1 NAGAWAN NAGAWAN-NEN KWARIDNAK WENE 11:31 - Nanduk Ngget Tul Pidnak Wene

³¹ Iri rak puruk Agia-nen Yerobeam yak tosolar-e: ”Nagawan Indo Isarael nap Enmbal Pem Nagawan-nen kat kimin yosolar-e, yu nggal yak kurusu-o: ’Salomo-nen tenagidnak wi yu-ge an-nen ngara Isarael nap enlem sepulu-ge kat wok kirimin-o’ yidnak me, sum ndelak ndelak ngarak sepulu ya-ge kat wani-o.

1 NAGAWAN NAGAWAN-NEN KWARIDNAK WENE 11:31 ပူးပေါင်းရင်းမြစ်များ

2 SEMUEL 19:43

Yogoloma, Isarael nap-nen onggo yogolar-e: ”Nagawan iri-ge kit mende-t nde, nit-nen perak nagawan iri-ge nit-nen idnak nagawan-net yusu-o luk sepulu bem nggal nambena yurak iri-ge nit-nen yurak perak ndak-nen yusu-o. Noluk-nen kir-e nit nenambigir-e te rak ninpili-o? Nagawan tuguruk Yerusalem pil lobok yurak wene-ge nit nanduk-nen yige-o” luk yak indiga-o. Alat nde, Isarael nab-e iri yiga-t nde, it Yewura nab-et enne amawi lagolat, Isarael nap-nen yidnak wene-ge tara keya biga-o.

1 NAGAWAN NAGAWAN-NEN KWARIDNAK WENE 12:15

Iri yak ondosolar-e, it-nen nggi yiga wene-ge no mende nggal tak pij-o. Alat nde, iri kwarid iri-ge Nagawan Indo indi-n pidnak pem-et kwarij-o. Nebat ambara Yerobeam kwat uburak wene Nagawan Indo-nen o Silo woraso Mbal Pem Nagawan ene lomboksa yoso nap Agia yak tid iri na mondok kwar-et makluk-nen iri-ge yij-o.

1 SEMUEL 15:27

Yak turuk, Semuel na-ge mbereyeg-o luk, nden karuk mborosoma-ge, Saul-nen-e mburuwa naru tena ebeyeg-o luk, Semuel usum erep tena bidnggal-e sum erep siyag-e ndelepsa labuk yij-o.

1 SEMUEL 15:28

Iri ala karuk, Semuel-nen Saul yak tosolar-e; ”O yawo-net kat-nen Isaraei nap ennggendumu nagawan woraso iri na-ge Nagawan Indo-nen kat kinggem-nen lit yaga kat nggal-e lag-o. Are, konak mot mot nak kwaroso nap misik wok tij-o.