ZEPANYA 1:11 - Alkitab Singog In Mongondow Masa In Tanaa

¹¹ Pogamui bo pongombaḷdon kon dodai in moiko mokodongog kon tua, ei intau inta nogutun kon kotá kon dotá in ḻimonag, sin bayongan in mopopotaḷui bo intau mita inta nopoḷuan in doit in minatoidon kinoḻimodan!

ZEPANYA 1:11 ပူးပေါင်းရင်းမြစ်များ

AYUB 27:16

Aka sia in nosipun kon saḷakanea mobayong bo ḷambungnea in moguntu-guntuḷ,

AYUB 27:17

táe saḷaka bo ḷambung tatua komintan in mobaḻíbí kapunyaan in intau inta motuḻid in gina.

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEREMIA 4:8

Tuamai, pongombaḷ bo pogamuidon, pakédon in daing karong nobaḻí tomponuot in pinonogumatoian. Sin torú i Tuhan inta tumaga-tagab diápa doman nopiong nongkon Yohuda.

YEHEZKIEL 21:12

Ei intau ilo-ilow, pogamuidon bo pomaḷú! Sin kedang tatua in nosadiadon monayow kon umat-Ku. Itoi mita in Israel takin bayongan in bangusa tumbukonbí in kedang tatua modapot in matoi. Dá tokapdon in dodobmu takin robonoḷ,

HOSEA 9:6

Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

YOËL 1:5

Ei intau mita inta nongoḷoḷangu, pobangondon! Ei mongonginum mita, pongombaḷdon! Sin anggur inta mobagu inagowdon nongkon bibigmu.

ZEPANYA 2:5

Kinutukdon in moiko, ei intau in Pilistin, bangusa inta nogutun kon kinoouput in pintad. Ki Tuhan in nonantúdon kon hukuman kon inimu. Sia in moyopúbí kon i monimu, diábí tobatúmai in nongkon sigad monimu in kotaḻiban.

ZAKHARIA 14:21

Bayongan in pansi kon Yerusalem bo kon bayongan in Yohuda in tondíondon mobaḻí kapunyaan i Tuhan Inta Totok in mokawasa. Intau mita inta moposumba in kuruban in momakébí intua porubusan kon ponoyá inta posumba. Aka wakutu tatua moiangoi, yo diá bidon in mopopotaḷui kon Baḷoi i Tuhan Inta Totok in mokawasa.

YOHANES 2:16

Bo Sia in noguman kon intau mita mopopotaḷui in paḷoma, “Tokodiadon komintan nongkon naa. Dikabí baḻíon monimu pasar in Baḷoi Amá-Ku!”

YAKOBUS 5:1

Utat mita, intau inta nobiag nooyúon! Indongogaidon in tongginaku naa. Moiko in musti mongombaḷ bo mogamui sin moiko in koantuganbí in roriga!