1 NAGAWAN NAGAWAN-NEN KWARIDNAK WENE 1:2 - Nanduk Ngget Tul Pidnak Wene

² Iri ala karuk at eyabu wanugwi nap ereba na-nen yak togolar-e: ”Nagawan wa-e. Nir-e kwe ndugum misik kimin woralat, ndegel kobosolat wolmakluk kore yul-o. Iri yulmu-ge, kimin nene yosolat embem tak kobosolat wolmak-nen-o” luk yak tiga-o.

1 NAGAWAN NAGAWAN-NEN KWARIDNAK WENE 1:2 ပူးပေါင်းရင်းမြစ်များ

NDAK WIRIDNAK WENE 16:5

Iri kwarosola karuk, Sarai-nen Abaram yak tosolar-e: ”Kwe yu-ge an-nen kat wok kurukmu, at ebebeyok mbal koragidnggal-e, abila ala karuk, ar-e kek yosolat, an-e teberak nubusu-o. Nde iri-ge erem-e kat kebem-o. Nagawan Indo nak-nen kat min an min nennggendumu-ge wene mbaruwag-o” luk yak tij-o.

2 SEMUEL 12:3

Nde, ap arengge lak iri na-ge olomba wam misiget nak onggo puruk, ilirak inmin ama irit imin woralar-e, nunggwi mende-ge it-nen nunggwi ereb-et mak tosolat, yi na at-nen naso embe arem-et mak tosolat, nene yosolar-e, ap iri na urugom-et nene yosolat, iri kwat tenak woragij-o. Nde, wene iri nggaruksa yosolar-e, at ondomok ara kwat ibidnak nggal-et kwat obosolat woragij-o.

1 NAGAWAN NAGAWAN-NEN KWARIDNAK WENE 1:1

Yawo Nagawan Ndaut na-ge abu mondok indi worak irit yij-o. Woralar-e, embem sum-nen ketsa ibidnag-et nde, toro-ge ebem nak irit woragij-o.

1 NAGAWAN NAGAWAN-NEN KWARIDNAK WENE 1:3

Iri lug-e, kwe ndugum konak misik Isarael nap woragwi sa oboksa kore yukmu-ge, kwe ndugum mondok konak unu-ge Abisang irit kaiga-o. Kwe iri na-ge Nagawan Ndaut eram waruk lobok yikma, kwe iri na-ge ogwe nggal imin nene yigit lak, we togwarak nak worasolat, ndegel obosolat irit woragij-o.

ESET 2:2

Iri kwarosola karuk, at indi tenakwi nap at imin kundik woragwi ereba na-nen Nagawan yak togolar-e: ”Yu nggal kwarurak perak ob-o. Nagawan kat kamanggim ap-nen enaboro mbarugwi buk kweyap ndugum konak onkore yuwog-o.

MIKA 7:5

Kat keralu woragwi nap ereba na-nen yidnak wene-ge ndemerer-o luk yebet kudtak pug-o. Kat kanggam iri na ebem na kindi wat tak puruk wolmomtak pug-o. Kat-nen wene yugun iri-ge kambik kogwe iri na imbiri bem-et nde, kat-nen wene yosolar-e, kindi kwara yebet karuk-nen yurag-o.

TUGURUK YIDNAK WENE 10:8

Nde, ndobo iri bem-nen-e Nagawan Indo-nen-e Lewi nab-e urul pidnak wene labu mbarak iri na konogolat, Nagawan Indo ndegel obogolat, Nagawan Indo unu bem inmbiringgat tak unpugwi wene yogolat, iri kwarurak yabu iri-ge Lewi nap nak enpem pij-o. Nde, Lewi nap nak enpem pid iri na-ge yawo-nen na irit tena worali-o.

TUGURUK YIDNAK WENE 13:6

Kit konowe konowot-nen ala na, kinlirak kwami-nen ala na, ap-nen ala na, konkwerak kinndi kundik-nen ala na, kennggamirak mondok kundik-nen ala na, it-nen nde ap kit kenndam worali nap min erepma worali nap min enmbal pem nagawan nin mbi kit-nen na irit, konmborak-nen na irit kenaru buk iri na ’Erembel wanuwog-o’ luk kuraga kenmengen mbarogola-ge,