1 NAGAWAN NAGAWAN-NEN KWARIDNAK WENE 10:9 - Nanduk Ngget Tul Pidnak Wene

⁹ Nap kat Kembal Pem Nagawan, Nagawan Indo-ge erembel wanogolat wolmag-o! Kar-e at-nen alen kebem puruk Isarael nap nagawan mendak kibij-o. Nde, at-nen-e Isarael nap kenabuwa-ge pem kundugu irit kasolat me, kat-nen at-nen idnak imiri mbarak pidnak wene min mot mot nak kwaroso min waruk kek tak ponokluk, kar-e Isarael nap ennggendumu nagawan mendak kebamu-o” yij-o.

1 NAGAWAN NAGAWAN-NEN KWARIDNAK WENE 10:9 ပူးပေါင်းရင်းမြစ်များ

2 SEMUEL 23:3

Yakup Embal Pem Nagawan-nen wene yij-o. Isarael nap inmiri yoso-nen an yak norosolar-e: ”Ap mot mot pem-et tena unpuruk worasu nagawan, lit unpuruk Mbal Pem Nagawan-nen yidnak yidnak kwaruwa nagawan iri-ge

2 SEMUEL 5:12

Iri bem-nen Ndaut-nen perasolar-e: ”Nagawan Indo-net an-e Isarael nap enanggul pem nagawan tugup lak tak nobosolat, an-nen tenagidnak wi-ge Nagawan Indo ilirak Isarael nap enmanggim amawi rak posolat kwarusu-o” luk yebet kagaij-o.

1 NAGAWAN NAGAWAN-NEN KWARIDNAK WENE 3:28

Isarael nap-nen kuliganggal-e, Salomo-nen wene iri kwara konidnak kulurug-e, Mbal Pem Nagawan-nen nam-et nak mot mot kwarurak indi nggat nggat elem wok tidnak ala karuk, it pidsa-nen-e wir-o luk at nak kek tak ibiga-o.

1 NAGAWAN NAGAWAN-NEN KWARIDNAK WENE 5:7

Nde, Iram iri na-ge wene iri na kolosolug-e, alen kwarat yij-o. Iri luk, at-nen yosolar-e: ”Nagawan Indo-nen Ndaut wok tosolar-e, ambara mondok indi nggat nggat worak ap enlem nggok iri enanggul pem nagawan men yurak wok tidnak me, yawo Nagawan Indo nak erembel wanurag-o!” luk yij-o.

NDAWI ENGGA 22:8

Iri kwarogolat, it-nen yogolar-e: ”At indi-ge Nagawan Indo ebem wat tak puruk woraso me, Nagawan Indo-nen imiri yuwag-o! Nagawan Indo-nen nde at indingen tak obosolar-e, wisirik ubuwag-o” luk yili-o.

NDAWI ENGGA 72:2

Iri yugunmu, at-nen kat kilirak enpem wene mbenarosolar-e, kat-nen pidnak ndak ndag-et enpem wene mbenarosolat wolmag-o. Nde, ap anggun panggun arem woragwi nap na mot mor-et kwat onposolat wolmag-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

YEREMIA 31:3

an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

MALEAKI 1:2

Nagawan Indo-nen at ilirak yak ondosolar-e: ”An-e kit kenabuwa-t kasu-o” yak indij-et nde, it-nen onggo yogolar-e: ”Nagawan Indo kat-nen nenabuwa kasolar-e, ngge kwarusu-o?” luk yiga-o. Yogoloma, Nagawan Indo-nen onggo yosolar-e: ”Esau iri-ge Yakup owe-t nde, an-nen-e owot Yakup iri na nde abuwa kasolat,

TUGURUK YIDNAK WENE 7:8

Alat nde, Nagawan Indo-nen len kinpid iri-ge, at-nen kenabuwa kasolar-e, konmborak inmin urul yak indid iri na ndak ndak tak posolat-nen kwarij-o. Iri bem-nen at amawi nggok pem kinmiri yosolat, Mesira nagawan-nen anggun panggun tak konposola inggiyapma-nen wisirik kinpij-o.