ZEPANYA 3:8 - Alkitab Singog In Mongondow Masa In Tanaa

⁸ Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

ZEPANYA 3:8 ပူးပေါင်းရင်းမြစ်များ

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 123:2

Naonda bo ata tobatú mongamang mako kon i tuangnea, bo ata bobay ata mogoḷat mako kon i tuangnea bobay, natuata in kami mogoḷat mako kon ini-Mu, o Tuhan, Allah nami, modapot in Iko monotabi kon inami.

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 37:34

Pongamangdon kon i Tuhan bo duduiaidon in parenta-Nea, dá duíon-Neabí in iko sin mogabat kon butá tatua; iko in mokoontongbí kon poyopúan in intau moraat.

MAZMUR 37:7

Oḷatdon mako in ki Tuhan takin gina moodom, ḷukadaidon mako pokosabar modapot in Sia mopoaid. Dika tumorú popisí in intau inta nokouḻí kon kobiagannea, andeka inta nonompobaḻik.

MAZMUR 62:1

Kon i itoi in mododondong. Podudui in: Yedutun. Mazmur i Daud.

MAZMUR 62:5

Moiko in tongábí niat mopoḷabú kon inia nongkon ḷoḻitúannea inta moḷantud. Moiko in moibog monguboḷ; bibigmu pakéon monimu momarakat, táe kon bonu in gina monimu in mongutukbí.

MAZMUR 79:5

O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?

MAZMUR 79:6

Pobutakdon in torú-Mu kon bangusa mita inta diá nonotaau kon ini-Mu, bo kon dodatuan mita inta diá noibada kon ini-Mu.

AMSAL 20:22

Dikabí mopotuḻí in moraat kon inta moraat; popirisayadon kon i Tuhan, Siabí in motuḷung.

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

YESAYA 14:26

Naa in tomayá-Ku kon dunia; kokaḷ-Ku in noiyopadon sin mohukum kon bangusa mita.”

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YESAYA 34:2

Ki Tuhan in tumorú kon bayongan in bangusa bo bayongan in tontara monia. Hukumon-Neabí bo yopúon in mosia.

YESAYA 63:6

Kon bonu in torú-Ku inta dumoko-dokot, irita-ritakan-Ku in bangusa mita; Iyopú-Ku in mosia, bo dugú monia in pinobutak-Ku kon butá.”

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

HOSEA 12:6

Ki Allah tua in ki Tuhan Inta Totok in Mokawasa. Tangoinea in ki Tuhan. Pinongin tangoi tatuata ibogon-Nea intau moibada kon i-Nia.

YOËL 3:2

Bayongan in bangusa in sipunon-Ku bo diaan-Ku kon Ḷopá Pohohakiman. Bo sisigan-Ku in mosia kon tua popisí in aid monia moraat kon umat-Ku sin mosia in nosila-silaidon mako kon butá in Israel bo umat-Ku in iḷumbú monia kon butá mita in intau ibanea.

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

HAGAI 2:22

dodatuan mita in umpagon-Ku bo kawasa monia in rimumudon-Ku. Kereta mita in parang takin mododianea in tokokaḻintuangon-Ku; bayongan in kabaḷo in matoi bo tumotakoinea in mosiḻimodandon.

MATIUS 25:32

Bo bayongan intau in sipunon kon tayowon-Nea bo poyotontaníon-Nea i mosia naonda gombala mopoyotontaní in domba bo bembé.

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

WAHYU 16:1

Bo akuoi in nokodongog kon singog moḷoben nongkon bonu in Baḷoi Allah noguman kon malaekat pitu tatua, “bayádon bo pobutakdon bonu in palo in torú i Allah inta pitu tanion kon tudu in butá!”

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.