ZAKHARIA 8:17 - Alkitab Singog In Mongondow Masa In Tanaa

¹⁷ Dika monomayá kon inta moraat kon tumpaḷa intau. Dika mongibot kon uboḷ. Kodoí-Ku in inta uboḷ bo inta diá moadil bo aid moromú.”

ZAKHARIA 8:17 ပူးပေါင်းရင်းမြစ်များ

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 101:3

aid moraat in diábí pomayáku mako. Kodoí-Kubí in dodia in intau inta nomaḻidawan, bo doíbí in akuoi mopandungmai kon i monia.

AMSAL 3:29

Dika monomayá kon inta mokorugi kon tumpaḷa intau topodiugmu inta mopirisaya kon inimu.

AMSAL 6:14

Raiannea inta moraat nopuḻing in tomayá moraat bo mokopomuká kon rogenggeng kon bayongan in tampat.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

YEREMIA 4:2

Aka moiko in mongibot podoyon kon tangoi-Ku bo moiko in mobiag mojujur moadil bo mobanar, dá bayongan in bangusa in mopoigumbí kon i-Nakó sinbá barakatan-Ku in mosia, bo mosia in modayow kon i-Nakó.”

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

HABAKUK 1:13

Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

ZAKHARIA 7:10

Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’

ZAKHARIA 8:18

Ki Tuhan Inta Totok in mokawasa nobogoi in koyow tanaa kon inakó ogoi kon umat-Nea,

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.