ZEPANYA 3:6 - Alkitab Singog In Mongondow Masa In Tanaa

⁶ Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

ZEPANYA 3:6 ပူးပေါင်းရင်းမြစ်များ

YESAYA 14:26

Naa in tomayá-Ku kon dunia; kokaḷ-Ku in noiyopadon sin mohukum kon bangusa mita.”

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YEREMIA 9:12

Akuoi in noḻibó, “Tuhan, nongonu sin butá tanaa in pinomayábí mako in noḷogat bo noingkag naonda bo padang gurun nodapot in diádon in tumaḻib? Oyúon degá in mopandoi totok sinbá momangaḻe kon naa komintan? Ki ine in pinoginsilangan-Mu sinbá sia in mokopoyaput kon intau ibanea?”

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

ZEPANYA 2:5

Kinutukdon in moiko, ei intau in Pilistin, bangusa inta nogutun kon kinoouput in pintad. Ki Tuhan in nonantúdon kon hukuman kon inimu. Sia in moyopúbí kon i monimu, diábí tobatúmai in nongkon sigad monimu in kotaḻiban.

ZAKHARIA 7:14

Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”

MATIUS 23:38

Tuamai in diádon takinan i Allah in moiko.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

KORINTUS 1 10:6

Tua komintan in nobaḻíbí contoh kon i naton, mopotorop kon bá donaai in kita mogaid kon inta diá mopia ná inaidan monia.

YOSUA 23:4

Butá mita in bangusa inta kinotaḷáanpa, ná doman tua in butá in bayongan bangusa inta ain sinaḷowku, tuata in butá inta nosimbanat nongkon dotá in pomukaan kon Ongkag in Yordan nopobayá ná toyopan nodapot kon Dagat Toyuak, bayongan intua aindon sinilaiku kon inimu sin mobaḻí kapunyaanmu.