ZEPANYA 1:9 - Alkitab Singog In Mongondow Masa In Tanaa

⁹ Akuoi in mohukumbí kon bayongan in intau noibada naonda bo intau inta diá nonotaau kon i-Nakó, bo inta nonakow poḷat noḻimod sin momonu kon baḷoi i tuang monia takin pakakat mita inta inagow.”

ZEPANYA 1:9 ပူးပေါင်းရင်းမြစ်များ

NEHEMIA 5:15

Gubernur mita inta noiuna kon inakó in nokodugangdon kon roriga in rayat sin mosia in monuntut kon opat nopuḷú in doit saḷaka in tosinggai sin pakéon kon pongaanan bo anggur. Moidapot doman in pogawai mita monia in mondorot kon rayat. Táe akuoi in doíbí mogaid kon natua sin moondok in akuoi kon i Allah.

AMSAL 29:12

Aka mongongawasa mokidongog kon habar uboḷ, pogawainea in mobaḻíbí moraat komintan.

YEREMIA 5:27

Naonda bo moḷoḷutam kon ḷagapan in mobonu kon ḷagapan kon kobangnea, natua doman in mosia momonu kon baḷoi monia in pakakat mita inta nouḻí monia pinodoyon kon uboḷ. Natuata mosia in nobaḻí nongawasa bo nooyúon

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

ZAKHARIA 5:6

“Onu intua?” iḻibóku. Tubagnea, “Karansi tobatú. Tuata in lambang in dosa nongkon sinangkub in butá tanaa.”

OUMAN IN RASUL MITA 16:19

Naonda in bobay mita inta pinobantungan in bobay mononoḻindap tatua nokotaaudon kon diádon in kasampatan monia mokouḻí kon doit mobayong, dá dinomok monia in ki Paulus bo ki Silas bo dinia monia pinobayá in pasar pinotayow kon mongongawasa kon tua.

HAKIM MITA 19:27

Doḷo-doḷom tua, naonda in ki buḷoinea ḷoḷaki nobangon bo nomukatdon kon ḷoḻingkop sin mayádon, inontongnea in ki buḷoinea tatua noisiugdon mako kon tayowon in baḷoi takin noikadai mako kon ḷoḻingkop.

SAMUEL 1 5:5

Tuamai, nodapot in singgai naa imang mita in dewa Dagon bo bayongan intau inta morosumba kon dewa tatua kon Asdod ḷumampang kon muna in ḷoḻingkop in kuil Dagon tatua bo diá rimitak.)