ZAKHARIA 9:17 - Alkitab Singog In Mongondow Masa In Tanaa

¹⁷ Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

ZAKHARIA 9:17 ပူးပေါင်းရင်းမြစ်များ

MAZMUR 144:12

Igumon mako in ki adí mita ḷoḷaki naton kon dodai in nobagupa naonda bo pinomuḷa inta nobiag noḷoben. Igumon mako in adí mita bobay naton naonda bo oigi moḷunat, inta noḷambá kon batúan siku in komaḻig.

MAZMUR 145:7

Intau in mongongumanbí kon bayongan in aid-Mu mopia bo mopodondong in kooadil-Mu.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 31:19

Tukumaidon in bibig intau mouboḷ inta takin ḷoḷatú mongempeng kon intau motuḻid in gina.

MAZMUR 36:7

Kopopia-Mu in ná koḷantud in buḷud, bo kooadil-Mu in ná kodaḷom in dagat; intau bo mahaḷuk biniag-Mu, o Tuhan.

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

MAZMUR 90:17

O Tuhan Allah nami, barakataipa in kami, sinbá bayongan in oaidan nami oyúon in bungainea.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

DONDONG MOḶANTUD 5:10

Batoḷ in dodobku motorindog bo moḷunat, noiḻiu kon intau mopuḷú noribu.

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

YESAYA 33:17

Moiangoi in wakutunea moiko in mokoontong kon datu tobatú inta momarenta takin kamuliaan kon sinangkub in butá kon bayongan in tampat.

YESAYA 63:15

O Tuhan, indoiaidon nongkon soroga, nongkon tampat-Mu inta motusi bo momulia. Kon onda in tabi bo kotorindog-Mu? Kon onda degá in gina-Mu inta kinoaputan in totabi-Mu? Dikadon tahangon-Mu in gina-Mu kon inami.

YESAYA 63:7

Akuoi in mopohabar in tabi i Tuhan bo modayow kon i-Nia sin bayongan in aid-Nea. Binarakatan-Nea totok in umat-Nea, sin Sia in nonotabi bo tabi-Nea in diábí moobo-obot.

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEREMIA 31:14

Imang mita in poguḻíon-Kubí in kaanon inta mobayong totok; bo bayongan inta paraḷuon in umat-Ku ogoi-Kubí. Akuoi, ki Tuhan, inta noguman.”

YOËL 2:26

Tugatbí in kaanon kon i monimu bo mokorasabí kon mobotug. Ki Tuhan Allahmu in pomuliaanbí monimu, sin nobayong in inta mokoherang in inaidan-Nea kon inimu. Umatku in diá bidon motaau in tososingkuḻe mako!

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

SURAT I PAULUS KON JAMAAT RUM 5:20

Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.

SURAT I PAULUS KON JAMAAT RUM 5:8

Táe ki Allah in noponiatadon in tabi-Nea kon i naton, kon dodai in ki Kristus pinokuruban sin kopontingan naton, kon dodai in kita binaradosapa.