ZEPANYA 1:13 - Alkitab Singog In Mongondow Masa In Tanaa

¹³ Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”

ZEPANYA 1:13 ပူးပေါင်းရင်းမြစ်များ

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YEREMIA 15:13

Ki Tuhan in noguman kon inakó, “Akuoi in mopotabábí kon musung sin mogakut kon kaoyúonan bo kapunyaan in umat-ku nobaḻí hukuman kon dosa mita inta ain inaidan monia kon sinangkub in butá.

YEREMIA 17:3

bo kon buḷud mita kon ḷuai in kotá. Sin bayongan in tampat pososumbaan kon berhala inta ain pinosindog monimu kon sinangkub in butá bo popisí in bayongan dosa inta ain inaidan monimu, dá baḻíon-Ku in musungmu mita mogakut kon bayongan in kapunyaan bo kaoyúonanmu.

YEREMIA 4:20

Bodito in mamangoi diá moobo-obot morimumud kon sinangkub in butá. Daḻídon in ḷoḷaiganku pinoguyaat, daingnea mita in binisi-bisí.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 5:17

Mosia in mokopodaitbí kon bungai in boyó bo kaanonmu poḷat moḻimod kon i adímu mita. Biag sapi bo dombamu in ratáanbi monia, bo gobá mita in anggur takin pangkoi mita in aramu in tokoyompatonbí monia. Kotá mita inta dininding inta pongata monimu in rimumudonbí monia.

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

YEREMIA 9:19

Kon Sion kinodongogan in ombaḷ, “Moputú in kita bo totok in pinokopo oyámai. Butá naton musti taḷaan naton, baḷoi mita naton norimumud posirarit.”

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

YEHEZKIEL 22:31

Tuamai in tanaa pinobayá-Kudon in torú-Ku kon i monia, bo naonda bo tuḷú Akuoi in moyompat kon i monia popisí in aid monia. Akuoi ki Tuhan Inta Totok in moḷantud ain nosingog.”

YEHEZKIEL 7:19

Buḷawan bo saḷaka in ḷumbúonbí monia kon daḷan naonda bo apat, sin kon singgai ki Tuhan mopoaid in torú-Nea, yo buḷawan bo saḷaka tua in diábí mokoposaḷamat kon i monia, nodapotbí in tongá mokopopisí kon i monia mogaid kon dosa. Diá bidon in mosia motaau mopomaké intua sin mopoorop kon ibog monia andeka pomonu monia kon sian.

YEHEZKIEL 7:21

Ki Tuhan in noguman kon bangusa in Israel, “Pomayá-Kubí mako in intau mita ango-angoi in mogagow kon i monimu. Intau mita moraat in mogagowbí kon kapunyaanmu bo moponajis intua.

YEHEZKIEL 7:24

Bangusa mita inta totok in moromú in poangoi-Kubí sin mongawasa kon baḷoimu mita. Intaumu mita inta mongotoyang bo inta mongotorindog in moondokbí aka pomayá-Ku mako in bangusa mita tatua morimumud kon tampat mita pooibadaanmu.

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

MIKHA 6:15

Moiko in moponimboibí in gandum, táe diábí mokoyut kon bungainea. Moiko in mogaidbí kon ḷana nongkon bungai in zaitun, táe diábí mokopomaké kon ḷananea. Moiko in momugutbí kon anggur, táe diábí moiinum kon tua.

ZEPANYA 1:9

Akuoi in mohukumbí kon bayongan in intau noibada naonda bo intau inta diá nonotaau kon i-Nakó, bo inta nonakow poḷat noḻimod sin momonu kon baḷoi i tuang monia takin pakakat mita inta inagow.”

ULANGAN 28:30

Aka moiko diá motoindudui kon i Tuhan Allahmu, tanaa mita in moiuma kon inimu: Moiko in mongantangbí, táe intaubí ibanea in mobuḷoi kon i kantangmu. Moiko in moposindogbí in baḷoi, táe diábí utunanmu intua. Moiko in momuḷabí kon gobá in anggurmu táe diábí moikaan kon bungainea mita.

ULANGAN 28:39

Moiko in momuḷabí kon gobá mita in anggur bo ḷukadan monimu táe diábí mosipú kon bungai in anggur ande monginum kon tubignea, sin pangkoi mita in anggur tatua nodait kinaan in uḷod.

ULANGAN 28:51

Mosia in mokopodaitbímai kon bobiagon bo bungai in boyómu, bo diábí tonggagatan monia in gandum in moiko, tubig in anggur, ḷana in zaitun ande sapi bo bembé dombamu modapot in moiko matoi in gogoy.