ZEPANYA 3:9 - Alkitab Singog In Mongondow Masa In Tanaa

⁹ Táe onda intua baḷuian-Ku in gina in bangusa mita tatua, dá mosia in dongkadon mosambayang kon i-Nakó, bo diá bidon kon ilah mita ibanea. Bangusa mita tatua in komintanbí dumudui kon i-Nakó.

ZEPANYA 3:9 ပူးပေါင်းရင်းမြစ်များ

KINOBAḺIAN 11:1

Dungkuḷmai, bangusa mita kon dunia naa tongábí tobatú in bahasanea bo pososingog monia in komintanbí notongkai.

KINOBAḺIAN 4:26

Ki Set in kogadí kon adí ḷoḷaki inta sinangoian ki Enos. Kon tungkuḷ intuata intau nomangkoidon nonangoi kon tangoi Tuhan aka mosia in mosumba.

MAZMUR 113:3

Nongkon pomukaan modapot in toyopan tangoi i Tuhan in mustibí dayowon.

MAZMUR 22:27

Inta nobiag nobogá in mongaanbí modapot in mobotug; intau inta mamangoi kon i Tuhan in modayowbí kon i-Nia. Igumon mako moiko in umuran mobiag motompia modapot in mononoi!

YESAYA 19:18

Kon tungkuḷ in tua singog in Ibrani in pakéonbí kon bonu in ḻima in kotá in Mesir. Intau mita kon tua mongibot podoyon kon tangoi i Tuhan inta Totok in mokawasa. Kotá tobatú kon sigad in kotá tatua in tangoian “Kotá in Mata in singgai”.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YESAYA 6:7

Iḻiainea in bibigku in baga tatua poḷat nosingog, “Baga tanaa ain noḻiai kon bibigmu. Tanaa in taḷámu ain pinopatan bo dosamu in inampungandon i Tuhan.”

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEHEZKIEL 37:17

Onda intua rangkom korigon in tungkud doyowa tatua modapot in popodnea mita moyoguputdon mobaḻí tungkud tobatú.

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”