ZEPANYA 2:2 - Alkitab Singog In Mongondow Masa In Tanaa

² kon dodai in moiko diápa moḷaḷow bo moingkag naonda bo bungang! Koinsapdon kon dodai in diápa moiangoi in singgai torú i Tuhan, bo moiko in kotugatan in torú i Tuhan inta mopodoko-dokot tatua.

ZEPANYA 2:2 ပူးပေါင်းရင်းမြစ်များ

AYUB 21:18

Nokoimontandon degá in mosia naonda bo wawa bo ḷobud inta inirup in deḷang bo tompot?

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YEREMIA 23:20

Torú-Nea in diábí mooyong aka diápa mobaḻí in inta sinomayá-Nea motuoi. Kon singgai moiduduimai umat i Tuhan in momangaḻebí totok kon tua.”

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

OMBAḶ 4:11

Ki Tuhan in nopoumadon in torú-Nea bo nonurub kon kotá in Sion nodapot in noyompat dapot in butá.

YEHEZKIEL 12:25

Akuoi, ki Tuhan Inta Totok in moḷantud in mosingog kon bangusa in Israel, bo bayongan inta siningog-Ku in notantú bidon kon mobaḻí, bo diá bidon baḷú-baḷuian bui. Indongogaidon, ei intau mita momomarontak! Tungkuḷ in nobiagpa in iko yo aidan-Kudon in bayongan inta pinotoingat-Ku kon inimu. Akuoi, ki Tuhan Inta Totok in moḷantud ain nosingog.”

HOSEA 13:3

Tuamai in intau mita tatua in moinggamábí naonda bo topuot andeka oḷú doḷo-doḷom. Mosia in mobaḻídon naonda bo ḷobud in baḻeká inta inirup in tompot kon poḷoḻintogan kon gandum, bo naonda bo poyok inta iḻumuai nongkon bubú in poyok.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

MATIUS 24:35

Ḷangit bo butá in moyoyangbí, táe singog-Ku naa in mononoibí.”