1 NAGAWAN NAGAWAN-NEN KWARIDNAK WENE 11:34 - Nanduk Ngget Tul Pidnak Wene

³⁴ Iri nggal kwarosola-t nde, an-nen-e at-nen tenagidnak wi iri-ge oboksa inggem mengga wanimin pug-o. At uruk worala-ge, at-net tena wolmakluk keya bimin-o. Iri kwarimin iri-ge ndegel noboso nap an-nen len ibigi Ndaut-nen an-nen idnak imiri mbarak pidnak wene min an-nen kwarurak ebem pidnak wene min-e ndak ndag-et kwaroso iri na nindi yebet kasolat-nen kwarimin-o.

1 NAGAWAN NAGAWAN-NEN KWARIDNAK WENE 11:34 ပူးပေါင်းရင်းမြစ်များ

2 SEMUEL 7:14

Nde, an-e at eid kwat yimin-o. Nde, ar-e an nambara kwat ma-o. At-nen nde lugud tak kwarosola-ge, ineidtak-nen enmbararak undugwi nggal-et wirimin-o.

1 NAGAWAN NAGAWAN-NEN KWARIDNAK WENE 11:31

Iri rak puruk Agia-nen Yerobeam yak tosolar-e: ”Nagawan Indo Isarael nap Enmbal Pem Nagawan-nen kat kimin yosolar-e, yu nggal yak kurusu-o: ’Salomo-nen tenagidnak wi yu-ge an-nen ngara Isarael nap enlem sepulu-ge kat wok kirimin-o’ yidnak me, sum ndelak ndelak ngarak sepulu ya-ge kat wani-o.

1 NAGAWAN NAGAWAN-NEN KWARIDNAK WENE 11:33

An-nen iri kwarimin iri-ge Salomo-ge an keya nuburuk kugwiwak erembel wanosolar-e: Siron nap unkugwiwak Asoret min Moap nap unkugwiwak Kamos min Amon nap unkugwiwak Milkom min ereba nak erembel wanosolat, ar-e an nindi-nen pidnag-e kwarusu bug-o. Eid Ndaut-nen an-nen yidnak yidnak min an-nen ebem pidnak min nak kwaroso ereba na nggal-e kwarusu bug-o.

1 NAGAWAN NAGAWAN-NEN KWARIDNAK WENE 11:35

Salomo-nen tenagidnak wi yu-ge at ambara inggem-nen waga ap enlem sepulu-ge kat kinggem pimin-o.

1 NAGAWAN NAGAWAN-NEN KWARIDNAK WENE 3:14

Kat-nen nde keid Ndaut-nen kwaroso nggal kwarosolat, an-nen yidnak yidnak kwarosolat, an-nen ’Irit kwarurag-o’ yidnak ereba na nde ndak ndag-et kwarosolat worasola-ge, an-nen-e kat kuruk wolmomtag-e mot pem tak kibimin-o” luk yak tij-o.

NDAWI ENGGA 103:10

At-nen nit nenpem angin worak posolar-e, nit-nen kwaridnak ndak ndag-et nenpem poso bug-o. Iri-nen nit-nen meya kwaridnak onggo posolat na, nit-nen kwaridnak, nit-nen lugud tak kwarugwi ndak ndag-e poso bug-o.

NDAWI ENGGA 89:19

O nanduk-net nabi nggal pem ndegel kubugwi nap tugup lak ereba na yak ondosolar-e: ”An-nen wim wari misik yongga worosolat, ap oboksa ennggendumu-nen ap misik lenak uburuk, kek tak ibigi-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

ABAKUK 3:2

Nagawan Indo wa-e. Kat-nen kwaroso wene-ge kuligi-o. Kolosolar-e, an narem-e kwiye wok yij-o. Nde, kat-nen kwiye worak kwarigen iri-ge tuguruk nit worali tarem ya kwari-o. Kar-e kisilepma yosolar-et nde, nenabuwa yi-o.