ZEPANYA 3:2 - Alkitab Singog In Mongondow Masa In Tanaa

² Moboditodon in kotá inta doí motarima kon tompoingat i Tuhan, bo doí doman mopandungmai kon toboḷow-Nea mita, bo inta diá moposarakan in ukurnea kon i Tuhan, bo dia mokituḷung kon i-Nia!

ZEPANYA 3:2 ပူးပေါင်းရင်းမြစ်များ

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 50:17

Sin iko in doí mokidongog kon toboḷow-Ku, bo mondoí kon parenta-Ku mita.

MAZMUR 73:28

Táe aka kon inakó yo totuubí kon mopia in kon diug i Allah, Tuhan Allah in baḻíonku pononiunganku, sinbá motaau in akuoi mopotaa-taau mako in bayongan inta inaidan-Nea.

MAZMUR 78:22

sin diá mopirisaya in mosia kon i Allah, kon kawasa-Nea inta mokosaḷamat kon i monia.

AMSAL 1:7

Sinbá mokouḻí kon pongotahuan inta mopia, yo muna-munamai intau in musti mohoromat bo motoguondok kon i Tuhan. Intau bodok in diábí mohoromat kon hikmat bo doí tundúon.

AMSAL 5:12

Bo iko in moguman, “Ah, nongonu sin akuoi in doíbí kon tonggina? Nongonu sin akuoi in doíbí sinoboḷow?

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 43:22

Ki Tuhan in noguman, “Táe iko Israel, diá nosumba kon i-Nakó, bo diádon nogundoi kon i-Nakó.

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YEREMIA 13:25

Tuata in ukurmu inta ain sinantú-Ku popisí in moiko ain nokoḻiong kon i-Nakó, bo nopirisayadon kon ilah mita diá totuu.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 22:21

Akuoi in nosingogdon kon inimu kon dodai in kaadaanmu mopiapa, táe moiko in doí mokidongog. Memang natuabí in gogutúmu nongkon dungkuḷmai dapot in tanaa mako; diábí kon dodai in onda in motoindudui kon i-Nakó.

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

YEREMIA 35:17

Tuamai, Akuoi, ki Tuhan Inta Totok in mokawasa, Allah in Israel, in mopoangoibí kon i monimu – intau in Yohuda bo Yerusalem – bayongan in bodito inta ain sinantú-Ku kon i monimu, ná inta ain pinoguman-Ku. Tua in inaidan-Ku popisí in moiko in doí mokidongog aka Akuoi mosingog kon inimu, bo moiko in doí tumubag kon dodai in Akuoi mogoiní kon i monimu.”

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEHEZKIEL 22:24

“Ei intau ilo-ilow, poguman kon intau in Israel kon butá monia in nonajis, tuamai in sinumorú in Akuoi bo nohukum kon inia.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

TIMOTIUS 2 3:16

Komintan inta pinais kon Buk Motusi inta ain pinoporoho i Allah in baragunabí totok pakéon motundú kon inta mobanar, bo mopoyotutui doman kon onu inta noitaḷá, pakéon doman motundú kon intau, sinbá mobiag moiduduidon kon inta kinoibog i Allah.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.