1 NAGAWAN NAGAWAN-NEN KWARIDNAK WENE 11:9 - Nanduk Ngget Tul Pidnak Wene

^9-10 Nde, Nagawan Indo Isarael nap Enmbal Pem Nagawan-nen-e mberen pem-et Salomo imbiri bem nam yosolat-nen indi yeberak obosolar-e: ”Kugwiwak nin nan-e mondok erembel wanurak pug-o” yak tij-et nde, Salomo-ge Nagawan Indo-nen yidnak yidnag-e kwarigit lak, Nagawan Indo nde keya bosola, Nagawan Indo isilepma-ge Salomo iri na ebem pij-o.

1 NAGAWAN NAGAWAN-NEN KWARIDNAK WENE 11:9 ပူးပေါင်းရင်းမြစ်များ

2 SEMUEL 11:27

Nde, tabun puruk woragwi tarem woraruk ombol nggwe-ge Ndaut-nen-e kwe Mbatseba iri na-ge inggi wil ap wirik enpamu, waruk at woraso sa lobok yikma-ge, kwe iri na-ge Ndaut-et wanij-o. Wanuruk, waneya siyak worasoma-ge, liap misik ndagij-o. Alat nde, Nagawan Indo-nen-e Ndaut-nen kwarid iri na-ge mondok isili rak puruk irit woragij-o.

2 SEMUEL 6:7

Iri yosola-ge, Nagawan Indo Mbal Pem Nagawan isilepma-ge Usa ebem pij-o. Nde, iri-ge, Usa-nen kwarid iri-ge Nagawan Indo erengenma nggal tak posola karuk, isilepma ebem posolar-e, Usa na-ge urul pidnak wene labu mbarak iri na eram ereya na-net Nagawan Indo-nen abu wirij-o.

1 NAGAWAN NAGAWAN-NEN KWARIDNAK WENE 11:8

At Salomo-net erep kwarosolar-e, ogwerak enlem nin kweyap oboksa ereba na unkugwiwak ndomok amanggim emben worak kan pogolat, amanggim wam wosa kan pogolat kwarurak ondoro konil lobok yij-o.

1 NAGAWAN NAGAWAN-NEN KWARIDNAK WENE 3:5

Mberarik pem kubu iri na-ge Nagawan Indo-nen nabi bem at eram nam luk-nen yak tosolar-e: ”Salomo wa-e. Kat-nen kindi perasu-ge an nebem nggi yi-o. Iri yosola-ge, an-e wog-et kirimin-o” yak tij-o.

1 NAGAWAN NAGAWAN-NEN KWARIDNAK WENE 9:2

nanduk Nggibeon-nen imbiri bem nam yid iri na nggal-et Nagawan Indo-ge tuguruk Salomo imbiri bem nam yij-o.

MBIRIGA WENE 4:14

Yosoloma-ge, Nagawan Indo isilepma Musa obosolat-nen yosolar-e: ”Lewi nap Arun na-ge kat kowe-ge lag-a? An-e naru-o. Ar-e wene yoso bem-e indi tenggerag-o. Ar-e yu nggwe kabuwok lobok yusu-o. Nde, kat keyarug-e, alen kwarat yuwa-o.

OSEA 4:11

Nagawan Indo-nen yosolar-e: ”Nilirak wa-e. Anggut amburu pi mende-nen na irit, anggut amburu ngget-nen na irit, ereba-nen-e kinndi kona yebet kagwi kinndi-ge mondok mbereksa lak tak pusu-o.

TUGURUK YIDNAK WENE 7:4

Iri nde kwarogola-ge, it-nen kinlirak waruk erepma rak unpuwama, Nagawan Indo erembel wanigit lak, it unkugiwak erembel wanogola, Nagawan Indo isilepma kenpem posolar-e, ndag-et lak tak kunpuwa-o.

TUGURUK YIDNAK WENE 9:20

Nagawan Indo isilepma-ge Arun ebem min-et puruk, at wururak yij-et nde, an-nen-e Arun min-et imiri yuwakluk tepan yukmur-o.

TUGURUK YIDNAK WENE 9:8

Sinai ndobo bem-nen na irit, Nagawan Indo isilepma kwarat tak pogola, at nen kit lak tak kunpurak peragid nar-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

1 SEMUEL 15:11

”Saul yu-ge an neram-nen nden karuk mborosolat, an-nen ebem pigi-ge kwarigit lak yidnak me, niri nera-nen Saul yu-ge nagawan tak ibigi-o” luk yak tij-o. Yosoloma, Semuel-e indi puru luk, Nagawan Indo emengen mbal tenak nene yij-o.