ZEPANYA 1:16 - Alkitab Singog In Mongondow Masa In Tanaa

¹⁶ Kinoouput in singgai tatua kodongogan singog in torompet bo kokow in parang nongkon intau mita mopoparang inta nonubu kon kotá mita inta sinokodinding bo oyúon in ḷangkeang mita poḷoḷukadan inta mongoḷantud.

ZEPANYA 1:16 ပူးပေါင်းရင်းမြစ်များ

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 32:14

Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.

YESAYA 59:10

Kami in mongokap naonda bo intau bilog; kon noutu in singgai kami in moipintud naonda bo moonggot kon doḷom; kon yuak in intau nobiag kami in naonda bo intau minatoi.

YEREMIA 6:1

Bayádon poḷagui, ei intau mita in Benyamin! Taḷaaidon in Yerusalem! Irupdon in torompet kon Tekoa, bo poyongkitdon in tuḷú tomponuot kon Bet-Kerem! Bodito bo roriga moḷoben in mongindoyó nongkon utuan.

YEREMIA 8:16

Musung in kon kotádon in Dan; kurik in kabaḷo in kodongogandon, bo sinangkub in butá noondokdon. Musung in namangoi sin morimumud kon sinangkub in butá naton, bo kotá doman naton bo bayongan in intau inta nogutun kon tua.”

YEHEZKIEL 7:7

Bayongan in yagi-yagi ain nopaḷut kon inimu, ei bangusa mita inta nogutun kon butá tanaa. Tanaa in diá bidon in rame mita kon mezbah mita kon buḷud, dongka bidon kotombaukan in oyúon.

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

YOËL 2:1

Irupdon in torompet, posingogdon in tomponuot in anib kon tombuḷud in Sion inta motusi, pinogutunan i Allah. Kourotdon, ei intau in Yohuda! Sin Singgai i Tuhan in nodiug bo ḷagidon moiangoi.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

HABAKUK 3:6

Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

ULANGAN 28:52

Mosia in monububí kon bayongan kotá kon butá inta inogoi i Tuhan Allahmu kon inimu dá dindingnea mita inta moḷantud bo kinoropot inta binaḻí monimu ḷamboi tua in mouuibi.

YOSUA 6:20

Bo imang mita nogirupdon kon torompetnea. Bo naonda in kinodongogan in intau mita in Israel in torompet tatua, mosia norogiow noropot totok, bo dinding in kotá in Yerikho norumbun. Bayongan in tontara in Israel baḷúdon noponik, bo sinumuot in kotá tatua bo nogagow.