1 NAGAWAN NAGAWAN-NEN KWARIDNAK WENE 1:5 - Nanduk Ngget Tul Pidnak Wene

^5-6 Apsalom na-ge wat yidnak me, Ndaut ambara Apsalom imbirik Andonia iri na-ge manggiya nggal kwat yij-o. Nde, ija unu-ge Agit. Nde, Andonia iri-ge mondok ebe-ge tenaga irit men yidnag-o. At-nen nde meya kwarosoma-ge, eid Ndaut-nen-e nggomo woroso buk irit woragij-o. Andonia iri-ge mondok nagawan men yurak irit wat tak posolar-e, at-nen idnak wim koma min kura wam min at ondomok yik karok wolmomtak san ombo-ge lima pulu (50) min irit lid lud tak pij-o.

1 NAGAWAN NAGAWAN-NEN KWARIDNAK WENE 1:5 ပူးပေါင်းရင်းမြစ်များ

2 SEMUEL 15:1

Iri kwatluk ombol nggwe-ge Apsalom-nen-e nggweyak koma misik min lit kuruk mbururak kura min ondomok amanggim lid lud tak pij-o. Iri yosolar-e, at imin nurak nap lima pulu (50) min-et lenak inpij-o.

1 NAGAWAN NAGAWAN-NEN KWARIDNAK WENE 1:11

Nde, Mbal Pem Nagawan ene lomboksa yoso nap Natan iri na-ge Salomo ija Mbatseba eram mbirij-o. Mberarik, Salomo ija yak tosolar-e: ”Agit ambara Andonia iri-ge Nagawan Ndaut na aru buk worala, ondomok-nen nak nagawan men yusu iri wene-ge kar-e kuligen, lak?

MBIRIGA WENE 9:17

Alat nde, yawo na kar-e kindi kek tak pem woralat, an nelem nab-e mburuwakluk lerak unpusu bug-o.

LUKAS 14:11

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

LUKAS 18:14

Iri luk, Yesus-nen it yak ondosolar-e: ”An yak kendeyeg-o. It na mborogolar-e, at Parisi nap iri-ge lag-o. Are, pemerinta enmanggim tol ndok woroso nap iri na nde Mbal Pem Nagawan-nen lud tak obosola, ama mbirij-o. Iri kwarid iri-ge ap-nen nde inndi kek yuwa nab-e teberak unpuwa-o. Nde, ap-nen nde inndi tebe yuwa nab-e, kek tak unpuwa-o” luk yij-o.

WENE MBENARUGWI NAP-NEN KWARIDNAK WENE 9:2

”Sikem woragwi nap oboksa kin wok enper-o. Nggireyon ambararak tuju pulu (70) oboksa-nen nagawan nak wolmomtag-e op, lak? Are, misiget nak-nen nagawan wolmomtak ob-a?” yuruk, inndi yenggerak posolat-nen yosolar-e: ”An-e kit kenmbara-net yusu-o” luk yak indij-o.