1 NAGAWAN NAGAWAN-NEN KWARIDNAK WENE 12:16 - Nanduk Ngget Tul Pidnak Wene

¹⁶ Isarael nap ereba-nen yik kaiganggal-e, nagawan iri na-ge it enne-ge kuligit lak ala karug-e, Isarael nap oboksa-nen enne nggoksa yogolar-e: ”Ndaut min at-nen wigarak min-nen-e nit Isarael nab-e no kwat nunpugwi-o? Abalombog-o! Nenma mburuwog-o! Ereabeam iri-ge at abalombok nak-nen kwaruwag-o” yogoluk, Isarael nab-e enma mbiriga-o.

1 NAGAWAN NAGAWAN-NEN KWARIDNAK WENE 12:16 ပူးပေါင်းရင်းမြစ်များ

2 SEMUEL 15:13

Nde, misik tarem-e ap wene waruk noso misik-nen Ndaut yak tosolar-e: ”Isarael nab-e oboksa Apsalom ambigit nak yili-o” luk yak tij-o.

2 SEMUEL 16:11

Iri luk, Ndaut-nen tuguruk Abisai min at eyabu wanugwi nap oboksa min yak ondosolar-e: ”An nondomok niyema-nen pigi yu-nen perak an nururak yusu-o. Iri bem-e kir-e Mbenyamin nap yu-nen kwarusu iri karuk noluk-nen kinndi pok yili-o? Nagawan Indo-net an neresa ’Imbiri lamut tak ibi-o’ yamu-nen imbiri lamut tak nubusu-o. Iri bem-e imbiri lamut tak nubuwag-o. Kit-nen at imin-e yi kwatlik ndi kwatlik kwarurak pug-o.

2 SEMUEL 20:1

1 NAGAWAN NAGAWAN-NEN KWARIDNAK WENE 11:11

Iri yosolat-nen yosolar-e: ”Kar-e kindi-net an nimin urul pigen iri na kwid tosolat, an-nen kebem pigi ndak ndag-e kwarusu bug-o. Iri kwarosola me, kat-nen tenagidnak wi yu-ge an-nen tuguruk waga kat keyabu wanoso nap mbi wok timin-o.

1 NAGAWAN NAGAWAN-NEN KWARIDNAK WENE 11:13

Alat nde, iri-ge at-nen tenagidnak wi oboksa at inggem-nen wanimin pug-o. Are, ndegel noboso nap Ndaut min Yerusalem an nuwi siri rak pigi iri na min nindi yebet kasolar-e, Isarael nap enlem ennggendumu-nen enlem misiget nak kat kambara inggem keya bimin-o” luk yak tij-o.

1 NAGAWAN NAGAWAN-NEN KWARIDNAK WENE 11:34

Iri nggal kwarosola-t nde, an-nen-e at-nen tenagidnak wi iri-ge oboksa inggem mengga wanimin pug-o. At uruk worala-ge, at-net tena wolmakluk keya bimin-o. Iri kwarimin iri-ge ndegel noboso nap an-nen len ibigi Ndaut-nen an-nen idnak imiri mbarak pidnak wene min an-nen kwarurak ebem pidnak wene min-e ndak ndag-et kwaroso iri na nindi yebet kasolat-nen kwarimin-o.

1 NAGAWAN NAGAWAN-NEN KWARIDNAK WENE 11:35

Salomo-nen tenagidnak wi yu-ge at ambara inggem-nen waga ap enlem sepulu-ge kat kinggem pimin-o.

1 NAGAWAN NAGAWAN-NEN KWARIDNAK WENE 11:36

Enlem misiget at inggem keya bimin iri-ge an nerembel wanogolat wolmomtak o Yerusalem an-nen lenak pigi iri na me an ndegel noboso nap Ndaut-nen wigarak misig-e nderak pem lud Yerusalem iri me tena wolmakluk-nen enlem misik iri-ge at inggem keya bimin-o.

1 NAGAWAN NAGAWAN-NEN KWARIDNAK WENE 11:39

Nde, Salomo-nen meya kwarusu bem-e an-nen-e Ndaut-nen wigarag-e angin worak enpem pimin-et nde, pem abu abu-ge kwat inpimin pug-o’ yij-o” luk yak tij-o.

1 NAGAWAN NAGAWAN-NEN KWARIDNAK WENE 22:17

Yosoloma, Mika-nen onggo yosolar-e: ”An-nen yik kasolar-e, Isarael nap san ombo-ge lomba wam ombo lak nggal ndobo bem ereba ndibi ndi yogola, eneyasu-o. Iri ala karuk, Nagawan Indo-nen yosolar-e: ’It yu-ge onmbo-ge lak me, ndigirig-et enma mburuwag-o’ luk yosola kagi-o” luk yij-o.

1 NAGAWAN NAGAWAN-NEN KWARIDNAK WENE 22:36

Nde, mo iri na yoboksa nggosoloma-ge, ”Isarael nap san ombo oboksa enma lombok unuwi silmu lombok ndibi ndi yurag-o” luk yak indiga-o.

NDAWI ENGGA 132:17

Yu me-ge an-nen-e Ndaut-nen wigarak misig-e nagawan tak ibimin-o. At-nen nagawan woraso amawi-ge an-nen tugup lak tak pumu, pem irit nagawan wolma-o.

NGGOMO WENE 15:1

Wene onggo kona enne ndeyak pem-et yogola-ge, insilepma yidnak iri na-ge teyok yoso-o. Nde, enne amawi min onggo yogola-ge, insilepma ebem lud yoso-o.

YESAYA 7:17

Nanduk Isarael min Yewura min ngara mberen yogolat-nen anggun panggun kerenak woraiga kuri-nen yawo kuri-nen kagolat worali-ge te-t nde, Nagawan Indo-nen-e Asiut nagawan iri na pil lobok yuwama, kat min kowe kowot min kat kuwokma woragwi nap min-e o nda yidnak irit wosa mondok anggun panggun kwiye worak kagolat woragup iri-ge terak minik-net yusu-o.

YESAYA 7:2

Nde, Yewura nagawan iri na-nen kulidnggal-e, ”Siria nap san ombo-ge Isarael nap inmin lambuk yil ngguwagolat, Isarael nap enma worali-o” yogola kulurug-e, nagawan iri na min at-nen tenagidnak wi woragwi nap inmin-e kwiye kwarat yogolar-e, o wija-nen e sil kasola, lele yoso nggal yot kot mbiga-o.

YESKIEL 37:16

”Nggweyakma nap, lak yoso wa-e. Wangun misik wanugundik, ebem engga mbarosolar-e, ’Yewura nagawan-nen tenagidnak wi-o’ luk mbari-o. Iri luk, wangun misik wanuruk, ebem mbarosolar-e, ’Isarael nagawan-nen tenagidnak wi-o’ luk mbari-o.

MARAKUS 3:24

Nde, nagawan misik-nen tenagaidnak wi iri na me woragwi nap-nen nde lambuksa woragit lak, kuri worak woragolar-e, nagawan iri-nen tenagaidnak wi-ge nari wari ma-o.

LUKAS 19:14

Alat nde, ap kek tak na elem nap-nen at insili rak puruk, at imbirik ap wirik onpogolat-nen yosolar-e: ’Ap iri-ge nit nennggendumu nagawan mendak purag-e ninmbir-o’ luk yiga-o.

LUKAS 19:27

Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

YOANES 13:8

Iri yosoloma-ge, Peterus-nen at yak tosolar-e: ”Kat-nen an nuwok marurag-e mondok lik laksa-o!” luk yosoloma-ge, Yesus-nen at yak tosolar-e: ”An-nen kat mat kibigit lak ala-ge, kar-e an nimin kundig-e lag-o” luk yak tij-o.

WENE MBENARUGWI NAP-NEN KWARIDNAK WENE 8:35

Iri-nen Nggireyon-nen Isarael nap konak nak kwat onposolat woragid ereba na onggo-ge Nggireyon ama woragwi nab-e konak nak kwat inpigit lag-et yiga-o.