1 NAGAWAN NAGAWAN-NEN KWARIDNAK WENE 10:18 - Nanduk Ngget Tul Pidnak Wene

¹⁸ Nde, at-net misik konosolar-e, nagawan-nen koreyak woragwi nggok misik konij-o. Iri konosolar-e, nggaja wam eyak min ebem lop nok til lobok yosolat, emas kopkap lak-nen umuruk wosa konij-o.

1 NAGAWAN NAGAWAN-NEN KWARIDNAK WENE 10:18 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 10:19

Koreyak woraso iri-ge inggi worak irit konij-o. Nde, inggi ereya na bem ponok ponog-e singa ndakngge ndak worak pij-o. Nde, koreyak woraso iri ombol nggwe-ge sapi anggulwak ndak worak pij-o. Nde, ebem lorag-e ndanggi enam mbarij-o.

1 NAGAWAN NAGAWAN-NEN KWARIDNAK WENE 10:22

Nde, Salomo-nen idnak koma yi koma-ge kwarat woragij-o. Woralar-e, Iram-nen idnak koma yi koma ereba na min-et yi koma ombolwak pem mborogolat woraiga-o. Nde, mbutlug-e, koma ereba na-ge olengen kenan arem-e misik pem nak emas min perak min nggaja wam eyak min kera min towe lambu nggal min waruk lobok yogolat woraiga-o.

1 NAGAWAN NAGAWAN-NEN KWARIDNAK WENE 22:39

Nde, Nagawan Akap-nen kwaridnak wene erep min o at woroso sa nggaja eyak pem-nen wiril lobok yidnak wene min at-nen o siri pil lobok yidnak ereba na wene min oboksa-ge Isarael nap nagawan nagawan woragolat-nen kwarogolat woragwi engga iri na arem mbaridnak worasu-o.

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

NDAWI ENGGA 122:5

Yerusalem yu me-net Nagawan Ndaut-nen wigarak-nen-e it unuwokma woragwi nab-e enpem wene mbenariga-o.

AMOS 6:4

Kit nene yugwi ondoro mondok konak pem nak mbinggirik woragolat, sapi uno min lomba usul uno min ereba na nak nggok saga nonggolat worali nab-e mondok kenabuwa worag-o!

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

IBERANI 1:8

Alat nde, Mbal Pem Nagawan-nen at Ambara yak tosolar-e: ”Mbal Pem Nagawan wa-e. Kat-nen tenagaidnak wi-ge pem-et woralik nalik ma-o. Kat-nen tenagaidnak wi arem woragwi nap enpem wene mbarosolar-e, wene lud tak nak mbaroso-o.

NAM PARA WENE 18:12

It enarengge iri-ge emas min perak min onggo nggok pugwi kerep min mutiara tol min sum loro konak min sum mimi min ndagwi isinggalnggal-nen konidnak sum min mongga sum min; e embem konak onggo pugwi pidsa min; wam eyak-nen konidnak min e onggo nggok pugwi-nen konidnak min tembaga posid-nen konidnak min posid-nen konidnak min kerep mbesel-nen konidnak min;

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.