ZEPANYA 2:3 - Alkitab Singog In Mongondow Masa In Tanaa

³ Angoidon bui kon i Tuhan, ei bayongan intau inta moompá in dodia kon butá tanaa, bo bayongan in intau inta dinumudui kon parenta-Nea mita. Pogaidon kon onu inta kinoibog i Tuhan, bo pokoompádon kon dodia kon tayowon-Nea. Dika-dika bo iko in moisimparut nongkon hukuman kon singgai ki Tuhan mopoontong in torú-Nea.

ZEPANYA 2:3 ပူးပေါင်းရင်းမြစ်များ

SAMUEL 2 12:22

“Oo,” tubag i Daud, “totuubí kon akuoi in nopuasa bo nongombaḷ kon dodai in adí tatua nobiagpa sin akuoi in norai: degá bo totabionpabí i Tuhan in akuoi bo ogoi-Neapa in adí tatua mobiag.

MAZMUR 105:4

Poigumdon kon ropot nongkon i-Nia, umurandon sumba in Sia.

MAZMUR 149:4

Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 45:4

Pogabitdon in kedangmu kon ogotan, ei datu inta motorindog, iko in totok in momulia bo motaingkat!

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

MAZMUR 76:9

Nongkon ḷangit Iko moponiata in onu in sinantú-Mu; butá moondok bo kibio-biómai.

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

IḶUAIAN 12:27

Moiko in musti motubag, ‘Naa in kuruban in Paska sin mohoromat kon i Tuhan, sin baḷoi mita intau Israel kon Mesir sinaḻiban-Nea, kon tungkuḷ in sia noḻimod kon adí mita guya-guyang intau in Mesir, bo kita in pinomayá-Neadon mako in nobiag!’ ” Dá dinumokódon intau mita Israel bo nosumba.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

YESAYA 1:17

pobalajardon mogaid kon inta mopia. Posindogdon in inta moadil bo ḷumbúdon in aid mondorot; ogoidon kon uno-unon in hak monia bo duḷuai in pelekara in boba-bobay mita.”

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEREMIA 39:18

Iko in diábí ḻimodon, sin Akuoi in moposaḷamatbí kon inimu. Nyawamu in mosaḷamatbí sin iko in inumandoḷ kon i-Nakó. Akuoi ki Tuhan, ain nosingog.”

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

YEHEZKIEL 13:5

Mosia in diábí noḷukad kon tampat mita inta dinding mita in kotá ain noumpag, bo diá doman nonompia kon dinding mita tatua. Dá, Israel in diá bidon motaau tahangon aka mobaḻí in parang kon singgai Akuoi, ki Tuhan mamangoi mohukum.

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

HOSEA 7:10

Koḷoḷoḷatú in bangusa in Israel koontongandon totok bo nobaḻí tomponuot kon taḷá monia. Umpaka tua komintan ain nobaḻí, mosia in diábí doman notayak kon i-Nakó andeka mobui mangoi kon i-Nakó, ki Tuhan Allah monia.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

ZAKHARIA 8:19

“Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”

MATIUS 5:5

Pia in kamang in intau inta moaḷus in oaid bo pososingog sin mosia tua i motarima kon dandi i Allah.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 1 4:10

Bo tua komintan aindon pinoontong monimu kon bayongan utat inta kon Makedonia. Táe, tantúbí tongginaan nami in moiko sinbá modugang motompia in kobobiag monimu.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus