-nen at ene ngguloksa-t yosolar-e: ”Nagawan Indo wa-e. It meya yidnag-e it enpem keya burak pug-o” yurug-e, wat yig-o. 8:1a Nde, Saulus-nen perasolar-e: ”Sepanus iri-ge ob-et witli-o” luk peragaij-o.

YIDNAK YIDNAK WENE 8:24

Yak tosoloma-ge, Simon-nen yosolar-e: ”Kit-nen yigep mende iri an nebem mbuma naru, an namanggim Nagawan Indo emengen mbarer-o” luk yij-o.

OROMA 12:14

Kit lel mberel kunpugwi nab-e Mbal Pem Nagawan-nen imbiringgat tak unpuwakluk at emengen mbarer-o. Imbiri lamut tak unpurak pug-o. Are, imbiringgat tak unpurag-o.

OROMA 12:21

Meya kwarugwi elem-nen urugwe nggwe rak kunpuwakluk, nggeyok nak yurak pug-o. Are, konak kwarugwi mende iri bem-nen meya kwarugwi elem iri urugwe nggwe rak per-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.

1 SEMUEL 12:19

Kwiye luk it-nen Semuel yak togolar-e: ”Nonmbo wa-e. Nit wat mul-o luk kat-nen yongga nondosolat Nagawan Indo Kembal Pem Nagawan emengen mbari-o. Nde, nir-e nanduk mondok meya kwarugwi-t nde, yawo tugurug-et nagawan nit nennggendumu mendak purak nggi yige iri-ge mondok meya-t kwarige-o” luk yiga-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.