1 NAGAWAN NAGAWAN-NEN KWARIDNAK WENE 1:13 - Nanduk Ngget Tul Pidnak Wene

¹³ Kar-e ndag-et nak Nagawan Ndaut eram mburugundik, yak tosolar-e: ’Nagawan kat-nen urul yak norosolat-nen owak mbarosolar-e: ”An nde wat yosola-ge, nondolma-ge kambara Salomo men ma-o”‭ luk yak nirigen na-ge lag-a? Iri na-t nde, yawo-ge noluk-nen Andonia nde nagawan men yusu-o?’ yak ti-o” luk yak tij-o.

1 NAGAWAN NAGAWAN-NEN KWARIDNAK WENE 1:13 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 1:11

Nde, Mbal Pem Nagawan ene lomboksa yoso nap Natan iri na-ge Salomo ija Mbatseba eram mbirij-o. Mberarik, Salomo ija yak tosolar-e: ”Agit ambara Andonia iri-ge Nagawan Ndaut na aru buk worala, ondomok-nen nak nagawan men yusu iri wene-ge kar-e kuligen, lak?

1 NAGAWAN NAGAWAN-NEN KWARIDNAK WENE 1:14

Iri luk, Natan-nen wene erep yosolar-e: ”Kar-e mburugundik, Nagawan Ndaut imin wene yosolat wolmin-o. Yosoma, an nggosolar-e, kat-nen yugun wene iri-ge an-nen amawi rak nak pimin-o” luk yak tij-o.

1 NAGAWAN NAGAWAN-NEN KWARIDNAK WENE 1:17

Yosoloma, Mbatseba-nen yak tosolar-e: ”Nagawan kek tak wa-e. Nagawan Indo Kembal Pem Nagawan unu bem owak mbarosolat-nen an nimin urul yak norosolar-e: ’An nondolma-ge kambara Salomo irit nagawan men ma-o’ luk yak nirigen na-t nde,

1 NAGAWAN NAGAWAN-NEN KWARIDNAK WENE 1:24

Iri luk Natan-nen yosolar-e: ”Nagawan kek tak wa-e. Kat-nen wene wirik posolar-e: ’Andonia-ge an nondolma nagawan men mag-o’ yigenma, lak?

1 NAGAWAN NAGAWAN-NEN KWARIDNAK WENE 1:35

Iri rak purug-e at iri-ge Isarael nap min Yewura nap min tena unpuruk wolmakluk an-nen lenak pidnak me, an nondolma yu me kore makluk nduguluk lobok yurag-o” yak indij-o.

1 NAGAWAN NAGAWAN-NEN KWARIDNAK WENE 1:48

tepan yosolar-e: ’Nagawan Indo Isarael nap-nen kek tak kubugwi Mbal Pem Nagawan wa-e. Kat nak kerembel wanurag-o. Nde, yawo-ge an nambara misik an nondolma kat-nen mendak pigen-o. Kat-nen-e an nambara nagawan men yosola, nerengen-nen kujwakluk, an nuruk wolmomtak tena woraigen-o’ luk tepan yij-o” luk yij-o.

1 NAGAWAN NAGAWAN-NEN KWARIDNAK WENE 2:12

Iri luk wat yamu-ge Salomo iri eid Ndaut ondolma nagawan men yij-o. Nde, Salomo-nen tenagidnak wi-ge sil kudtak meya, tugup lak irit woragij-o. 2:13-46 Ayat ereba arem-e Salomo-nen-e at owe Andonia na-ge nagawan men yurak yoso iri na wirij-o. Iri-nen Ndaut-nen Simei min Yoap min unduwakluk Salomo ebem pidnak iri na indidnak wene min mbarak worasu-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.