ZEPANYA 1:1 - Alkitab Singog In Mongondow Masa In Tanaa

¹ Ki Zepanya in ki adí i Kusyi. Uput in inanakannea nongkon ḻimonag bo mopoonik in ki Kusyi, ki Gedalya, ki Amazia bo ki Datu Hizkia. Naa in koyow i Tuhan kon i Zepanya kon tungkuḷ in ki Datu Yosia ki adí i Amon nomarenta kon Yohuda.

ZEPANYA 1:1 ပူးပေါင်းရင်းမြစ်များ

DATU MITA 2 21:18

Ki Manasye in minatoi bo iḷobong kon taman in komaḻig, inta taman i Uza. Ki Amon ki adínea ḷoḷaki in nobaḻí datu nonoḻiu kon inia.

DATU MITA 2 21:26

Ki Amon in iḷobong kon poḷoḷobongan kon taman i Uza. Ki Yosia ki adínea in nobaḻí datu nonoḻiu kon inia.

TAWARIKH 2 33:20

Ki Manasye in minatoi bo iḷobong kon komaḻig. Ki Amon ki adínea ḷoḷaki in nobaḻí datu nonoḻiu kon inia.

YEREMIA 1:2

Ki Tuhan in nosingog kon i Yeremia kon taong impuḷú bo toḷúnea kon pinomarentaan i Yosia ki adí i Amon datu in Yohuda.

YEREMIA 22:11

Soaḷ ki Yoahas, ki adí ḷoḷaki i Yosia, inta nobaḻí datu in Yohuda momaḷui kon i amánea, ki Tuhan in noguman nanaa, “Sia in minayádon nongkon naa, bo diá bidon mobui mangoi.

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

HOSEA 1:1

Naa in koyow inta inogoi i Tuhan kon i Hosea ki adí i Beeri kon tungkuḷ in dodatuan in Yohuda noyo-noyodudui in pinarenta i Datu Uzia, i Yotam, i Ahas, bo Hizkia, bo dodatuan in Israel in pinarenta i Yerobeam ki adí i Yoas.

TIMOTIUS 2 3:16

Komintan inta pinais kon Buk Motusi inta ain pinoporoho i Allah in baragunabí totok pakéon motundú kon inta mobanar, bo mopoyotutui doman kon onu inta noitaḷá, pakéon doman motundú kon intau, sinbá mobiag moiduduidon kon inta kinoibog i Allah.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.