ZEPANYA 3:18 - Alkitab Singog In Mongondow Masa In Tanaa

¹⁸ Popisí in moiko, dá nodondong in Sia takin pia in gina naonda bo intau inta koyogot in nononbobutungan.” Guman i Tuhan, “Bodito inta nongancam kon i monimu inggamáan-Ku bidon. Koyoyempengmu in popatan-Kudon.

ZEPANYA 3:18 ပူးပေါင်းရင်းမြစ်များ

MAZMUR 43:3

Poniatadon in kososatia-Mu sin monindar bo mokapit kon inakó, sinbá akuoi in mobui mayá in Sion, tombuḷud-Mu inta motusi bo mayá in Baḷoi pogogutunan-Mu.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

OMBAḶ 1:7

Naonda in norumbun bo nororiga, Yerusalem in nokotorop kon singgainea dungkuḷmai, kon dodai in nobarongpa in kapunyaan; bo naonda in kinoḷoḷabú in intaunea kon bonu in kawasa in musung, bo diá tobatúmai in intau in namangoi notuḷung. Saturunea mita in tongábí kinumosing in nokoontong kon kinorumbunannea.

YEHEZKIEL 34:13

Poḷuaion-Kudon in mosia nongkon yua-yuak in bangusa mita bo nongkon butá mita in intau, bo sipunon-Ku pobayá in butánea tontaní. Mosia in ḷukadan-Ku bo pokaanon kon buḷud mita bo kon ḷopá mita in Israel bo diaan-Ku in mosia kon rawang mita in bonok inta moodom.

YEHEZKIEL 36:24

Nongkon batúan in bangusa bo butá, moiko in sipunon-Kubí bo popobui-Ku kon butá monimu tontaní.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!

HOSEA 9:5

Kon singgai mita moḷoben in agama sin mohoromat kon i Tuhan, moiko in diábí mokopogaid kon onu bo onu sin morame kon tua.

ZEPANYA 3:20

Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki Tuhan in nosingogdon.