1 NAGAWAN NAGAWAN-NEN KWARIDNAK WENE 10:22 - Nanduk Ngget Tul Pidnak Wene

²² Nde, Salomo-nen idnak koma yi koma-ge kwarat woragij-o. Woralar-e, Iram-nen idnak koma yi koma ereba na min-et yi koma ombolwak pem mborogolat woraiga-o. Nde, mbutlug-e, koma ereba na-ge olengen kenan arem-e misik pem nak emas min perak min nggaja wam eyak min kera min towe lambu nggal min waruk lobok yogolat woraiga-o.

1 NAGAWAN NAGAWAN-NEN KWARIDNAK WENE 10:22 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 10:18

Nde, at-net misik konosolar-e, nagawan-nen koreyak woragwi nggok misik konij-o. Iri konosolar-e, nggaja wam eyak min ebem lop nok til lobok yosolat, emas kopkap lak-nen umuruk wosa konij-o.

1 NAGAWAN NAGAWAN-NEN KWARIDNAK WENE 10:21

Nde, at-nen yi naso embe ereba-ge oboksa emas pem nak-nen konil lobok yij-o. Iri-nen o mot worak misik unu Libanon Wal Uwi iri arem woraso oboksa na emas kopkap lak pem nak-nen konidnag-o. Nde, Salomo woragid tarem-e perak iri-ge ebe lak mende rak pogolat woragolar-e, perak pem-nen mbi mondok konigit lag-o.

AYUP 39:13

Nde, towe saro nggal (burung unta) pubu mbirigit lak, isiyamu mondok ndag-et nak yembak kaso-t nde, towe mbuwa waru-nen pubu mboroso-ge at iri min ndak wururag-e meya-o.

NDAWI ENGGA 72:10

O Tarisis woragwi nagawan nagawan min yi terapmu woragwi nagawan nagawan min-nen-e silobulo we irit at wok til lobok yuwa-o. Arap min Etiopia min nagawan nagawan-nen-e we nagawan wok undugwi mende wok til lobok yuwa-o.

YESAYA 60:9

Ereba-ge yi koma, Mbal Pem Nagawan ilirak o erepma-nen tuguruk enma lobok yogola, wok unpuruk lobok yusu-o. Lobok yogolar-e, Nagawan Indo Kenmbal Pem Nagawan erembel wanurak amanggim-et emas min perak min-et waruk lobok yili-o. Ereba-ge Isarael Embal Pem Nagawan Mondok Marak at ilirak kek tak unpuwakluk kek tak onposo iri na amanggim waruk lobok yili-o.

YESAYA 66:19

Nde, an-nen-e yenggerak purak mende mbi it ennggendumu pimin-o. It ennggendumu enpe marig-et nggal-e inmiri yimin-o. Nde, it iri-ge yi nap ndi nap enlem o erepma worali, an nobok na kulugwi buk, an-nen kek tak woraso na kulugwi buk, an namawi na kagwi buk ereba ennggendumu wirik onposolar-e: Tarisis wirik onposolat, Libia wirik onposolat, nde, Liria wirik onposolar-e, ap ininggi mbuk lembe min-et wirik inpimin-o. Tubal nggwe wirik onposolat, Yunani nggwe wirik onposolat kwarimin-o. Iri yumu-ge it-nen-e an nobog-e it enlem ereba ennggendumu wigaruwa-o.

AMOS 3:15

Nde, toro wok yidnak tarem-nen toro aye woragwi o ereba na min kibi mbud yidnak tarem-nen embem aye nginmu nggugwi o ereba na min-e mondok yigisa lak tak pimin-o. Iri-nen o nggaja eyak pem-nen yik kudtak amanggim konidnak ereba na-ge tud tak posolat, o yok nggok ereba na oboksa yigisa lak ma-o.

YUNUS 1:3

Iri yak tij-et nde, Yunus iri na-ge Nagawan Indo aye-nen nin nggwe mbirij-o. Mborosolar-e, Yopa nggwe mborosoma-ge, koma misig-e o Sepaniol nggwe mbereyekluk yosoma, kagaij-o. Karug-e, at mbururak koma iri na onggo purug-e, koma iri na arem ngguruk, koma waruk nugwi nap inmin Sepaniol mborosolat, Nagawan Indo eram-nen kwiye mbirij-o.