ZEPANYA 2:7 - Alkitab Singog In Mongondow Masa In Tanaa

⁷ Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

ZEPANYA 2:7 ပူးပေါင်းရင်းမြစ်များ

KINOBAḺIAN 50:24

Gumannea kon i utatnea mita, “Wakutuku matoi nodiugdon, táe ki Allah pastibí kon umuranbí moḷukad kon i monimu bo modia kon i monimu ḷumuai nongkon butá tanaa, bo mayá in butá inta ain pinodandi-Nea takin nongibot kon i Abraham, kon i Ishak bo kon i Yakub.”

MAZMUR 80:14

Boké in kayuon moranut modapot in mogoguyaat, bo mahaḷuk kon rawang mokaan kon tua.

MAZMUR 85:1

Kon i itoi in mododondong. Mazmur i inanakan i Korah.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 11:14

Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 32:14

Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

YEREMIA 29:14

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki Tuhan, ain nosingog.’

YEREMIA 3:18

Israel in dumugangdon kon Yohuda, bo moyotakindon mamangoi nongkon butá pinoḷumbúan kon dotá in utuan. Mosia in mobuidon kon butá inta ain inogoi-Ku nobaḻí butá kapunyaan kon mogoguyangmu.”

YEREMIA 30:3

Sin moiangoibí in wakutunea Akuoi mopoguḻit bui in kaadaan in umat-Ku Israel bo Yohuda. Diaan-Kubí bui in mosia mayá in butá inta ain inogoi-Ku kon mogoguyang monia. Butá tatua in buibí mouḻí monia. Akuoi, ki Tuhan, ain nosingog.”

YEREMIA 31:7

Ki Tuhan in noguman, “Podondongdon takin ḷunganga in gina kon i Israel, umat-Ku – bangusa inta pinoḷontú nongkon bayongan in bangusa. Podondongdon in dondong dodayow, bo potaaudon ‘Ki Tuhan ain noposaḷamat kon i inta ki agat in umat-Nea.’

YEREMIA 32:44

Surat totaḷuiannea in tekengonbí, bo kompitan in segel, bo irigonan in sakusi mita. Tua in mobaḻíbí kon butá in Benyamin, kon ḻipú mita kon diugmai in Yerusalem, kon kotá mita in Yohuda, kon kotá mita kon butá mita kon buḷud, kon butá kon siḻigonmai in buḷud, bo kon Yohuda toḷatan. Bangusa tanaa in tompiaan-Kubí bui in kaadaannea kon butá tanaa. Akuoi, ki Tuhan, ain nosingog.”

YEREMIA 33:12

Ki Tuhan Inta Totok in mokawasa in noguman, “Butá bo kotánea mita inta ná padang gurun tanaa diá inutunan in intau andeka mahaḷuk. Táe umpaka natua, kon singgai moiduduimai oyúonbí in rawang mita in bonok tampat popokaanan in intau kon dombanea mita.

YEREMIA 33:7

Yohuda bo Israel in baḻíon-Ku ponango-nangoian ná dungkuḷmai bo mosia in simindogbí bui mobaḻí umat-Ku.

YEREMIA 47:5

Intau in Gaza kinoantugan in robonoḷ in gina moḷoben; intau inta kon Askelon in kibio-biómaidon. Modapot in toonu intau in Pilistin inta oyúonpa umuran mononogumatoi?

YEHEZKIEL 39:25

Ki Tuhan Inta Totok in moḷantud in noguman, “Táe tanaa Akuoi in motabi bidon kon umat-Ku Israel buí i Yakub, bo baḻíon-Ku bui in mosia mobiag motompia. Tua in aidan-Ku sinbá tangoi-Ku umuran horomaton.

HOSEA 6:11

Soaḷ moiko, ei intau in Yohuda, Sinantú-Ku domandon in wakutunea mohukum kon i monimu popisí in oaidmu.”

OBAJA 1:19

Intau mita in Yohuda Toḷatan in ḻimitúbí kon Edom. Intau mita nongkon tombuḷud kon dotá in toyopan in monaḷowbí kon butá in Pilistin. Suku in Benyamin in mongawasabí kon Gilead, bo Israel umat-Ku in mongawasa kon sinangkub in Epraim bo Samaria.

MIKHA 2:12

Ki Tuhan in noguman bui, “Ei umat in Israel inta ki agatneapa! Moiko in notantúbí kon sipunon-Ku bo tobatúon naonda bo domba inta mobui mangoi kon ḷantungnea. Naonda bo rawang in bonok inta nopuḻing in domba, natua doman in butámu in mopuḻingdon bui in intau mobayong.

MIKHA 4:10

Ei intau mita in Yerusalem, pomaḻikotadon bo karakdon naonda bo bobay inta mononggadí! Sin, tanaa moiko in mustibí monaḷámai kon kotá bo mogutun kon rawang. Moiko in mustibí mayá in Babel, táe kon tua poḷuatonbí i Tuhan in moiko nongkon musungmu mita.

MIKHA 4:7

Mosia in pinotungkudon bo noyayúdon nongkon ḻipúnea tontaní. Táe, nongkon intau mita inta kiagatnea tatua baḻíon-Kudon in buí inta mobagu. Mosia in mobaḻídon bangusa inta moḷoben bo moropot. Akuoi in momarentabí kon i monia kon Tombuḷud in Sion modapot in mononoi.”

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”

ZEPANYA 3:13

Intau in Israel inta kiagatnea, diá bidon mogaid bui kon inta moraat kon i inekabí; mosia in diá bidon monguboḷ bui bo diá bidon bui mongakaḷ. Mosia in mobiag bidon motomoman bo motompia, bo diá bidon angoian in ondok kon i inekadon.”

ZEPANYA 3:20

Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki Tuhan in nosingogdon.

HAGAI 1:12

Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.

HAGAI 2:2

Ki Tuhan in nopotabá kon i Hagai noyosingog i Gubernur Zerubabel, i Imang Moḷoben ki Yosua, takin rayat sin mopotaau in koyow tanaa,

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

OUMAN IN RASUL MITA 8:26

Tobatú malaekat i Tuhan in noguman kon i Pilipus nanaa, “Pobuatdon! Bayádon kon dotá in toḷatan daḷan mongin Yerusalem mopobayá in Gaza.” Moingongow totok in daḷan tatua.

OUMAN IN RASUL MITA 8:40

Indoianmai yo kon Asdod bidon in ki Pilipus. Bo kon dodai in sia nogingguput kon bobayáannea tatua, sia in umuran doman mopoyaput in Habar Mopia soaḷ ki Yesus kon kotá-kotáannea noiyaput kon Kaisarea.

SURAT I PAULUS KON JAMAAT RUM 11:5

Natua doman in mobaḻí tanaa mako: Oyúonpa doman topiḻik in intau mita inta ain piniḻí i Allah sin barakat-Nea.

RUT 1:6

Diá noonggot kon kinopatoian mako in buḷoi bo adínea inta doyowa tua kino dongogandon i Naomi kon ki Tuhan in nomarakatdon kon umat in Israel takin nobogoi in bungai in boyó inta mopia. Tuamai in ki Naomi bo mototakanea doyowa in nonoḻisídon sin monaḷámaidon kon Moab.