1 NAGAWAN NAGAWAN-NEN KWARIDNAK WENE 10:25 - Nanduk Ngget Tul Pidnak Wene

²⁵ Nde, lobok yogolar-e, it ondomoktak-nen yi mende ndi mende Salomo amanggim waruk lobok yogolat woraiga-o. Iri kwasa Salomo wok togolar-e, perak min emas min yurugwi sum min tup san min nunggwi mende undu rak pugwi mende min kura wam min kelerai wam min irit pempa olengen ndak wosa Salomo wok togolat woraiga-o.

1 NAGAWAN NAGAWAN-NEN KWARIDNAK WENE 10:25 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 1:33

Nagawan Ndaut-nen it yak ondosolar-e: ”Kir-e an-nen idnak san wari ereba na kinmin tak puruk, an nambara Salomo eram mbutlug-e, Salomo iri-ge an-nen ebem kore yoso kelerai wam iri ombolwak pem koreyak puruk, waruk Yi Nggion urusuom waruk mberer-o.

1 NAGAWAN NAGAWAN-NEN KWARIDNAK WENE 10:10

Iri yosoluk yarig-e, o Seba kwe nagawan iri na-nen-e at-nen waruk lobok yid mende ereba na-ge we irit Salomo wok tij-o. Nde, wok tosolar-e, emas angin empat ribu (4.000) kilogram ombol nggwe min kerep abinal worak kwarat min nunggwi mende undu rak pugwi mende ereba na min oboksa Salomo eram nak kegera keya bij-o. Nde, nunggwi mende undu rak pugwi mende o Seba kwe nagawan iri-nen wok tid kwarat ereba na nggal-e Salomo worasolar-e, ereba na nggal mbi erengenma yoso bug-et nde, wok tij-o.

1 NAGAWAN NAGAWAN-NEN KWARIDNAK WENE 18:5

Nde, Akap-nen Obaja yak tosolar-e: ”Yi ugup kul, lak? Yi waru kul, lak? Kore o siri yeba oboksa arem tak puwog-o. Erep-nen-e tusuangge mbi kulndik, nonowam kura min nenkelerai wam min yi ulusu kundik puwog-o. Nit nonowam urusuwaga misiger-o luk tet wururak iri-ge meya-o” yak tij-o.

1 NAGAWAN NAGAWAN-NEN KWARIDNAK WENE 5:1

Nde, Tirus nap nagawan Iram iri na-ge Ndaut imin kundik woragij-o. Nde, Iram-nen kulidnggal Salomo na-ge Ndaut ondolma nagawan men yidnak wene kulurug-e, ap ereb-e Salomo eram inpil mbirij-o.

AYUP 42:11

Nde, Ayup iri na owerak min iridtak min oboksa min at enggamirak nanduk-nen kundik woragwi min lobok yigarik, lambuksa at ama-nen nggok irit saiga-o. Nagawan Indo-nen angin worak mende oboksa Ayup ebem pil lobok yidnak iri na bem it min-et inndi puru bera yuruk, at indi yangguniga-o. It oboksa-nen-e ondomoktak-nen uang min emas-nen konidnak inggi bem purak sinsin min Ayup wok tiga-o.

NDAWI ENGGA 72:10

O Tarisis woragwi nagawan nagawan min yi terapmu woragwi nagawan nagawan min-nen-e silobulo we irit at wok til lobok yuwa-o. Arap min Etiopia min nagawan nagawan-nen-e we nagawan wok undugwi mende wok til lobok yuwa-o.

NDAWI ENGGA 72:15

Nagawan iri-ge urug-et wolmag-o! Arap-nen waruk lobok yidnak emas irit wok tuwag-o. Ar-e pempa pempa amanggim tepan yogolat, pempa imbiringgat tak nak obogolat wolmag-o!

YESAYA 66:20

Nde, o it mburuwa sa ereba-nen-e kit kanggamirak kenlem misiget Nagawan Indo an namanggim we wok niril lobok yuwa-o. It-nen ap ereba na waruk an nondobo marak Yerusalem iri na me waruk lobok yogolar-e, kura wam min kelerai wam min unta wam min ombol pem koreyak unpuruk, nggweyak koma ereba na bem unpuruk, Isarael nap-nen pempa nggandum mbato Mbal Pem Nagawan amanggim purak at ama waruk mborogolat ondoro konak pem puruk, waruk mburugwi nggal-et wok unpuruk lobok yuwa-o.

MATIUS 2:11

O ma iri nggwiganggal-e, la marik na ija Maria imin worasoma, kaiga-o. Karug-e, la iri na eram tud luk, at erembel waniga-o. Iri rak purug-e, it insilobulo yarak woraso unsum munen-e emas posid min kemenyan emben worak amburu min mut emben worak amburu min kenangga we irit wok tiga-o.

1 SEMUEL 10:27

Alat nde, meya yugwi nap erep-nen yogolar-e: ”Nit ninmiri yurak nab-e ab-e yu nggal-er-a?” yogolar-e, at te rak obogolar-e nagawan we wok undugwi mende-ge wok tigit lak yiga-t nde, ar-e aru buk nggal irit larok yij-o.