ZEPANYA 1:7 - Alkitab Singog In Mongondow Masa In Tanaa

⁷ Singgai i Tuhan in nodiugdon, kon singgai tatua oyúonbí in pomiaan i Allah; tuamai in kibio-biómaidon kon tayowon-Nea. Ki Tuhan in nosadiadon momatoi kon umat-Nea naonda bo kuruban sosumba bo Sia in nogoinídon kon musung mita in Yohuda.

ZEPANYA 1:7 ပူးပေါင်းရင်းမြစ်များ

AYUB 24:1

Nongonu sin ki Allah in diábí nonantú kon singgai pohakiman, sinbá intau mita inta nonotaau kon i-Nia in mokouḻí kon koadilan?

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

YESAYA 13:3

Ki Tuhan ain nogoiní kon intau mita inta ain sinokopiḻí-Nea. Mosia in motorindog, mopirisaya kon ropot monia bo motaau pongata. Ki Tuhan in nopotabá kon i monia mohukum kon intau mita inta kinotugatan in torú-Nea.

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 29:2

Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú.

YESAYA 34:5

Ki Tuhan ain nosadia kon pitow-Nea kon soroga, bo tanaa pitow tatua in moiantug kon bangusa in Edom inta ain pinopoḷabúan in hukuman bo yopúondon.

YESAYA 34:6

Pitow i Tuhan in mototuyúdon in dugú bo mopuḻingdon in ḷongó monia, naonda bo dugú bo ḷongó in mahaḷuk kuruban. Sin ki Tuhan in moposadiadon in kuruban kon Bozra, bo mogaid kon poyopúan moḷoben kon butá in Edom.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YEREMIA 46:10

Táe akuoi, ki Yeremia in noguman kon naa in singgai i Tuhan Inta Totok in moḷantud bo mokawasa; kon singgai tatua Sia in notuḻí kon bayongan in musung-Nea. Pitow-Nea in mokaanbí kon i monia modapot in mobotug, bo monginum kon dugú monia modapot in moguḻí. Singgai naa ki Tuhan Inta Totok in mokawasa, noratá kon kuruban-Nea mita kon utuan, kon bingkí in Ongkag in Eprat tatua.

YEHEZKIEL 7:10

Singgai koboditoan in bangusa in Israel in noiangoidon. Aid motogat in mongawasa. Koḷoḷatúan in motompodon.

YEHEZKIEL 7:7

Bayongan in yagi-yagi ain nopaḷut kon inimu, ei bangusa mita inta nogutun kon butá tanaa. Tanaa in diá bidon in rame mita kon mezbah mita kon buḷud, dongka bidon kotombaukan in oyúon.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

YOËL 2:11

Singog i Tuhan naonda bo gotup, nobogoi in tomponuot, kon tontaranea inta moparang. Totuu modamaḷ in tontaranea! Totuu moropot in tontara inta nopobayá in parenta-Nea! Totuu mokoondok bo motoyang in Singgai i Tuhan! Diá tobatúmai in intau in mokotongod kon koangoian in singgai i Tuhan tatua.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

AMOS 6:10

Intau tobatú inta kon motoḷuadían inta monoḻisí kon poḷobongan kon inia, in mamangoibí bo modia ḷumuai kon mayat in ginaḷumnea. Sia in momaḷúbí kon intau inta kon tumimai in baḷoi tatua, “Oyúonpa degá in nobiag koḻikud in iko?” Dá kodongogandon in tubag moguman, “Diá!” Tombonu in motoḷuadí inta pinoki ḷobongan tatua in moguman, “Dikadon mosingog bui! Kita in diábí motaau in monangoi kon tangoi i Tuhan.”

AMOS 8:3

Kon singgai tatua dondong mita kon komaḻig in mobaḻídon ombaḷ. Kon bayongan in tampat moyotapatdon in mayat inta ain iḷumbú inumuni-uni mako.”

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

ZEPANYA 1:14

Singgai pohakiman i Tuhan in nodiugdon, oo totokdon in nodiug, sedang bo ḷagi bidon moiangoi. Singgai tatua in nopuḻing in robonoḷ in gina, nodapot in tontara mita inta totok in motorindogpa in kumokowbí totok popisí in kobuḻiandon in kamang!

ZAKHARIA 14:1

Singgai pohakiman i Tuhan in nodiugdon. Dá Yerusalem in pogagowanbí, bo onu in kinoagowan tatua silaionbí kon tayowonmu.

ZAKHARIA 2:13

Kibio-biómaidon in moiko komintan kon tayowon i Tuhan! Sin Sia in nobuatdon nongkon tampat pinogutunan-Nea kon soroga.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 22:4

Sia in nopotabá bui kon bobantungnea mita ibanea, takin koyow, ‘Pogumandon kon intau mita inta ain sinoko oiní tatua: Kon bayongan kaanon aindon sinadiaku. Sapi mita koḷakian, bo biag inta sinokopiaraku aindon iratá. Bo komintan tua aindon sinadia kon meja. Angoidon in rame ponikaan i adíku singgai in naa!’

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

SURAT I PAULUS KON JAMAAT RUM 9:20

Táe, Utat! Iko in tongábí intau ilo-ilow, bo iko in diábí mokobaḻí momayow kon i Allah! Pot in bungang motaau degá in moḻibó kon intau inta nomia kon inia, “Nongonu sin inaidanmubí nanaa in akuoi?”

PILIPI 4:5

Pomayádon mako bá ontongondon in bayongan intau in oaidmu inta mopia in gina. Sin diádon moonggot ki Tuhan in mamangoi.

KOLOSE 1:12

bo diá doman mokoḻiong in mosukur kon i Amá, sin ki Amá tua in nopopatus motarima kon onu inta sinadia i Allah kon umat-Nea inta nobiag kon bonu in bayag.

SAMUEL 1 16:5

Tubag i Samuel, “Oo, totuu. Akuoi in mamangoi sin moposumba in kuruban kon i Tuhan. Dá potusidon in awakmu sinbá motaau dumudui kon upacara pobogoian kon kuruban tatua.” Ki Isai bo ki adínea mita in pinoki tusiannea doman in awak monia kon batúannea, bo inoinínea kon upacara tatua.

SAMUEL 1 20:26

Táe ki Saul in tongábí kibio-biómai in singgai tua, sin irainea, “Oyúon degá in nobaḻí kon inia, dá sia in diá notusi podudui in agama.”