1 NAGAWAN NAGAWAN-NEN KWARIDNAK WENE 1:38 - Nanduk Ngget Tul Pidnak Wene

³⁸ Iri lug-e, Sandok min Natan min Mbenaya min Nagawan Ndaut yik karok woragwi san ombo min-nen-e Nagawan Ndaut-nen ebem koreluk mboroso kelerai iri na bem Salomo iri na-ge ”Kore yil li-o” luk yak tiga-o. Iri rak puruk ndugulug-e Yi Nggion urusuom mbiriga-o.

1 NAGAWAN NAGAWAN-NEN KWARIDNAK WENE 1:38 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 1:8

Alat nde, tepan ombo Sandok min Yoyanda ambara Mbenaya min Mbal Pem Nagawan ene lomboksa yoso nap Natan min Simei min Erei min Nagawan Ndaut yik karok woragwi san ombo min it ereya-nen-e Andonia ambigir-e yigit lag-o.

1 NAGAWAN NAGAWAN-NEN KWARIDNAK WENE 1:33

Nagawan Ndaut-nen it yak ondosolar-e: ”Kir-e an-nen idnak san wari ereba na kinmin tak puruk, an nambara Salomo eram mbutlug-e, Salomo iri-ge an-nen ebem kore yoso kelerai wam iri ombolwak pem koreyak puruk, waruk Yi Nggion urusuom waruk mberer-o.

1 NAGAWAN NAGAWAN-NEN KWARIDNAK WENE 1:26

Alat nde, an min tepan ombo Sandok min Mbenaya min Salomo min-et wene mbo ninpigit lag-o.

2 SEMUEL 15:18

Iri yogolar-e, Nagawan eyabu wanugwi nab-e at eralu ponok nggwe mendak woragola-ge, san ombo Ndaut nduguluk nugwi nap ereba na-ge at eram obo nesa keya buruk mbiriga-o. Mborogolar-e, san ombo Nggat-nen Ndaut imbirik lobok yidnak na enpe enam ratus (600) ereba inmin-et at eralu irit obo nesa keya buruk mbiriga-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.