1 NAGAWAN NAGAWAN-NEN KWARIDNAK WENE 11:11 - Nanduk Ngget Tul Pidnak Wene

¹¹ Iri yosolat-nen yosolar-e: ”Kar-e kindi-net an nimin urul pigen iri na kwid tosolat, an-nen kebem pigi ndak ndag-e kwarusu bug-o. Iri kwarosola me, kat-nen tenagidnak wi yu-ge an-nen tuguruk waga kat keyabu wanoso nap mbi wok timin-o.

1 NAGAWAN NAGAWAN-NEN KWARIDNAK WENE 11:11 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 11:12

Iri-ge kwarimin-et nde, an-nen keid Ndaut yebet karug-e, kat worala ya tarem-nen-e kwarimin pug-o. Are, kat kambara-nen o tena worala tarem-net kwarimin-o.

1 NAGAWAN NAGAWAN-NEN KWARIDNAK WENE 11:26

Nde, ap misik Salomo imin eyak wat tenak woragij-e at ondomok eyabu wanoso nap unu-ge Yerobeam irir-o. Nde, Yerobeam iri-ge Eperaim nggweyak pem o Serera woraso Nebat ambara-o. Nde, ija Serua iri-ge kwe togwe-o.

1 NAGAWAN NAGAWAN-NEN KWARIDNAK WENE 11:29

Iri rak pamu woralar-e, misik tarem-e Yerobeam na-ge Yerusalem-nen mborosoma, tu ndumu ap lak ma iri me Mbal Pem Nagawan ene lomboksa yoso nap Agia iri na Silo-nen lobok yosolat, sum leyok sum ngget yesa lobok yosoma, lid pid yiga-o.

1 NAGAWAN NAGAWAN-NEN KWARIDNAK WENE 11:31

Iri rak puruk Agia-nen Yerobeam yak tosolar-e: ”Nagawan Indo Isarael nap Enmbal Pem Nagawan-nen kat kimin yosolar-e, yu nggal yak kurusu-o: ’Salomo-nen tenagidnak wi yu-ge an-nen ngara Isarael nap enlem sepulu-ge kat wok kirimin-o’ yidnak me, sum ndelak ndelak ngarak sepulu ya-ge kat wani-o.

1 NAGAWAN NAGAWAN-NEN KWARIDNAK WENE 12:20

Nde, Isarael nap-nen kuliganggal-e: ”Yerobeam na-ge Mesira-nen tuguruk lobok yij-o” yogola kulurug-e, misik me wene mbarogolar-e, at yonggo puruk, Isarael nap enanggul pem irit nagawan mendak piga-o. Nde, it enlem Yewura nap-nen perak Ndaut-nen wigarak nagawan ereba na tugup lak enne nak kologolat woraiga-o.

WONARIDNAK WENE 14:23

Iri ala karuk, ir-e o iri me-ge mondok ngguwa bug-o. It ennggendumu an nimin eyak wurugwi nab-e ap misiger-o luk tet o iri na me-ge unuwok puwa bug-o.

WONARIDNAK WENE 14:35

Mondok Nagawan Indo an-nen owak mbarosolat-nen yosolar-e: ”Meya kwarugwi nap kit-nen an nebem mbud yurak pem wene mbatli iri-ge an-nen yigi iri-ge kwar-et kinpimin-o.” Mondok Nagawan Indo an-nen yusu-o’ luk yigi-o” yak indij-o.