1 NAGAWAN NAGAWAN-NEN KWARIDNAK WENE 1:29 - Nanduk Ngget Tul Pidnak Wene

^29-30 Lobok yosoloma, Nagawan Ndaut-nen Mbatseba yak tosolar-e: ”Ndemeret an-nen Isarael nap Enmbal Pem Nagawan, Nagawan Indo unu bem ndemeret kat yak korosolar-e: ’Kambara Salomo irit an nondolma-ge nagawan men ma-o’ yak kirigi iri nar-o. Iri ala-ge, yawo-ge Nagawan Indo uruk nak woraso iri-nen anggun panggun arem-nen wisirik noboso iri na owag-o. Yawo yu-net an-nen urul yak kirigi iri na kwarimin-o” luk yak tij-o.

1 NAGAWAN NAGAWAN-NEN KWARIDNAK WENE 1:29 ပူးပေါင်းရင်းမြစ်များ

NDAK WIRIDNAK WENE 48:16

Lak tak nuburak inggem-nen nimiri yoso aid nap iri-nen-e li ya-ge imbiringgat tak unpuwag-o. Li ya enpem-nen an nunu min Abarakam unu min Isak unu min-e ki irit wolmag-o. It ya inlirak-nen li kwarat ndakola, it-nen wigarag-e kwarat mag-o” luk yij-o.

2 SEMUEL 12:5

Iri yosola, ap arengge kwarat iri na-nen kwaridnak wene iri na kulurug-e, Ndaut na-ge isilepma kwarat yosolat-nen yosolar-e: ”Ap arengge kwarat iri-ge abur-e mondok meya-t kagi-o! Mondok Nagawan Indo Uruk nak Woraso owag-o. Ap iri-ge lomba marik iri onggo posolar-e, empat pem nambena puruk, ebe-ge mondok wururag-o” luk yij-o.

1 NAGAWAN NAGAWAN-NEN KWARIDNAK WENE 1:28

Yosoloma-ge, Nagawan Ndaut-nen yosolar-e: ”Mbatseba wene mbo bi-o” yosoloma, Natan na mborosola, Mbatseba iri na tuguruk Nagawan Ndaut eram lobok yij-o.

1 NAGAWAN NAGAWAN-NEN KWARIDNAK WENE 17:1

O Nggileat nggweyak arem o siri Tismbe nap Mbal Pem Nagawan ene lomboksa yoso nap mbi unu-ge Elia irit woragij-o. Nde, misik tarem-e Elia na-ge Nagawan Agap eram mberarik-nen yak tosolar-e: ”Nagawan Indo uruk nak woraso Mbal Pem Nagawan, Isarael nap-nen kek tak ubugwi an-nen ndegel ubusu owag-o. Mondok nap kat yak kereyeg-o. Abok olengen mberen, lak? Are, kenan lak? woragolar-e, ereya arem-e mondok lilangen ala na talme mariget ala na mondok mbuma bug-o. An-net yosola-nen perak mbuma-o” luk yak tij-o.

1 NAGAWAN NAGAWAN-NEN KWARIDNAK WENE 18:10

Nagawan Indo uruk nak woraso kat-nen kek tak poso Mbal Pem Nagawan iri na owag-o. Nam-et para yak kereyeg-o. Nagawan Akap-nen-e kat kogore yurak an wirik nobosoma-ge, an-e nin me nan me waring kaso. Nde, o misik me nagawan-nen yogola-t nde: ’Elia yu me-ge lag-o’ yidnak ala-ge, Akap-nen-e o iri me woraso nagawan iri na imin-e: ’Irit nde, Elia-ge yu me-ge lag-er-o luk mondok owak mbarurag-o’ luk yak ondoso-o.

2 NAGAWAN NAGAWAN-NEN KWARIDNAK WENE 4:30

Nde, kwe iri na-nen yosolar-e: ”Nombo Elisa wa-e. Nagawan Indo uruk nak woraso min kat min kenarik konowag-o. An-e mondok keya kibimin pug-o” yosoloma-ge, Elisa na-ge kwe iri totno at ama mbiriga-o.

2 NAGAWAN NAGAWAN-NEN KWARIDNAK WENE 5:16

Yosoloma, Elisa-nen onggo yosolar-e: ”Nagawan Indo uruk nak woraso an-nen ndegel oboso iri na owag-o. Nde, an-e kat-nen wok nurugun mende-ge mondok mariget tet wanimin pug-o” luk yak tij-o. Nde, Naman-nen-e wanuwakluk mondok watsa emengen mbarij-et nde, Elisa-nen-e lembesa keya bij-o.

2 NAGAWAN NAGAWAN-NEN KWARIDNAK WENE 5:20

Elisa ndegel oboso nap Nggekasi iri na-nen yebet kasolar-e: ”Noluk-nen Naman iri-ge onggo pigit lak keya nak ebamu mbirij-o? An neid Elisa-ge Siria nap iri-nen wok tidnak silobulo-ge wanurag-et nde, keya bij-a? Iri ala-ge, Nagawan Indo uruk nak woraso nggal-o, mondok imbirik muk kamindik, silobulo mbi-ge mondok wog-et nuruwag-o” perasolug-e,

NDAWI ENGGA 136:24

Wim nap ininggiyapmu-nen wisirik nonposo-nen yusu-o. At-nen-e pem kundugu irit enabuwa yoso-nen yusu-o.

NDAWI ENGGA 138:7

Anggun panggun nebem mbidnak tarem-e kat-nen an tena nuburuk worasu-o. An nuwim nap-nen an nebem mbud yogola-ge, kat-nen inmin wim mbarosolat, kamawi bem-nen nimiri yusu-o.

NDAWI ENGGA 72:14

At-nen-e ir-e insilepma bem anggun panggun tak onpogola, mengga keya unpusu-o. Iri kwat unpusu iri-ge it unluk wolmomtak irit indingen perasolat-nen kwarusu-o.

WENE MBENARUGWI NAP-NEN KWARIDNAK WENE 8:19

Yogoloma, Nggireyon-nen yosolar-e: ”Ereba-ge an nowe nowot niniya misik-nen nderag-et indigeb-o. Kit-nen nde it nde indigit lak nggal-nen-e mondok ndemeret kendeleb-e lik lak sa-o” yak indij-o.

1 SEMUEL 14:39

Iri luk Saul-nen watsa yosolar-e: ”Uruk nak woraso Nagawan Indo, Isarael nap ombol nggwe rak inpid iri na erengen pem yusu-o. Ta-nen nde meya kwaridnak ala-ge, mondok wat ma-o. An nambara Yonatan-nen kwaruwa-t nde, iri na mondok war-et ma-o” luk owak mbarij-o. Alat nde, ap misiger-o luk-nen mbi erep nggarigit lak yiga-o.

1 SEMUEL 14:45

Alat nde Isarael nap oboksa-nen Saul yak togolar-e: ”Yonatan-et wururag-e mondok ndag-a? Yawo-ge at-net ombol nggwe rak ninpid yu-t nde, mondok lag-o. Nagawan Indo Uruk nak Woraso owag-o. Yonatan yu-ge anggulsu misiger-o luk tet mondok punurak pug-o. Nagawan Indo-nen yongga worosola at-net yawo ge ombol nggwe rak ninpid yur-o” luk yiga-o. Nde, Yonatan iri na-ge mondok watleb-et nde, Isarael nap oboksa-nen imiri yiga-o.

1 SEMUEL 19:6

Wene iri na Yonatan-nen indi yanggonosola, Saul-nen-e: ”Iri-ge ndemerer-o” luk yebet karug-e, ”Nagawan Indo unu bem mondok wirimin pug-o” luk owak mbarij-o.

1 SEMUEL 20:21

Iri rak puruk an-nen ndegel noboso nap iri na yak tosola-t nde: ’Kar-e mare yu nggwe iri waruk lobok yi-o’ yak tosola-ge, kat-nen perasolar-e: ’Iri-ge wene lag-er-o’ perasoluk, nam yurag-o. Nagawan Indo Uruk nak Woraso owag-o. Mondok kuruwa-ge lag-o.