ZEPANYA 3:20 - Alkitab Singog In Mongondow Masa In Tanaa

²⁰ Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki Tuhan in nosingogdon.

ZEPANYA 3:20 ပူးပေါင်းရင်းမြစ်များ

MAZMUR 35:6

Biódon mako in mosia duduran in malaekat i Tuhan kon daḷan inta nosindip bo norondog.

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 56:8

Nanaa in guman i Tuhan Inta Totok in moḷantud inta nogatod kon Israel nobui nongkon pinoḷumbúan, “Akuoi in modiabí kon intau ibanea sin dumugang takin monia inta ain notonsipun.”

YESAYA 60:15

Iko in diá bidon taḷaan bo indoíon, bo diábí pomayá mako in mobaḻí moingongow. Iko in baḻíon-Ku mokosanang kon i-Nakó inta mononoi, tampat mokopoḷunganga modapot in kopaḷutannea.

YESAYA 61:9

Buímu in ponango-nangoianbí kon bayongan in tampat, kotaauan kon sigad in bangusa mita. Dá bayongan in intau inta mokoontong kon inia in mongakubí kon bangusa tanaa in binarakatan-Ku.”

YESAYA 62:12

Mosia in tangoionbí: ‘Umat motusi’; ‘Umat inta pinosaḷamat i Tuhan’. Yerusalem in tangoiondon ‘Kotá inta dinondouḷugan i Tuhan’, ‘Kotá inta diá bidon sinaḷáan i Tuhan’.

YESAYA 62:7

Mosia in diábí motaau in mopomayá mako in Sia tongá kibio-biómai kon dodai in Sia diápa moposindog bui in Yerusalem bo mopobaḻí ponango-nangoian kon sinangkub in dunia.

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

YEREMIA 29:14

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki Tuhan, ain nosingog.’

YEREMIA 30:3

Sin moiangoibí in wakutunea Akuoi mopoguḻit bui in kaadaan in umat-Ku Israel bo Yohuda. Diaan-Kubí bui in mosia mayá in butá inta ain inogoi-Ku kon mogoguyang monia. Butá tatua in buibí mouḻí monia. Akuoi, ki Tuhan, ain nosingog.”

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

YEHEZKIEL 16:53

Ki Tuhan in noguman kon Yerusalem, “Sodom bo Samaria takin ḻipú mita monia in baḻíon-Kudon bui mobiag motompia. Mopaḷut mako kon tua bo baḻíon-Ku domandon in iko mobiag motompia doman.

YEHEZKIEL 28:25

Ki Tuhan Inta Totok in moḷantud in noguman, “Sipunon-Kubí in intau mita in Israel nongkon butá mita moyayú kon tampat inta ain pinoporaritan-Ku kon i monia, bo bayongan in bangusa in monotaaudon kon Akuoi in motusi. Bangusa in Israel in mogutunbí bui kon butá monia tontaní, butá inta ain inogoi-Ku kon mogogundoi-Ku ki Yakub.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 37:12

Tuamai in ponoḷanowdon kon umat-Ku Israel tatua kon Akuoi, ki Tuhan Inta Totok in moḷantud in momukatbí kon pinoḷobongan kon i monia. Akuoi in mopoḷuaibí kon i monia nongkon tua bo mopobui kon i monia kon butá in Israel.

YEHEZKIEL 37:21

Bo poguman kon i monia kon Akuoi, ki Tuhan Inta Totok in moḷantud in mogamábí kon bayongan in bangusa-Ku nongkon butá mita inta binayáan monia. Mosia in sipunon-Kubí bo diaan mobui kon butá monia tontaní.

YEHEZKIEL 39:13

Bayongan in intau kon butá tatua in moduḷubí moḷobong; bo podoyon kon oaidan monia tatua dá mosia in mokouḻídon kon tombuinag kon singgai popountungan-Ku. Akuoi, ki Tuhan Inta Totok in moḷantud ain nosingog.

YEHEZKIEL 39:28

Dá kotaauandon in umat-Ku kon Akuoibí in ki Tuhan Allah monia. Sin Akuoibí inta nokidia kon i monia pinobayá in pinoḷumbúan, táe Akuoibí doman inta nodia kon i monia nobui kon butá monia tontaní, takin diábí nonaḷámai kon tobatúmai in intau nongkon i monia kon tua.

YOËL 3:1

Ki Tuhan in noguman, “Kon singgai tatua Yerusalem bo Yohuda in poguḻiton-Ku in kobiagannea motompia.

AMOS 9:14

Baḻíon-Kubí in umat-Ku Israel mobiag motomoman bui. Mosia in buibí moposindog in kotá mita monia inta ain noumpag, bo mogutundon in mosia kon tua. Mosia in buibí momuḷa kon gobá mita in anggur, bo monginum kon anggurnea. Mosia in monompinomuḷa, bo mokaan kon bungai in boyónea.

MIKHA 2:12

Ki Tuhan in noguman bui, “Ei umat in Israel inta ki agatneapa! Moiko in notantúbí kon sipunon-Ku bo tobatúon naonda bo domba inta mobui mangoi kon ḷantungnea. Naonda bo rawang in bonok inta nopuḻing in domba, natua doman in butámu in mopuḻingdon bui in intau mobayong.

MIKHA 4:7

Mosia in pinotungkudon bo noyayúdon nongkon ḻipúnea tontaní. Táe, nongkon intau mita inta kiagatnea tatua baḻíon-Kudon in buí inta mobagu. Mosia in mobaḻídon bangusa inta moḷoben bo moropot. Akuoi in momarentabí kon i monia kon Tombuḷud in Sion modapot in mononoi.”

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

ZEPANYA 3:19

Moiangoibí in orasnea kon monondorotmu rimumudon-Ku, bo intau nopelong posaḷamaton-Ku; bayongan in intau inta iḷumbú kapiton-Ku mobui. Koyoyempeng monia baḷuian-Ku mobaḻí kahoromatan; kon ondakabí, nodapot in kon sinangkub in butá, mosia in pomuliaanbí bo dayowon.

ZAKHARIA 8:13

Ei intau in Yohuda bo Israel! Kon tungkuḷ intua, aka intau ango-angoi mosikutukandon, yo mosia in moguman, ‘Igumon mako bodito inta noiuma kon Yohuda bo israel in moiuma doman kon inimu!’ Táe Akuoi in moposaḷamatbí kon i monimu, dá intau mita ango-angoi tatua in mosigumanan, ‘Igumon mako barakat inta moiponag kon Yohuda bo Israel, moiponag doman kon inimu!’ Tuamai in koropotdon in ginamu bo dika moondok!”

ZAKHARIA 8:8

bo modia bui kon i monia nongkon pomukaan bo nongkon toyopan, dá mosia in mogutun kon Yerusalem bui. Mosia in mobaḻí umat-Ku bo Akuoi in ki Allah monia. Akuoi in momarenta kon i monia takin satia bo moadil.”

MALEAKHI 3:12

Dá moiko in tangoion bidon in bayongan intau moḷunganga, sin butámu mobaḻí tampat inta totok in mopia pogutunan.”

ULANGAN 26:18

Singgai in naa ki Tuhan motarima kon i monimu mobaḻí umat-Nea tontaní, ná inta pinodandi-Nea kon inimu, bo Sia in nomarenta kon inimu mogaid kon bayongan in parenta-Nea.

ULANGAN 26:19

Ki Tuhan momaḻíbí kon i monimu moḷoben-ḷoben nongkon bayongan in bangusa ibanea inta ain binaḻí-Nea, bo moiko in dayowonbí bo horomaton. Moiko in mobaḻí umat i Tuhan Allahmu ná inta pinodandi-Nea.”